ᐋᑐᕚ — ᓄᓇᕗᒻᒥᐅᑦ ᐃᑲᔪᖅᑕᐅᓛᖅᐳᑦ ᑲᓇᑕᐅᑉ ᒐᕙᒪᑐᖃᒃᑯᖓᑕ ᓄᓇᒥᒃ ᑭᒡᓕᓕᐅᖅᑎᑦᑎᓚᐅᕐᓂᖏᓐᓂᒃ ᐊᕐᕌᒎᓚᐅᖅᑐᒥ ᓯᕗᓂᒃᓴᒥ ᐊᒥᓱᓄᑦ ᓄᓇᓕᖕᒥᐅᓄᑦ ᐃᓅᓯᖃᑦᑎᐊᕐᓂᖅᓴᐅᔪᓐᓇᓛᖅᖢᑎᒃ.
ᓕᐅᓇ ᐊᒡᓘᒃᑲᖅ, ᑲᓇᑕᐅᑉ ᒥᓂᔅᑕᖓ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ, ᑭᒡᒐᖅᑐᐃᓪᓗᓂ ᓕᓴ ᕋᐃᑦᒥᒃ, ᒥᓂᔅᑕᒋᔭᐅᔪᖅ ᓄᓇᒥᙶᖅᑐᓕᕆᔨᒃᑯᓐᓄᑦ, ᐅᓪᓗᒥ ᐅᖃᖅᑲᐅᕗᖅ 8-ᓂᒃ ᐱᐊᓂᒃᑐᖃᓚᐅᕐᓂᖓᓂᒃ ᑳᓐᓄᕌᓂᒃ ᑐᓂᔭᐅᓚᐅᖅᑐᓂᒃ ᑭᒡᓕᓕᐅᖅᑎᓕᕆᔨᒃᑯᓐᓄᑦ, ᐊᑭᖃᖅᖢᑎᒃ $1.8 ᒥᓕᐊᓐ ᑖᓚᓂᒃ.
“ᒐᕙᒪᑐᖃᖅᐳᖅ ᓴᓇᕙᓪᓕᐊᕗᖅ ᐊᖏᔫᑎᓂᒃ ᓄᑖᓂᒃ ᐃᒡᓗᒃᓴᓕᐅᖅᑐᖃᕈᓐᓇᓛᕐᒪᑦ ᓄᓇᕗᒻᒥᐅᓄᑦ,” ᐅᖃᖅᑲᐅᕗᖅ ᒥᓂᔅᑕ ᐊᒡᓘᒃᑲᖅ. “1,800 ᐅᖓᑖᓂ ᐃᒡᓗᖃᕐᕕᐅᔪᒃᓴᐃᑦ ᑭᒡᓕᓕᐅᖅᑕᐅᓯᒪᓕᖅᐳᑦ — ᐃᖅᑲᓇᐃᔮᒃᓴᖃᖅᑎᑦᑎᓪᓗᑎᒃ ᓄᓇᓕᖕᓂ ᐊᒻᒪ ᒪᔪᕋᐅᑎᒋᔭᐅᒋᓪᓗᓂ ᐱᐅᓂᖅᓴᒥᒃ ᐃᓅᓯᖃᕐᓇᕈᓐᓇᖅᑎᑦᑎᓪᓗᓂ ᐊᒥᓱᓄᑦ ᐃᓄᖕᓄᑦ ᓄᓇᕘᑉ ᓄᓇᓕᖏᓐᓂ.”
ᑖᓐᓇ ᐱᒻᒪᕆᐅᓛᖑᔪᖅ ᓄᓇᒥᒃ ᑭᒡᓕᓕᐅᖅᑎᑦᑎᓂᐅᓯᒪᔪᖅ ᐊᖏᔫᑎᒃᓴᓄᑦ ᐱᓕᕆᐊᒃᓴᕐᓂᑦ ᐅᑭᐅᖅᑕᖅᑐᕐᒥ. ᑖᔅᓱᒪᙵᑦ ᑲᒪᒋᔭᐅᔪᓂᑦ ᓴᖅᑎᑦᑐᑦ ᓯᕗᓪᓕᐅᕗᑦ ᓇᓗᓇᐃᖅᓯᓂᕐᒥ ᓇᓂ ᓄᓇᓖᑦ ᐃᒡᓗᒃᓴᓕᐅᕐᕕᐅᓂᐊᕐᓂᖏᓐᓄᑦ, ᑐᕌᕆᔭᐅᓂᖓ ᐱᖕᓂᐅᖃᑦᑕᕐᓂᖅ ᐅᑭᐅᖅᑕᖅᑐᕐᒥ ᐃᑲᔪᖅᑕᐅᓂᐊᕐᒪᑦ. ᑭᒡᓕᓕᐅᕐᓃᑦ ᓱᓪᓗᒻᒪᕆᐅᕗᑦ ᓇᖕᒥᓂᖅ ᐃᒡᓗᖃᕐᓂᕐᒧᑦ ᐱᕙᓪᓕᐊᑎᑦᑎᓂᕐᒧᓪᓗ.
ᑐᑭᒧᐊᒍᑖ ᑐᔫᑏᑦ ᐅᑭᐅᖅᑕᖅᑐᕐᒥ ᑮᓇᐅᔭᑎᒍᑦ ᐱᕙᓪᓕᐊᑎᑦᑎᓇᓱᒍᑏᑦ ᐱᓕᕆᐊᒃᓴᐅᕗᖅ ᐊᐃᑦᑐᐃᔭᐅᕙᒃᖢᓂ ᑲᓇᑕᒥ ᐅᑭᐅᖅᑕᖅᑐᕐᒥ ᐱᕙᓪᓕᐊᔪᓕᕆᔨᒃᑯᓐᓄᑦ (ᐅᑭᐅᖅᑕᖅᑐᕐᒥ ᐱᕙᓪᓕᐊᔪᓕᕆᔩᑦ). ᑐᑭᒧᐊᒍᑖ ᑐᔫᑏᑦ ᐅᑭᐅᖅᑕᖅᑐᕐᒥ ᑮᓇᐅᔭᑎᒍᑦ ᐱᕙᓪᓕᐊᑎᑦᑎᓇᓱᒍᑏᑦ ᖁᕝᕙᓯᒋᐊᖅᑎᑦᑎᓲᖑᕗᖅ ᐱᕙᓪᓕᐊᑎᑦᑎᓂᕐᒥᒃ ᐅᑭᐅᖅᑕᖅᑐᕐᒥ, ᓴᙱᒃᑎᒋᐊᖅᑎᑦᑎᓪᓗᓂ ᐃᖅᑲᓇᐃᔮᕆᔭᐅᕙᒃᑐᓂᒃ ᐊᔨᒌᓗᐊᕈᓐᓃᖅᑎᑦᑎᓪᓗᓂᓗ ᑮᓇᐅᔭᓕᐅᕐᕕᐅᕙᒃᑐᓂᒃ. ᐃᑲᔪᕐᓂᐊᖅᐳᖅ ᐱᒻᒪᕆᐅᔪᓂᒃ ᑮᓇᐅᔭᓕᐅᕐᕕᐅᔪᓐᓇᖅᑐᓂᒃ ᓴᓇᓂᕐᒥᒃ ᐃᓄᖕᓄᑦ ᓄᓇᖃᖅᑐᓄᑦ ᑲᓇᑕᐅᑉ ᐅᑭᐅᖅᑕᖅᑐᖓᑕ ᓄᓇᓕᖏᓐᓂ.
