ᐃᖃᓗᐃᑦ (ᓄᓇᕗᑦ) - ᐅᓪᓗᒥ, ᒥᓂᔅᑕ ᓕᐅᓇ ᐊᒡᓗᒃᑲᖅ, ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᒥᓂᔅᑕ ᑭᒡᒐᖅᑐᐃᓪᓗᓂ ᒋᐅᕆ ᓕᓐ, ᒥᓂᔅᑕ ᐃᖃᐃᓕᓴᕐᓂᕐᒧᑦ (ᐱᓐᖑᐊᖅᑐᓕᕆᔨᒃᑯᓐᓄᑦ), ᖁᕕᐊᓱᒍᑎᖃᓚᐅᖅᐳᑦ ᑎᑭᑎᑕᐅᑎᓪᓗᒍ ᐅᓕᒃᐱᒃ ᐃᑯᐊᓛᖅᑐᖅ ᓇᓗᓇᐃᒃᑯᑕᖅ ᐃᖃᓗᖕᓄᑦ ᐃᓚᒋᔭᐅᖃᑕᐅᓪᓗᓂ ᓇᓗᓇᐃᒃᑯᑕᒥᒃ ᑎᒍᒥᐊᕐᓂᖅ ᐊᒡᔭᖅᓯᖃᑦᑕᕐᓂᖅ ᓇᒧᑐᐃᓐᓇᖅ ᑲᓇᑕᒥ.

"ᑕᒪᓐᓇ ᐳᐃᒍᖅᑕᐅᓂᐊᖏᑉᐳᖅ ᐃᓄᖕᓄᑦ ᐃᖃᓗᖕᒥᐅᓄᑦ ᑕᑯᔪᓕᒫᖑᓚᐅᕋᑦᑕ ᐃᑯᐊᓛᖅᑐᒥᒃ ᓇᖕᒥᓂᖅ," ᐅᖃᓚᐅᖅᐳᖅ ᒥᓂᔅᑕ ᐊᒡᓗᒃᑲᖅ. "ᐃᑯᐊᓛᖅᑐᖅ ᑎᑭᑎᑕᐅᓯᒪᓕᕆᓪᓗᓂ ᖁᕐᓗᖅᑑᒧ, ᐊᓘᑦᒧᑦ, ᖃᐅᓱᐃᑦᑐᒧᑦ ᐊᒻᒪᓗ ᐊᐅᓱᐃᑦᑐᒧᑦ ᐃᖃᓗᖕᓄᐊᓚᐅᖏᓐᓂᖓᓂ. ᑲᑎᖓᓪᓗᑕ ᖁᕕᐊᓱᒍᑎᖃᖅᐳᒍᑦ ᐅᓕᑉᐱᒃᒥᒃ ᓇᓗᓇᐃᒃᑯᑕᒥᒃ ᐃᑲᔪᖅᑐᐃᓪᓗᑕ ᑲᓇᑕᒥ ᐃᖃᐃᓕᓴᐅᑎᓂᒃ ᐱᓐᖑᐊᕐᔪᐊᖅᑎᓂᒃ ᑲᓇᑕᒥᐅᑕᓂᒃ.

ᒐᕙᒪᕗᑦ ᑮᓇᐅᔭᓂᒃ ᐊᑐᖅᓯᒪᓕᖅᐳᑦ $22.5-ᒥᓕᔭᓐᑖᓚᓂᒃ ᑕᒪᒃᑯᐊ ᓄᓇᒋᔭᖅᐳᑦ ᑲᓇᑕᒥ ᐃᓚᐅᖃᑕᐅᔪᓐᓇᖁᓪᓗᒋᑦ ᖁᕕᐊᓱᖃᑕᐅᓗᑎᒃ ᐅᐱᒋᔭᐅᓗᓂᓗ ᑲᓇᑕ ᖁᕕᐊᓱᖃᑕᐅᓗᑎᒡᓗ ᕚᓐᑰᕙᒥ ᐱᓐᖑᐊᕐᔪᐊᕐᓂᐊᕐᓂᖏᓐᓄᑦ 2010 ᖁᕕᐊᒋᔭᐅᖁᓪᓗᒍᓗ ᑎᒍᒥᐊᖅᑕᐅᔪᖅ ᐃᑯᐊᓛᖅᑐᖅ.

ᑕᒪᒃᑯᐊ ᖃᓄᐃᓕᐅᕈᑕᐅᔪᑦ ᐋᖅᑭᒃᓱᖅᑕᐅᓯᒪᓪᓗᑎᒃ ᐊᑐᓂ ᓄᓇᓕᖕᓂ ᑲᓇᑕᒥ ᐅᐱᒋᔭᐅᓪᓗᑎᒃ ᐃᖃᓕᓴᕐᓂᕐᒧᑦ ᐱᓐᖑᐊᖅᑎᑦ, ᐃᓕᖁᓯᑐᖃᖏᓪᓗ ᓄᓇᖃᕐᓂᖏᓪᓗ ᑲᓇᑕᒥ. ᑲᓇᑕᒥᐅᑦ ᓇᓂᑐᐃᓐᓇᖅ ᓄᓇᖃᖅᑐᑦ ᐳᐃᒍᕐᓇᕐᓂᐊᖏᑦᑐᒧᑦ ᐃᓚᐅᑎᑕᐅᔪᓐᓇᕐᒪᑕ ᐅᓕᑉᐱᒃ ᐱᓐᖑᐊᕈᑕᐅᓂᐊᖅᑎᓪᓗᒍ ᐊᔪᖏᑦᑐᑦ ᐱᓕᕆᐊᖃᕈᒪᔪᑦ ᐃᖃᐃᓕᓴᐅᑎᓂᒃ ᑲᓇᑕᒥᐅᑦ ᑕᑯᒃᓴᐅᑎᑕᐅᔪᓐᓇᖁᓪᓗᒋᑦ 2010-ᒥ. ᑮᓇᐅᔭᖃᖅᑎᑕᐅᓯᒪᕗᑦ $15,000 ᐃᖃᓗᖕᒥᐅᑦ ᐊᒥᓱᓂᒃ ᐊᑐᓂ ᖁᕕᐊᓱᒍᑎᑦ ᓄᓇᓕᖕᓂ ᐊᔾᔨᒌᖏᒻᒪᑕ ᐊᔾᔨᒌᖏᑦᑐᓂᒡᓗ ᐱᓕᕆᐊᖃᖅᑎᑕᐅᓪᓗᑎᒃ ᑕᒪᕐᒥᒃ ᑲᓇᑕᒥᐅᑕᐃᑦ ᑐᓐᖓᓱᒃᑎᑎᑉᓗᑎᒃ ᐃᑯᐊᓛᖅᑐᒥᒃ.

