ᓕᐅᓇ ᖁᕕᐊᓱᒃᑐᖅ ᒥᓂᔅᑕ ᓰ ᑐᓴᖅᑎᑎᒍᑎᒋᓚᐅᖅᑕᖏᓐᓂᒃ ᖃᓄᖅ ᐊᐅᓚᑕᐅᓂᐊᕐᓂᖏᓐᓄᑦ ᑲᒪᒋᔭᐅᓗᑎᒃ ᖃᓕᕋᓕᑦ ᐊᑯᑭᑦᑐᒥᐅᓄᑦ ᐃᖃᓗᒃᓯᐅᖅᑕᐅᖃᑦᑕ
ᓄᓇᕗᑦ - ᒥᓂᔅᑕ ᓕᐅᓇ ᐊᒡᓗᒃᑲᖅ, ᑲᑎᒪᔨᕐᔪᐊᖑᖃᑕᐅᔪᑦ ᓄᓇᕗᒥᐅᓄᑦ ᐊᑐᕚᒥ ᐊᒻᒪᓗ ᒥᓂᔅᑕ ᐱᓕᕆᐊᖃᖅᖢᓂ ᓄᓇᕗᒥᐅᓄᑦ ᓄᓇᑦᓯᐊᒥᐅᓄᓪᓗ, ᖁᕕᐊᓱᓚᐅᖅᐳᖅ ᑐᓴᖅᑎᑎᒍᑎᖃᓚᐅᖅᑎᓪᓗᒍ ᒥᓂᔅᑕ ᒋᐊ ᓰ, ᐃᖃᓗᓕᕆᓂᕐᒧᑦ ᑕᕆᐅᕐᒥᐅᑕᓕᕆᓂᕐᒧᓪᓗ ᒥᓂᔅᑕᐅᔪᖅ. ᒥᓂᔅᑕ ᓰ ᑐᓴᖅᑎᑎᓚᐅᑎᖅᐳᖅ ᑲᓇᑕᒥ ᐃᖃᓗᒃᓯᐅᖃᑦᑕᕐᓂᐊᓕᕐᓂᖏᓐᓄᑦ ᓂᐅᕙᐅᓛᑦ ᐃᒪᖓᓂ ᐃᖃᓗᓕᕆᔨᒃᑯᑦ ᑲᑐᔾᔨᖃᑎᒌᒃᑯᖏᑦ (NAFO) 0B ᐊᑯᑭᑦᑐᒥ ᖃᓕᕋᓕᒃᓯᐅᕐᓂᕐᒧᑦ ᐋᖅᑭᒃᑕᐅᓯᒪᓕᕐᓂᖓᓄᑦ 7,000 ᑕᓐᔅ ᐅᖁᒪᐃᓐᓂᖃᖅᑐᓂᖅᓴᓂᒃ ᐊᕐᕌᓂᐅᓚᐅᖅᑐᒥᑦ ᐱᔭᐅᕙᓚᐅᖅᑐᓂᑦ. ᓄᓇᕗᑦ ᐃᖃᓗᒃᓯᐅᕈᓐᓇᕐᓂᐊᖅᖢᑎᒃ 90-ᐳᓴᓐ ᐅᓄᖅᓯᒋᐊᕐᓂᖅᓴᐅᔪᓂᒃ ᐃᓄᐃᑦ ᐃᖃᓗᒃᓯᐅᖅᑎᑦ ᓄᓇᕕᖕᒥ ᐱᑎᑕᐅᓂᐊᖅᖢᑎᒃ ᐊᒥᐊᒃᑯᖏᓐᓂᒃ 10-ᐳᓴᓂᒃ.
"ᐅᓪᓗᒥ ᑐᓴᖅᑎᑎᒍᑕᐅᔪᖅ ᒥᓂᔅᑕ ᓰᒧᑦ ᐅᓄᖅᓯᒋᐊᕈᑕᐅᖕᒪᑦ ᓄᓇᕗᒥ ᖃᓕᕋᓕᒃᓯᐅᖃᑦᑕᐅᑎᖏᓐᓂᒃ ᖃᐅᔨᓐᓇᕈᑕᐅᓪᓗᓂᓗ ᑲᓇᑕᐅᑉ ᒐᕙᒪᒃᑯᖏᑦ ᐃᑲᔪᖅᑐᐃᓂᖏᓐᓄᑦ ᑮᓇᐅᔭᒃᓴᐅᑎᖃᕐᓂᕐᒧᑦ ᐱᕙᓪᓕᐊᑎᑎᖁᔨᓪᓗᑎᒃ ᑲᓇᑕᐅᑉ ᐅᑭᐅᖅᑕᖅᑐᒥᐅᑕᖏᓐᓂᒃ," ᐅᖃᓚᐅᖅᐳᖅ ᐊᒡᓗᒃᑲᖅ. "ᖃᐅᔨᒪᑦᓯᐊᖅᐳᒍᓪᓗ ᐃᖃᓗᒃᓯᐅᕐᓂᖅ ᓄᓇᕗᒥᐅᓄᑦ ᐃᓕᖁᓯᑐᖃᕆᔭᐅᖕᒪᑦ ᐃᑲᔪᖅᑕᐅᖁᓪᓗᒋᓪᓗ ᓂᐅᕐᕈᑎᒃᓴᒥᖕᓂᒃ ᐃᖃᓗᒃᓯᐅᖃᑦᑕᖁᓪᓗᒋᑦ ᐃᖃᓗᒃᓯᐅᕐᓂᖅ ᐱᕈᖅᐸᓪᓕᐊᔪᓐᓇᖁᓪᓗᒍ ᑮᓇᐅᔭᓕᐅᕈᑕᐅᑦᓯᐊᖁᓪᓗᒍᓗ."
ᑲᓇᑕᐅᑉ ᒐᕙᒪᒃᑯᖏᑦ ᐱᕙᓪᓕᐊᑎᑎᓯᒪᓕᕐᒪᑕ ᐅᑭᐅᖅᑕᖅᑐᒥ ᐅᑭᐅᖅᑕᖅᑐᒥ ᐸᕐᓇᒍᑎᒋᔭᐅᔪᓂ. ᑕᐃᒪᓐᓇᐃᓕᐅᓕᖅᑎᓪᓗᒋᑦ ᑐᓴᖅᑎᑎᒍᑎᒃᑯᑦ ᐱᒍᒪᔭᖏᑦ ᐱᔭᐅᕙᓪᓕᐊᓂᐊᖅᐳᑦ ᓄᓇᕗᒥᐅᑦ.
"ᐊᒃᓱᕈᖅᐳᖓ ᓄᓇᕗᒥᐅᑦ ᓂᐱᖏᑦ ᑐᓴᖅᑕᐅᖁᓪᓗᒋᑦ ᓂᕈᐊᖅᑎᒋᓚᐅᖅᑕᒃᑲᓗ ᑕᒪᕐᒥᒃ ᑎᓕᐅᖅᐸᒃᑲ ᖃᐅᔨᒋᐊᖃᑦᑕᖁᓪᓗᒋᑦ ᐊᓪᓚᕕᒐᓄᑦ ᐃᑲᔪᖅᑕᐅᒍᒪᒍᑎᒃ," ᐊᒡᓗᒃᑲᖅ ᐅᖃᓚᐅᖅᐳᖅ.
