ᒥᓂᔅᑕ ᐊᒡᓘᒃᑲᖅ ᐱᔭᕇᑦᑎᐊᕆᕗᖅ ᓱᓕ ᑲᔪᓯᓯᒪᑦᑎᐊᕐᒥᔪᒥᒃ ᐅᑭᐅᖅᑕᖅᑐᒥ ᐳᓚᕋᓐᓂᕐᒥᓂᒃ
November 22, 2012

ᐋᑐᕚ, ᐋᓐᑎᐅᕆᔫ – ᓂᕈᐊᖅᑕᐅᓯᒪᔪᖅ ᓕᐅᓇ ᐊᒡᓘᒃᑲᖅ, ᑲᓇᑕᒧᑦ ᒪᓕᒐᓕᐅᕐᕕᖕᒧᑦ ᒪᓕᒐᓕᐅᖅᑎᖓᑦ ᓄᓇᕗᑦ, ᒥᓂᔅᑕᐅᔪᖅ ᐋᓐᓂᐊᖅᑐᓕᕆᓂᕐᒧᑦ, ᒥᓂᔅᑕᐅᔪᖅ ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕈᑎᒃᓴᓂᒃ ᐱᕙᓪᓕᐊᑎᑦᑎᓂᕐᒧᑦ ᐱᓕᕆᕝᕕᖕᒧᑦ, ᒥᓂᔅᑕᐅᔪᖅ ᐅᑭᐅᖅᑕᖅᑐᒥᐅᑕᓂ ᑲᑎᒪᔨᕐᔪᐊᕐᓄᑦ ᐊᒻᒪᓗ ᒥᓂᔅᑕᐅᔪᖅ ᑲᒪᔨᐅᓂᕐᒧᑦ ᐅᑭᐅᖅᑕᖅᑐᒥᒃ, ᐅᑎᖅᓯᒪᓕᕆᕗᖅ ᐋᑐᕚᒧᑦ ᐳᓚᕋᓯᒪᑦᑎᐊᖄᓚᐅᖅᓱᓂ ᕿᑎᖅᒥᐅᓂ ᑭᕙᓪᓕᕐᒥᐅᓪᓗ ᐊᕕᒃᑐᖅᓯᒪᓂᖏᓐᓂ.

ᒥᓂᔅᑕ ᐊᒡᓘᒃᑲᖅ ᐱᒋᐊᓚᐅᖅᑐᖅ ᐳᓚᕋᓐᓂᕐᒥᓂᒃ ᑲᖏᖅᖠᓂᕐᒥ ᓄᕕᐱᕆ 11-ᖑᑎᓪᓗᒍ, ᐃᖅᑲᐅᒪᖃᑕᐅᓪᓗᓂ ᐃᖃᐅᒪᔭᐅᕝᕕᐅᑉ ᐅᓪᓗᖓᓂ. ᑕᐃᑲᓂ ᑲᑎᓯᒪᓂᖏᓐᓂ ᒫᓂ ᐅᓗᔫᑉ ᐃᓕᓐᓂᐊᕐᑯᖓᓐᓂ, ᕈᐃᔪᓪ ᑲᓇᑕᐅᑉ ᓖᔾᔭᓐᑯᖏᓐᓂᒃ, ᓄᓇᓕᖕᒥᐅᑦ ᑲᑎᓚᐅᖅᑐᑦ ᐃᖅᑲᐅᒪᔭᐅᖁᓪᓗᒋ1ᑦ ᑕᐃᒃᑯᐊ ᑐᓂᓯᓯᒪᓂᑯᑦ ᐃᓅᓯᕐᒥᓂᒃ ᐃᓱᒪᖅᓲᑎᒃᓴᖃᕈᓐᓇᖁᓪᓗᒋᑦ1 ᓄᓇᕗᒻᒥᐅᓄᑦ ᐅᓪᓗᒥᐅᓕᖅᑐᖅ ᐊᑐᖅᑕᐅᔪ1ᓇᖅᓯᓯᒪᔪᓂᒃ. ᒥᓂᔅᑕ ᐊᒡᓘᒃᑲᖅ ᕿᓚᒥᑯᓗᒃ ᓄᖃᖓᑲᐃᓐᓇᓚᐅᕐᒥᔪᖅ ᔭᓗᓇᐃᒥ ᐳᓚᕋᓐᓂᕐᒧᑦ ᓂᕆᐊᖅᑎᒋᕙᒃᑕᒥᓂᒃ ᕿᑎᖅᒥᐅᑦ ᐋᓐᓂᐊᕐᕕᓕᐊᖅᓯᒪᔪᑦ ᑐᔪᕐᒥᕕᖓᓃᑦᑐᓂᒃ.

