ᒥᓂᔅᑕ ᓵ ᑐᓴᖅᑎᑎᓚᐅᖅᑐᖅ ᐊᐅᓚᑕᐅᒍᑎᒃᓴᖏᓐᓂᒃ ᐊᑯᑭᑦᑐᒥ ᖃᓕᕋᓕᕆᓂᕐᒥᒃ ᑲᓇᑕᐅᑉ ᐅᑭᐅᖅᑕᖅᑐᖓᓂᓗ

November 09, 2009

ᐊᑐᕚ - ᑲᓇᑕᐅᑉ ᒐᕙᒪᒃᑯᖏᓐᓄᑦ ᒥᓂᔅᑕ ᒋᐊ ᓵ, ᒥᓂᔅᑕ ᐃᖃᓗᓕᕆᓂᕐᒧᑦ ᑕᕆᐅᕐᒥᐅᑕᓕᕆᓂᕐᒧᓪᓗ ᑐᓴᖅᑎᑎᓚᐅᖅᐳᖅ ᑲᓇᑕᒥ ᖃᓕᕋᓕᒃᑕᐅᖃᑦᑕᕐᓂᐊᖅᑐᓂᒃ ᐅᐊᖕᓇᖅᐸᓯᖓᓂ ᐊᑦᓛᓐᑎᒃ ᑕᕆᐅᖓᑕ ᐊᑯᑭᑦᑐᒥ ᐋᖅᑭᒃᑕᐅᓯᒪᖕᒪᑦ 7,000-ᓂᒃ ᑕᓐᔅᓂᒃ ᐱᖃᑦᑕᕐᓂᐊᕐᓂᖏᓐᓄᑦ. ᐅᓄᖅᓯᒋᐊᖅᐳᑦ ᐃᖃᓗᒃᑕᐅᔪᓐᓇᖅᑐᑦ 1,500-ᓄᑦ ᐊᕐᕌᓂᐅᓚᐅᖅᑐᒥᑦ. ᓄᓇᕗᒥᐅᑦ 90-ᐳᓴᓐ ᐅᓄᖅᓯᒋᐊᖅᑕᐅᕗᑦ ᐃᖃᓗᒍᓐᓇᖅᑕᖏᑦ ᐊᒻᒪᓗ ᐃᓄᐃᑦ ᐃᖃᓗᒃᓯᐅᖅᑎᑦ ᓄᓇᕕᖕᒥ ᐱᑎᑕᐅᓂᐊᖅᖢᑎᒃ ᐊᒥᐊᒃᑯᖏᓐᓂᒃ 10-ᐳᓴᓐ.

"ᑲᓇᑕᐅᑉ ᒐᕙᒪᒃᑯᖏᑦ ᑮᓇᐅᔭᓕᐅᕐᓂᕐᒧᑦ ᐱᕙᓪᓕᐊᒍᑎᒃᓴᓂᒃ ᐃᑲᔪᕈᑎᖃᖅᐳᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ, ᐃᖃᓗᒃᓯᐅᖅᑎᑕᐅᑦᓯᐊᖁᓪᓗᒋᑦ ᓂᐅᕐᕈᑎᒃᓴᓂᒃ," ᐅᖃᓚᐅᖅᐳᖅ ᒥᓂᔅᑕ ᓵ. "ᐅᓪᓗᒥ ᐃᓱᒪᓕᐅᕈᑕᐅᔪᑦ ᐅᓄᖅᓯᒋᐊᕐᓂᐊᖅᐳᑦ ᖃᓕᕋᓕᒃᑕᐅᖃᑦᑕᖅᑐᓂᒃ ᓄᓇᕗᒥᐅᓄᑦ ᐅᓄᖅᓯᒋᐊᕐᓗᑎᒃ. ᑕᐃᒪᓐᓇᓗ ᐃᑲᔪᕈᑎᖃᕐᓂᐊᖅᐳᒍᑦ ᓄᓇᕕᖕᒥᐅᓂᒃ ᐃᓄᖕᓂᒃ ᐃᖃᓗᒃᓯᐅᖃᑕᐅᔪᓐᓇᖁᓪᓗᒋᑦ ᓄᓇᑖᕐᕕᒋᓯᒪᔭᖏᓐᓂ ᐊᖏᕈᑕᐅᓯᒪᔪᓂ."

