ᐋᐸᑉ ᒐᕙᒪᒃᑯᖏᑦ ᐊᖏᒡᓕᒋᐊᖅᑎᑦᑎᔪᑦ ᐊᑐᖅᑐᐊᖅᑎᑦᑎᔪᓐᓇᕐᓂᖏᓐᓂᒃ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᓂᕆᔭᐅᔪᓂ ᒐᕙᒪᒃᑯᖏᓐᓂᒃ

March 15, 2012

ᓂᕈᐊᖅᑕᐅᓯᒪᔪᖅ ᔾᔨᒻ ᕙᓚᐅᕆᑎ, ᒥᓂᔅᑕᐅᔪᖅ ᑮᓇᐅᔭᓕᕆᓂᕐᒧᑦ, ᐅᓪᓗᒥ ᓇᓗᓇᐃᖅᓯᑦᑎᐊᖃᐅᔪᖅ ᑲᓇᑕᐅᑉ ᒐᕙᒪᒃᑯᖏᑦ ᐊᖏᒡᓕᒋᐊᖅᑎᑦᑎᓯᒪᓕᕐᓂᖏᓐᓂᒃ ᐊᖏᓂᖅᐹᕆᔭᐅᔪᓐᓇᖅᑐᓂᒃ ᑮᓇᐅᔭᓂᒃ ᐊᑐᖅᑐᐊᖅᑕᐅᔪᓐᓇᕐᓂᐊᓕᖅᑐᓂᒃ ᒐᕙᒪᒋᔭᐅᔪᓂᒃ ᓄᓇᑦᓯᐊᕐᒥ, ᔫᑳᓐᒥᐅᓂ ᐊᒻᒪᓗ ᓄᓇᕗᒻᒥ. 

"ᑕᒪᒃᑯᐊ ᐊᖏᒡᓕᒋᐊᖅᑕᐅᔪᑦ ᐊᒥᐊᒃᑯᔭᐅᓯᒪᔪᓐᓇᕐᒪᑕ ᐊᒻᒪᓗ ᓴᕿᔮᕈᑕᐅᓪᓗᑎᒃ ᐊᖏᓂᖅᓴᐅᓕᖅᑐᓂᒃ ᑮᓇᐅᔭᓂᒃ ᐊᑐᒐᒃᓴᓂᒃ ᐊᑐᐃᓐᓇᐅᓂᐊᓕᖅᑐᓂᒃ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᓂᕐᔪᐊᓂ, ᐊᐅᓚᑦᑎᔾᔪᑎᒃᓴᖏᓐᓄᑦ ᑲᒪᒋᖃᑦᑕᕆᐊᖃᖅᑕᖏᑦ ᑲᔪᓯᔪᓐᓇᖁᓪᓗᒋᑦ," ᐅᖃᖃᐅᔪᖅ ᒥᓂᔅᑕ ᕙᓚᐅᕆᑎ. 

ᓂᕈᐊᖅᑕᐅᓯᒪᔪᖅ ᓕᐅᓇ ᐊᒡᓘᒃᑲᖅ, ᒥᓂᔅᑕᐅᔪᖅ ᑲᓇᑕᐅᑉ ᐅᑭᐅᖅᑕᖅᑐᖓ ᑮᓇᐅᔭᓕᐅᕐᕕᒃᓴᓂᒃ ᐱᕙᓪᓕᐊᑎᑦᑎᓂᕐᒧᑦ ᐃᖃᓇᐃᔭᕐᕕᖕᒥ, ᐅᖃᖃᐅᖕᒥᔪᖅ "ᑕᒪᓐᓇ ᐊᖏᒡᓕᒋᐊᖅᑕᐅᓯᒪᓂᖅ ᐊᑐᖅᑐᐊᖅᑎᑦᑎᔪᓐᓇᖅᓯᓂᖓᑦ ᐃᑲᔪᕐᓂᖃᕐᓂᐊᖅᑐᖅ ᐅᑭᐅᖅᑕᖅᑐᒥᐅᑕᐃᑦ ᒐᕙᒪᒃᑯᖏᓐᓂᒃ ᐱᒻᒪᕆᐅᔪᓂᒃ ᐱᕈᖅᓰᓇᓱᐊᕈᓐᓇᕐᓂᖅ ᓯᕗᓂᒃᓴᒥᓂ."

ᐊᖏᓂᖅᐹᑦ ᑮᓇᐅᔭᐃᑦ ᐊᑐᖅᑐᐊᖅᑕᐅᓯᒪᔪᓐᓇᖅᑐᑦ ᓄᓇᑦᓯᐊᑉ ᒐᕙᒪᒃᑯᖏᓐᓂᒃ, ᐊᖏᒡᓕᒋᐊᖅᑕᐅᓯᒪᓕᖅᐳᑦ $800 ᒥᓕᔭᓐᓄᑦ; ᐃᓱᖃᖅᑎᑕᐅᓂᖏᑦ ᒐᕙᒪᒃᑯᑦ ᔪᑳᓐᒥᐅᓂ ᐊᒻᒪᓗ ᓄᓇᕗᒻᒥ ᐊᖏᒡᓕᒋᐊᖅᑕᐅᓯᒪᓕᖅᐳᑦ $400 ᒥᓕᔭᓐᓄᑦ. 

ᒪᓕᒃᑕᐅᔭᕆᐊᖃᖅᓱᑎᒃ ᑲᓇᑕᓕᒫᒧᑦ ᒪᓕᒐᐃᑦ, ᑖᒃᑯᐊ ᐊᖏᒡᓕᒋᐊᖅᑕᐅᓂᖏᑦ ᐊᖏᖅᑕᐅᓚᐅᖅᑐᑦ ᑯᐃᓐ ᑭᒡᒐᖅᑐᐃᔨᖓᓄᑦ, ᑎᓕᔭᐅᓯᒪᓪᓗᓂ ᒥᓂᔅᑕᐃᑦ ᑲᑎᒪᔨᖏᓐᓄᑦ.  



Links