ᒥᓂᔅᑕᐅᔪᖅ ᐊᓱᐃᓛᒃ ᐊᐅᓪᓚᓚᐅᕆᕗᖅ ᑕᓗᕐᔪᐊᓄᑦ ᑐᖓᓱᒃᑎᑕᐅᑦᑎᐊᓚᐅᖅᓱᓂᓗ ᒪᐃᔭᖓᓐᓄᑦ ᑖᒥ ᐊᐃᔭᐅᑦ, ᒪᐃᔭᓪᓗ ᑐᒡᓕᖓᓄᑦ ᑦᓵᓕ ᓚᐃᔪᓪ ᐊᒻᒪᓗ ᕼᐊᒻᒪᓚᑦᑯᑦ ᑎᑎᕋᖅᑎᖓᓄᑦ ᑯᕆᔅ ᑎᒃᓴᓐᒧᑦ. ᑕᐃᕙᓃᓐᓂᖓᓂ ᑕᓗᕐᔪᐊᓂ, ᒥᓂᔅᑕ ᐊᒡᓘᒃᑲᖅ ᑕᑯᓂᐊᖅᓯᒪᓚᐅᕐᒥᔪᖅ ᕼᐊᒻᓚᑦᑯᓐᓂᒃ, ᑲᑎᖃᑎᒋᓪᓗᓂᒋᓪᓗ ᓂᕈᐊᖅᑎᒋᔭᖏᑦ.

ᐳᓛᕆᐊᖅᓯᒪᑦᑎᐊᖄᓚᐅᖅᓱᓂ ᑕᓗᕐᔪᐊᓂ, ᒥᓂᔅᑕ ᐊᒡᓘᒃᑲᖅ ᐊᐅᓪᓚᓕᓚᐅᕆᕗᖅ ᑯᒑᕐᔪᖕᓄᓐ. ᑐᖓᓱᒃᑎᑕᐅᓚᐅᕆᕗᖅ ᒪᐃᖓᓐᓄᑦ, ᔅᑏᕙᓐ ᐃᓇᓴᕙᖅ ᐊᒻᒪᓗ ᕼᐊᒻᒪᓚᑦᑯᑦ ᑎᑎᕋᖅᑎᖓᓄᑦ ᒍᕇᐊᒡ ᕼᐋᓕᑦᓯᒧᑦ. ᑕᐃᑲᓃᓐᓂᖓᓂᑕᐅᖅ, ᑯᒑᕐᔪᖕᓂ, ᒥᓂᔅᑕ ᐊᒡᓘᒃᑲᖅ ᐃᓚᐅᓚᐅᖅᑐᖅ ᓄᓇᓕᖕᒥᐅᑦ ᓂᕆᕕᒡᔪᐊᖅᑎᑦᑎᓂᖏᓐᓂ ᐊᒻᒪᓗ ᑐᓂᓯᓪᓗᓂ ᑰᒐᕐᔪᖕᒥᐅᑕᑐᖃᕐᒥᒃ, ᐸᕐᑖᓕᒥᐅ ᓂᕐᓗᖓᔪᖅᒥᒃ ᑯᐃᓐ ᐃᓕᓴᐱᐅᑉ II ᐊᓕᒎᔭᕐᒥᒃ ᖁᕕᐊᓲᑕᐅᓂᕐᒧᑦ ᐅᔭᒥᖕᒥᒃ ᐱᔨᑦᑎᕋᐃᖃᑦᑕᕐᓂᖓᓄᑦ ᓄᓇᕗᒻᒥᐅᓂᒃ ᐊᒻᒪᓗ ᕼᐊᒻᒪᓚᑦᑯᖏᓐᓂᒃ ᑯᒑᕐᔫᑉ.

ᑰᒐᕐᔪᖕᓃᓚᐅᖅᓱᓂ ᒥᓂᔅᑕ ᐊᒡᓘᒃᑲᖅ ᐊᐅᓪᓚᓚᐅᖅᐳᖅ ᖃᒪᓂ'ᑐᐊᕐᓄᑦ. ᒪᐃᔭ ᑏᕕᑦ ᐊᖅᓴᕐᓂᖅ ᑐᖓᓱᒃᑎᑦᑎᓚᐅᖅᑐᖅ ᒥᓂᔅᑕᒥᒃ ᕼᐊᒻᒪᓚᒃᑯᖏᓐᓄᑦ, ᑕᑯᒋᐊᖃᑎᒌᓪᓗᓂᐅᒡᓗ ᐋᓐᓂᐊᖅᑐᓕᕆᔨᒃᑯᖏᓐᓂᒃ ᐊᒻᒪᓗ ᒫᑕ ᑕᓕᕆᐅᑉ ᐃᒡᓗᖁᑖᖓᓂᒃ ᐊᒻᒪᓗ ᔾᔫᓇ ᐊᒥᑦᓈᑉ ᐃᓕᓐᓂᐊᕐᕕᐊᓂᒃ. ᐋᓐᓂᐊᕐᕕᖕᒦᓐᓂᖓᓂ, ᒥᓂᔅᑕ ᐊᒡᓘᒃᑲᖅ ᓄᕙᓕᖅᑕᐃᒪᔾᔪᑎᒥᒃ ᑲᐱᔭᐅᓚᐅᕐᒥᔪᖅ ᐃᓂᒋᔭᐅᓕᓚᐅᖅᑐᖅ 334−ᒋᔭᐅᔪᖅ ᑲᐱᔭᐅᓯᒪᓕᖅᑐᓂ ᑕᐃᑲᓂ ᐋᓐᓂᐊᕐᕕᖕᒥ. ᐅᓐᓄᓴᐅᓕᖅᑎᓪᓗᒍ ᐅᐊᑦᑎᐊᕉᓕᕐᒪᑦ, ᖁᕕᐊᓲᑕᐅᓂᕐᒧᑦ ᐅᔭᒥᒃᑖᖅᑎᑕᐅᓚᐅᕆᕕᖅ ᒪᐃᔭ ᐊᖅᓴᕐᓂᖅ, ᐲᑕ ᑖᐸᑕᐃ ᐊᒻᒪᓗ ᐅᐃᓕᔭᒻ ᓄᐊ ᓄᓇᒥᓂᒃ ᐱᔨᑦᑎᕋᐃᖃᑦᑕᕐᓂᖏᓐᓄᑦ.

"ᖁᕕᐊᓇᒻᒪᕆᓚᐅᖅᑐᖅ ᐅᑎᖅᓯᒪᔪᓐᓇᕐᓂᖅ ᕿᑎᖅᒥᐅᓂ ᑭᕙᓪᓕᕐᒥᐅᓪᓗ ᐊᕕᒃᑐᖅᓯᒪᓂᖏᓐᓂ, ᓵᖓᓪᓗᒋᑦ ᑕᑯᓪᓗᐊᕕᒃᓱᒋᑦ ᐃᓄᐃᑦ ᓂᕈᐊᖅᑎᒋᔭᒃᑲ. ᐅᐱᓐᓇᒻᒪᕆᓚᐅᖅᑐᖅ ᑐᓂᓯᔪᓐᓇᕐᓂᖅ ᐊᒥᓱᓂᒃ ᑐᓂᔭᐅᓯᒪᔭᕆᐊᖃᖅᑐᓂᒃ ᓄᓇᕗᒻᒥᐅᑕᓂᒃ ᑯᐃᓐ ᐊᓕᒎᔭᕐᓂᒃ ᖁᕕᐊᓲᑎᖃᕐᓂᕐᒧᑦ ᐅᔭᒥᖕᓂᒃ, ᖃᐅᔨᒪᔭᐅᖁᓗᐊᖅᓱᒋᑦ ᐃᑲᔪᖃᑦᑕᐃᓐᓇᕐᓂᖏᑦ ᓄᓇᑦᑎᓐᓂᒃ ᐊᕕᒃᑐᖅᓯᒪᓂᕐᒥ," ᐅᖃᓚᐅᖅᑐᖅ ᐊᒡᓘᒃᑲᖅ.
ᓯᓚᑦᑎᐊᕙᐅᓚᐅᖏᓐᓂᖓᓄᑦ, ᒥᓂᔅᑕ ᐊᒡᓘᒃᑲᖅ ᑭᖑᕙᕆᐊᕆᐊᖃᓕᓚᐅᖅᑐᖅ ᑎᑭᓯᒪᓂᐊᕐᓂᕐᒥᓂᒃ ᓇᐅᔮᓄᑦ ᐊᒻᒪᓗ ᐊᕐᕕᐊᓄᑦ .

ᐋᑐᕙᒦᓕᕐᒥᒐᒥ ᑕᒪᑐᒪᓂ ᐱᓇᓱᐊᕈᓯᕐᒥ, ᒥᓂᔅᑕ ᐊᒡᓘᒃᑲᖅ ᐅᑎᖅᓯᒪᓕᕆᕗᖅ ᒥᓂᔅᑕᐅᓂᕐᒥᓄᑦ ᐱᓕᕆᐊᒃᓴᒥᓄᑦ, ᐊᒻᒪᓗ ᓂᕈᐊᖅᑕᐅᓯᒪᓂᕐᒥᓄᑦ ᐱᓕᕆᐊᒥᓄᑦ .

ᐊᐱᖁᑎᒃᓴᖃᑐᐊᕈᕕᑦ ᐱᔾᔪᑎᒋᓪᓗᒋᑦ ᑕᒪᒃᑯᐊ ᖃᐅᔨᒪᑎᑦᑎᔾᔪᑎᓴᓕᐊᕆᔭᐅᔪᑦ ᓴᕿᑎᑕᐅᓂᖏᑦ ᐊᓯᖏᓂᒡᓗᓐᓃᑦ ᐱᔾᔪᑎᖃᖅᑐᓂᒃ, ᐊᑏᑐᖅ ᑕᑯᒋᐊᕐᓂᐊᖅᐸᐃᑦ ᒥᓂᔅᑕ ᐊᒡᓘᒃᑲᐅᑉ ᖃᕆᑕᐅᔭᒃᑯᑦ ᑕᑯᓂᐊᖅᑕᐅᕝᕕᖓ ᐅᕙᓂ www.LeonaAglukkaq.ca−ᒥ ᐅᕝᕙᓗᓐᓃᑦ ᐅᖄᓚᕕᒋᓗᒍ ᐃᖃᓇᐃᔭᕐᕕᖓ ᐅᕙᓂ 613-992-2848.

Links