ᑮᓇᐅᔭᓕᐅᖅᑎᑎᓇᓱᐊᕐᓂᖅ ᓄᓇᕗᒥ ᑲᓇᑕᒥᐅᓄᑦ ᐸᕐᓇᒃᓯᒪᒍᑕᐅᑦᓯᐊᕆᐊᖃᖅᐳᖅ, ᑕᒪᓐᓇ ᑐᓴᖅᑎᑎᒍᑕᐅᓚᐅᖅᖢᓂᓗ ᒫᑦᓯ 2008-ᒥ. ᑲᓇᑕᐅᑉ ᒐᕙᒪᒃᑯᖏᑦᑕ ᐊᖓᔪᖃᖓ ᓯᑎᕕᓐ ᕼᐋᐳ ᐅᖃᓚᐅᖅᐳᖅ ᓄᓇᕗᒥᐅᑦ ᐱᕙᓪᓕᐊᓂᖃᖅᑎᑕᐅᒋᐊᖃᕐᒪᑕ ᐃᖃᓗᒃᓯᐅᖃᑦᑕᕐᓂᕐᒧᑦ ᓂᐅᕐᕈᑎᒃᓴᓂᒃ ᓄᓇᖏᓐᓂ ᖃᓂᒋᔭᖏᓐᓂ. ᑕᒪᓐᓇ ᐱᕙᓪᓕᐊᑎᑕᐅᒃᑲᓐᓂᖅᖢᓂ ᐊᐅᒐᓯ 2009-ᒥ ᓯᕗᓕᖅᑎᖓᑦ ᑲᓇᑕᒥ ᐸᖕᓂᖅᑑᓕᐊᖅᑎᓪᓗᒍ ᑐᓴᖅᑎᑎᒋᐊᖅᑐᖅᖢᓂ ᓴᓇᔪᖃᕐᓂᐊᕐᓂᖓᓄᑦ ᐅᒥᐊᓄᑦ ᑐᓚᒃᓯᒪᒍᑎᒃᓴᒥᒃ ᐱᕈᖅᐸᓪᓕᐊᓂᖃᕐᓂᖓᓄᑦ ᐃᖃᓗᒃᓯᐅᕐᓂᖅ ᑕᐃᑲᓂ.

ᐃᖃᓗᓕᕆᔨᒃᑯᑦ ᑕᕆᐅᕐᒥᐅᑕᓕᕆᔨᒃᑯᓪᓗ ᐅᖃᓚᐅᖅᐳᑦ 0B-ᖑᓂᕋᖅᑕᐅᔪᑦ ᐊᑯᑭᑦᑐᒥ ᖃᓕᕆᓕᒃᓯᐅᕐᓂᖅ ᐊᑐᖅᑕᐅᖃᑦᑕᕐᒪᑦ ᐊᒥᖅᑳᖃᑦᑕᐅᑎᓪᓗᑎᒃ ᑎᓐᒫ (ᐊᑯᑭᑦᑐᖅ) ᐊᒻᒪᓗ ᑲᓇᑕ. ᑲᑎᑦᖢᒋᑦ ᖃᓕᕋᓕᒃᑕᐅᖃᑦᑕᕐᓂᐊᖅᑐᑦ ᑖᕙᓂ 14,000 ᑕᓐᔅᓂᒃ ᐅᖁᒪᐃᓐᓂᖃᖅᑐᓂᒃ, ᐊᕕᑕᐅᓯᒪᓗᑎᒃ ᓄᓇᓕᖕᓄᑦ ᒪᕐᕉᖕᓄᑦ. ᑕᒪᓐᓇ ᐃᓱᒪᓕᐅᕈᑕᐅᔪᖅ ᐅᓄᖅᓯᒋᐊᖅᑕᐅᓚᐅᖅᖢᓂ 3,000 ᑕᓐᔅᓂᒃ ᖃᐅᔨᓴᓚᐅᖅᖢᑎᒃ ᐃᖃᓗᓕᕆᓂᕐᒧᑦ ᖃᐅᔨᓴᖅᑎᑦ ᑲᑎᒪᔨᖏᑦ.

ᑲᓇᑕᒥᐅᑦ ᐃᓚᐅᖃᑦᑕᕐᒪᑕ ᐃᖃᓗᓕᕆᔨᒃᑯᑦ 0B ᐱᓕᕆᔨᖏᓐᓂᒃ ᐃᖃᓗᒃᓯᐅᖅᑎᓪᓗ ᓄᓇᕗᒥᐅᑦ, ᓄᓇᕕᖕᒥᓗ, ᓂᐅᕙᐅᓛᒥᓗ ᐊᒻᒪᓗ ᓚᐸᑐᐊ ᓄᕙᓯᑰᓴᒥᓗ. ᐃᓱᒪᓕᐅᕈᑎᖃᓚᐅᖏᑦᖢᑎᒃ ᓱᓕ ᖃᑦᓯᓂᒃ ᐃᖃᓗᖃᑦᑕᕐᓂᐊᕐᓂᖏᓐᓄᑦ ᐊᒥᖅᑳᖃᑦᑕᐅᑎᓂᐊᕐᓂᖏᓐᓄᓪᓗ, ᐃᖃᓗᓕᕆᔨᒃᑯᑦ ᑕᕆᐅᕐᒥᐅᑕᓕᕆᔨᒃᑯᓪᓗ ᑲᑎᒪᑎᑎᓚᐅᖅᐳᑦ ᐃᖃᓗᒃᓯᐅᖅᐸᒃᑐᓂᒃ, ᑖᒃᑯᓂᖓᓗ ᓄᓇᕗᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᓐᓂᒃ.