ᐊᑐᕚ  - ᓕᐅᓇ ᐊᒡᓗᒃᑲᖅ, ᑲᑎᒪᔨᕐᔪᐊᖑᖃᑕᐅᔪᖅ ᐊᑐᕚᒥ, ᒥᓂᔅᑕᐅᓪᓗᓂᓗ ᐋᓐᓂᐊᖃᕐᓇᖏᑦᑐᓕᕆᔨᒃᑯᓐᓄᑦ, ᒥᓂᔅᑕ ᑲᒪᔨᐅᔪᖅ ᓄᓇᕗᒥᐅᓄᑦ ᖁᕕᐊᓱᒃᐳᖅ ᐊᑐᕚᒥ ᑲᑎᒪᔨᕐᔪᐊᒃᑯᑦ ᓂᕆᔭᖅᑐᕐᕕᖓᓂ ᓇᑦᓯᕕᓂᖅᑐᖃᑦᑕᕐᓂᐊᓕᕐᒪᑕ. ᐊᓯᖏᓐᓄᑦ ᓂᕆᔭᒃᓴᓄᑦ ᓇᑦᓯᕕᓂᖅᑐᖃᑦᑕᕐᓂᐊᓕᖅᐳᑦ ᑲᑎᒪᔨᓕᒫᓄᑦ ᓴᓇᑐᒃᑯᓐᓄᓪᓗ ᐃᑦᑐᐃᑦ ᑲᑎᒪᔨᖏᓐᓄᑦ.

"ᑐᓴᒐᒃᓴᑦᓯᐊᕙᐅᕗᖅ ᑕᒪᓐᓇ," ᐊᒡᓗᒃᑲᖅ ᐅᖃᓚᐅᖅᐳᖅ. "ᖁᕕᐊᓱᒃᐳᖓ ᐃᓄᐃᑦ ᓂᕿᖏᓐᓂᒃ ᓂᕿᓕᐅᖃᑕᐅᖃᑦᑕᕐᓂᐊᓕᕐᒪᑕ ᐊᑐᕚᒥ ᑲᑎᒪᔨᕐᔪᐊᑦ ᓂᕆᔭᖅᑐᕐᕕᖓᓂ ᑕᐃᒪᓐᓇ ᓂᕆᖃᑦᑕᕈᓐᓇᕐᓂᐊᓕᕋᒪᓗ ᐱᓕᕆᒍᔾᔨᑎᓪᓗᖓ ᓄᓇᕗᒥᐅᓄᑦ. ᖃᐅᔨᒪᓪᓗᖓᓗ ᐃᑲᔪᕐᓂᖃᕐᓂᐊᕐᒪᑦ ᑕᐃᒪᓐᓇ ᓇᑦᓯᕕᓂᖅᑐᖅᑎᑕᐅᖃᑦᑕᓕᖅᑎᓪᓗᑕ," ᐅᖃᓚᐅᖅᐳᖅ ᐊᒡᓗᒃᑲᖅ. ᑕᐃᒪᓐᓇᓗ ᓇᑦᓯᖅᓯᐅᖃᑦᑕᖅᑐᑦ ᐃᑲᔪᖅᑕᐅᓂᖅᓴᐅᓂᐊᕐᒪᑕ ᐊᑲᐅᖏᓕᐅᖅᑎᑕᐅᓂᖏᓐᓂ ᑕᕆᐅᑉ ᐊᑭᐊᓂ ᓂᐅᕐᕈᑎᖃᖅᑎᑎᑦᑕᐃᓕᒪᑎᑎᓂᖏᓐᓄᑦ. ᐊᒻᒪᓗ ᓇᑦᓯᕕᓂᖅᑐᖅᑎᑕᐅᖃᑦᑕᓕᕈᑦᑕ ᑕᐃᑲᓂ ᐃᓄᐃᑦ ᓂᕆᒍᓐᓇᖃᑦᑕᕐᓂᐊᓕᕐᒪᑕ ᐊᓯᖏᑦ ᓇᑦᓯᕕᓂᕐᒥᒃ ᒪᒪᕐᓂᖓᓄᑦ ᖃᐅᔨᕙᓪᓕᐊᓂᐊᖅᖢᑎᒡᓗ ᐃᓄᐃᑦ ᐃᓕᖁᓯᑐᖃᖏᓪᓗ ᖃᐅᔨᔭᐅᕙᓪᓕᐊᓂᐊᕐᒪᑕ.

"ᑕᐃᒪᖓᓂᑦ ᐃᓅᓯᓕᒫᓐᓂᒃ ᓇᑦᓯᕕᓂᖅᑐᐃᓐᓇᕋᒪ ᖁᕕᐊᓱᒃᐳᖓᓗ ᑕᒪᒃᑯᐊ ᓇᑦᓯᕕᓂᖅᑐᖅᓯᒪᖏᑦᑐᑦ ᓂᕆᖃᑕᐅᔪᓐᓇᕐᓂᐊᓕᕐᒪᑕ ᒪᒪᖅᓴᖃᑕᐅᓗᑎᒃ," ᐊᒡᓗᒃᑲᖅ ᐅᖃᓚᐅᖅᐳᖅ. "ᓇᑦᓯᓕᕆᓂᖅ ᐃᓄᒃᑎᒍᑦ ᐅᑭᐅᖅᑕᖅᑐᒥᐅᑕᐅᔪᒍᑦ, ᐃᓅᓂᑦᑎᓐᓄᑦ ᐊᒃᑐᐊᖓᖕᒪᑦ," ᐊᒡᓗᒃᑲᖅ ᐅᖃᓚᐅᖅᐳᖅ.

ᖃᐅᔨᒋᐊᒃᑲᓐᓂᕈᒪᔪᑦ ᒥᓂᔅᑕ ᐊᒡᓗᒃᑲᒧᑦ ᖃᐅᔨᒋᐊᕈᓐᓇᖅᐳᑦ ᐅᖃᓚᐅᑎᖓ
 613.992.2848 ᐅᕙᓘᓐᓃ 866.267.7701 ᐅᕙᓘᓐᓃᑦ ᖃᕆᑕᐅᔭᒃᑯᑦ   Aglukkaq.L@parl.gc.ca ᐊᐱᖁᑎᒃᓴᖃᕈᑦᓯ ᐊᓯᖏᓐᓂᒡᓗ ᐊᐱᖁᑎᖃᕈᒪᒍᑦᓯ.