ᐊᒡᓗᒃᑲᖅ ᖁᕕᐊᓱᒃᑐᖅ ᐅᑭᐅᖅᑕᖅᑐᒧᐊᕐᓂᕆᓚᐅᖅᑕᒥᓂᒃ
September 24, 2009
ᓄᓇᕗᑦ - ᑲᓇᑕᐅᑉ ᒐᕙᒪᒃᑯᖏᓐᓄᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᒥᓂᔅᑕ ᐊᒻᒪ ᒥᓂᔅᑕ ᐱᓕᕆᐊᖃᖅᑐᖅ ᐅᑭᐅᖅᑕᖅᑐᒥᐅᓂᒃ ᒪᓕᒐᓕᐅᖅᑎᐅᓪᓗᓂᓗ ᐊᑐᕚᒥ ᓄᓇᕗᒥᐅᓄᑦ, ᓕᐅᓇ ᐊᒡᓗᒃᑲᖅ, ᖁᕕᐊᓱᒃᐳᖅ ᐳᓚᕋᕐᓂᕋᓚᐅᖅᑕᒥᓂᒃ ᓄᓇᓕᖕᓄᑦ ᐅᑭᐅᖅᑕᖅᑐᒥᐅᓄᑦ. ᐅᓪᓗᓂ ᐳᓚᕋᕐᓂᕆᓚᐅᖅᑕᒥᓂ, ᒥᓂᔅᑕ ᐊᒡᓗᒃᑲᖅ ᑎᑭᔪᓐᓇᓚᐅᖅᐳᖅ ᑭᓐᖓᕐᓄᑦ, ᓴᓂᕋᔭᖕᒧᑦ, ᐃᒡᓗᓕᖕᒧᑦ, ᑰᕌᕐᕈᖕᒧᑦ, ᓴᓪᓕᕐᒧᑦ, ᐃᒡᓗᓕᒑᕐᔪᖕᒧᑦ, ᐊᕐᕕᐊᓄᑦ, ᑎᑭᕋᕐᔪᐊᒧᑦ ᑲᖏᖅᖠᓂᕐᒧᓪᓗ. ᒥᓂᔅᑕ ᖁᔭᓐᓇᒦᕈᒪᓚᐅᖅᖢᑎᒃ ᑕᒪᐃᓐᓂᒃ ᐃᓄᖕᓂᒃ ᑲᑎᖃᑎᒋᔪᓐᓇᓚᐅᖅᑕᒥᓂᒃ. "ᖁᕕᐊᓱᑦᓯᐊᓚᐅᖅᐳᖓ ᐊᖏᕐᕋᐅᔪᓐᓇᓚᐅᕋᒪ," ᐅᖃᓚᐅᖅᐳᖅ ᐊᒡᓗᒃᑲᖅ. " ᐅᖃᓪᓚᒍᓐᓇᓚᐅᖅᖢᖓᓗ ᐃᓄᖕᓄᑦ ᓄᓇᓕᖕᓂ ᓈᓚᐅᑎᒃᑯᑦ, ᑲᑎᖃᑎᖃᕈᓐᓇᖅᖢᖓᓗ ᐃᓄᖕᓂᒃ ᐊᔾᔨᒌᖏᑦᑐᓂᒃ ᖃᓄᐃᓕᐅᕈᑎᖃᖅᖢᑕ ᓄᓇᓕᖕᓂᓗ ᑭᒡᒐᖅᑐᖅᑎᐅᔪᓂᒃ ᑲᑎᒪᖃᑎᖃᕈᓐᓇᓚᐅᕋᒪ." ᒥᓂᔅᑕ ᐊᒡᓗᒃᑲᖅ ᐅᖃᓚᐅᖅᐳᖅ ᐱᓕᕆᐊᒃᓴᖃᒻᒪᕆᒃᑲᓗᐊᖅᖢᓂ ᐊᑐᕚᒥ, ᐱᒻᒪᕆᐅᖕᒪᑦ ᐊᖏᕐᕋᐅᒋᐊᖃᕐᓂᖅ ᑐᓴᕆᐊᖅᑐᕐᓗᓂᓗ ᐃᓱᒫᓗᒍᑎᒋᔭᐅᔪᓂᒃ ᓄᓇᓕᖕᓂᒥᐅᓄᑦ. ᐅᖃᓚᐅᖅᖢᓂᓗ ᓄᓇᕗᒥ ᐱᒍᒪᔭᐅᖅᑳᖅᑐᑦ ᐃᓱᒪᒋᖏᓐᓇᕆᐊᖃᖃᑦᑕᕋᒥᒋᑦ. "ᓄᓇᓕᖕᓄᐊᕋᔭᒋᐊᒃᓴᖅ ᐱᐊᓂᓵᓚᐅᖅᑕᓐᓂᒃ ᐊᒻᒪᓗ ᐸᖕᓂᖅᑑᓕᐊᕈᓐᓇᓚᐅᖅᖢᖓ ᐅᕙᓘᓐᓃᑦ ᐃᖃᓗᒃᑑᑦᓯᐊᒧᑦ ᑐᓴᕆᐊᖅᑐᖅᖢᖓ ᓂᕈᐊᖅᑎᒋᓯᒪᔭᓐᓂᒃ ᐱᒻᒪᕆᐅᕗᖅ. ᐃᓱᒪᒋᖏᓐᓇᖃᑦᑕᖅᖢᒋᓪᓗ ᓄᓇᓕᖕᓂᒥᐅᑦ ᐱᒍᒪᔭᖏᑦ. ᒪᓕᒐᓕᐅᖅᑎᒋᔭᐅᓪᓗᖓ ᐊᑐᕚᒥ ᓄᓇᕗᒥᐅᓄᑦ, ᖃᓄᑐᐃᓐᓇᖅ ᐃᑲᔪᕈᒪᒐᒪ ᓄᓇᕗᒥᐅᓂᒃ ᐃᓅᓯᖏᓐᓄᑦ ᐅᓪᓗᑕᒫᑦ." ᒥᓂᔅᑕ ᐊᒡᓗᒃᑲᖅ ᒥᓂᔅᑕ ᐊᒡᓗᒃᑲᖅ ᑎᓕᐅᕆᕗᖅ ᓂᕈᐊᖅᑎᒥᓂᒃ ᖃᐅᔨᒋᐊᕐᕕᐅᖃᑦᑕᕈᒪᓪᓗᓂ ᐊᓪᓚᕕᖕᒥᓂ ᖃᖓᑐᐃᓐᓇᒃᑯᑦ ᐊᐱᖁᑎᒃᓴᖃᖅᐸᑕ, ᐃᑲᔪᖅᑕᐅᒋᐊᖃᖅᐸᑕᓗ, ᐅᕙᓘᓐᓂᑦ ᑐᓴᖅᑎᑎᒍᒪᒃᐸᑕ. | September 08, 2010 ᑲᓇᑕ ᐃᑲᔪᖅᓱᐃᕗᑦ ᐃᓄᐃᑦ ᐃᓚᐅᓂᐊᕐᓂᖏᓐᓂᒃ ᑮᓇᐅᔭᓕᐅᕋᓱᐊᕐᓂᕐᒥSeptember 07, 2010 ᑲᓇᑕᐅᑉ ᒐᕙᒪᒃᑯᖏᑦ ᓇᓗᓇᐃᖅᓯᕗᑦ ᑮᓇᐅᔭᖅᑖᖅᑎᑦᑎᓂᐊᕐᓂᕐᒥᖕᓂᒃ ᐃᓄᐃᑦ ᐱᕙᓪᓕᐊᔪᓕᕆᔨᖏᑦᑕ ᑎᒥᖁᑎᖏᓐᓂᒃAugust 30, 2010 ᑲᓇᑕᐅᑉ ᒐᕙᒪᒃᑯᖏᑦ ᐃᑲᔪᖅᓱᐃᕗᑦ ᖃᐅᔨᓴᐃᓂᕐᒥᒃ ᑐᕌᖓᑎᑕᐅᓪᓗᐊᖅᑐᓂᒃ ᐃᓄᐃᑦ ᓯᕗᒃᑲᖅᑕᖅᑎᐅᓂᖏᓐᓄᑦ ᐊᐅᓚᑦᓯᔪᓐᓇᕐᓂᖏᓐᓄᓪᓗAugust 27, 2010 ᑲᓇᑕᒥᐅᑉ ᐊᖓᔪᖅᑳᕐᔪᐊᖓ ᓯᑏᕙᓐ ᕼᐋᐳ ᐊᒻᒪᓗ ᒥᓂᔅᑕ ᐊᒡᓘᑴᑲᖅ ᐅᑭᐅᖅᑕᖅᑐᒥ ᐳᓙᕋᕐᓂᖓᑦ ᑲᔪᓯᑦᑎᐊᖅᖢᓂ ᐃᓱᓕᑉᐳᖅAugust 19, 2010 ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖ ᐃᑲᔪᖅᓱᐃᕗᖅ ᓄᓇᖃᖅᑳᖅᓯᒪᔪᑦ ᑮᓇᐅᔭᓕᐅᕋᓱᐊᕈᓯᖏᓐᓂᒃJuly 14, 2010 ᒥᓂᔅᑕ ᐊᒡᓗᒃᑲᖅ ᓄᓇᕗᒥᐅᓄᑦ ᐳᓚᕋᓚᐅᖅᓱᓂ ᐱᔭᕇᕐᓂᖓ ᐳᓚᕋᕐᓂᖓ ᐊᐅᔭᖅMay 21, 2010 ᑲᓇᑕᐅᑉ ᒐᕙᒪᒃᑯᖏᑦ ᑐᓴᖅᑎᑎᓂᖏᑦ ᓂᕿᑦᓯᐊᕙᖕᓂᒃ ᐅᑭᐅᖅᑕᖅᑐᒥ ᑲᓇ ᑕᒥ ᐃᑲᔪᕈᑎᖃᕐᓂᐊᕐᓂᕐᒧᑦ ᐅᑭᐅᖅᑕᖅᑐᒥᐅᓄᑦ |