"ᕚᓐᑯᕙ 2010-ᒥ ᐅᓕᑉᐱᒃ ᐃᑯᐊᓛᖅᑐᖅ ᓇᓗᓇᐃᒃᑯᑕᖅ ᑎᒍᒥᐊᖅᑕᐅᖃᑦᑕᓚᐅᖅᐳᖅ ᐅᖓᓯᒃᑐᒧᑦ ᑕᐃᒪᖓᐅᓯᒪᓕᖅᑐᒥᑦ," ᒥᓂᔅᑕ ᓕᐅᓇ ᐅᖃᓚᐅᖅᐳᖅ. "ᑕᐃᒪᓐᓇ ᐃᖏᕐᕋᔭᒃᖢᓂᓗ ᐃᑯᐊᓛᖅᑐᖅ 12,000  ᑎᒍᒥᐊᖅᑕᐅᓂᐊᖅᖢᓂ 1,000-ᓄᑦ ᓄᓇᓕᖕᓂᒥᐅᓄᑦ ᑲᓇᑕᒥ. ᐃᓚᐅᑦᓯᐊᖁᕙᒃᑲ ᑲᓇᑕᒥᐅᑦ ᑕᒪᕐᒥᒃ ᑕᐃᒪᓐᓇ ᓇᓗᓇᐃᒃᑯᑕᐅᔪᒥᒃ."

ᓄᓇᓕᖕᓄᐊᖃᑦᑕᖅᓯᒪᓕᖅᐸᑦ ᐱᐊᓂᒃᐸᑦ, ᐃᑯᐊᓛᖅᑐᖅ, ᑎᑭᑎᑕᐅᓂᐊᖅᐳᖅ ᕚᓐᑰᕙᒧᑦ ᕕᕗᐊᕆ 12, 2010-ᒥ ᒪᑐᐃᖅᑕᐅᓗᓂᓗ ᐱᓐᖑᐊᕐᔪᐊᕐᓇᐅᓂᐊᖅᑐᖅ ᐅᑭᐅᒃᑯᑦ. ᐃᑯᐊᓛᖏᓐᓇᕐᓂᐊᖅᐳᕐᓗ ᐱᓐᖑᐊᕐᓂᖏᓐᓂ ᒪᑐᔭᐅᓕᖅᐸᑕ ᖃᒥᑕᐅᓂᐊᖅᖢᓂ ᕕᕗᐊᕆ 28, 2010.

ᒥᓂᔅᑕ ᐊᒡᓗᒃᑲᖅ ᑐᓂᕐᕈᑎᖃᓚᐅᖅᐳᖅ ᐃᖃᓗᖕᒥᐅᓄᑦ ᓇᓗᓇᐃᒃᑯᑕᒃᑲᓐᓂᕐᒥᒃ ᑐᓐᖓᓱᒃᑎᑎᓂᖏᓐᓄᑦ ᐃᑯᐊᓛᖅᑐᒥᒃ ᓄᓇᒥᖕᓂ. ᓇᓗᓇᐃᒃᑯᑕᖅ ᑐᑭᖃᖅᖢᓂ ᑕᐃᒪᓐᓇᐃᓕᐅᖃᑕᐅᓚᐅᕐᓂᖏᓐᓄᑦ ᐃᑯᐊᓛᖅᑐᖅ ᖃᒥᑕᐅᓯᒪᓕᕋᓗᐊᖅᑎᓪᓗᒍ.

ᑐᑭᓯᒋᐊᒃᑲᓐᓂᕈᒪᔪᑦ ᒐᕙᒪᒃᑯᑦ ᐃᑲᔪᖅᑐᐃᓂᖏᓐᓄᑦ ᕚᓐᑯᕙᒥ 2010 ᐃᑯᐊᓛᖅᑐᒥᒃ ᐅᕙᓘᓐᓃᑦ 2010 ᐅᓕᑉᐱᒃ ᐃᓗᓯᕐᓗᒃᑐᖅ ᐱᓐᖑᐊᖃᑕᐅᓂᐊᕐᓂᖏᓐᓄᑦ ᐅᑭᐅᒃᑯᑦ ᖃᐅᔨᒋᐊᕈᓐᓇᖅᐳᑦ ᖃᕆᑕᐅᔭᒃᑯᑦ ᐅᕗᖓ www.Canada2010.gc.ca.