ᐊᑐᕚ (ᓄᕕᐱᕆ 25, 2009 - ᒥᓂᔅᑕ ᓕᐅᓇ ᐊᒡᓗᒃᑲᖅ, ᑲᑎᒪᔨᕐᔪᐊᖑᖃᑕᐅᔪᖅ ᐊᑐᕚᒥ ᓄᓇᕗᒧᑦ, ᒥᓂᔅᑕ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ, ᒥᓂᔅᑕ ᐱᓕᕆᐊᖃᖅᑐᖅ ᓄᓇᕗᒧᑦ, ᓂᕆᑎᑎᖃᑕᐅᓚᐅᖅᐳᖅ ᐊᑐᕚᒥ ᑲᑎᒪᕐᔪᐊᕐᕕᖕᒥ ᐱᖃᑎᖃᖅᖢᓂ ᒥᓂᔅᑕ ᐲᑕ ᒥᓕᑭᓐᒥᒃ, ᑲᑎᒪᔨᕐᔪᐊᖑᖃᑕᐅᔪᖅ ᐊᑐᕚᒥ, ᐅᖃᖅᑎᐅᓪᓗᓂᓗ ᑲᑎᒪᕐᔪᐊᕐᕕᖕᒥ, ᖁᕕᐊᓱᖃᑎᖃᖅᖢᑎᒃ ᐃᓄᐃᑦ ᑕᐱᕇᑦ ᑲᓇᑕᒥ ᐱᒋᐊᕈᑎᖃᕐᓂᖏᓐᓄᑦ 2010 ᐊᕐᕌᕈᒋᔭᐅᓂᐊᖅᑐᒥᒃ ᐃᓄᖕᓄᑦ.
ᒥᔅ ᒥᐅᕆ ᓴᐃᒪᓐ, ᑲᓇᑕᒥ ᐃᓄᐃᑦ ᓯᕗᓕᖅᑎᖓᑦ ᐊᖓᔪᖃᕆᔭᐅᓪᓗᓂᓗ ᐃᓄᐃᑦ ᑕᐱᕇᑦ ᑲᓇᑕᒥ, ᐃᓚᐅᓚᐅᖅᐳᖅ ᑲᑎᑎᑦᓯᑎᓪᓗᒋᑦ ᐃᓄᐃᑦ ᑕᐱᕇᑦ ᑲᓇᑕᒥ "2010: ᐊᕐᕌᒍᖓᑦ ᐃᓄᐃᑦ". ᑐᓴᖅᑎᑕᐅᓚᐅᖅᐳᒍᓪᓗ ᒥᔅ ᓴᐃᒪᓐ ᐅᖃᓚᐅᖅᐳᖅ, "ᐊᕐᕌᒍ ᐱᓕᕆᓂᐊᖅᐳᒍᑦ ᑐᓴᖅᑎᑕᐅᒍᑕᐅᓂᖏᓐᓄᑦ ᑲᓇᑕᒥᐅᑦ ᐃᓄᐃᑦ ᐃᓕᖁᓯᑐᖃᖏᓐᓂᒃ, ᐃᑲᔪᖅᓯᒪᓂᖏᓐᓄᓪᓗ ᐊᒃᓱᕈᕈᑎᖃᖅᓯᒪᓂᖏᓐᓄᓪᓗ," ᐅᖃᓚᐅᖅᖢᓂᓗ "ᐃᓄᐃᑦ ᐃᓚᐅᓂᐊᖅᐳᑦ, ᐅᓕᑉᐱᒃ ᐱᓐᖑᐊᕐᔪᐊᕐᓇᐅᓂᐊᖅᑐᒥ, ᑲᑎᒪᕐᔪᐊᖅᑎᓪᓗᒋᓪᓗ ᐃᖃᓗᖕᓂ ᒥᓂᔅᑕᐃᑦ ᐅᕙᓘᓐᓃᑦ ᓇᖕᒥᓂᖅ ᖃᐅᔨᕚᓪᓕᖅᑎᑎᒍᑎᖃᖅᑎᓪᓗᑕ, ᐃᓕᓐᓂᐊᖅᑎᑕᐅᖁᓪᓗᒋᑦ, ᑐᓴᖅᑎᑕᐅᖁᓪᓗᒋᑦ ᐅᖃᐅᔾᔪᐃᖁᓪᓗᒋᑦ ᑐᓴᖅᑎᑕᐅᖁᓪᓗᒋᓪᓗ ᑭᒃᑯᑐᐃᓐᓇᕐᓂᒃ ᐃᓄᐃᑦ ᒥᒃᓵᓄᑦ."
"ᖁᕕᐊᓱᒃᐳᖓ ᐃᓄᐃᑦ ᑕᐱᕇᑦ ᑲᓇᑕᒥ ᐱᓕᕆᐊᕆᔭᖏᓐᓂᒃ ᓴᖅᑭᔮᖅᑎᑎᓂᖏᓐᓄᑦ ᑲᓇᑕᒥᐅᓂᒃ," ᐊᒡᓗᒃᑲᖅ ᐅᖃᓚᐅᖅᐳᖅ. "ᐊᔾᔨᐅᖏᑦᑐᒥᒃ ᐊᑐᖅᐳᒍᑦ ᐅᑭᐅᖅᑕᖅᑐᒥ; ᐃᓄᐃᑦ ᑕᐱᕇᑦ ᑲᓇᑕᒥ ᐱᒋᐊᖅᑎᑎᒍᑎᖃᕐᓂᐊᖅᐳᖅ "2010 ᐊᕐᕌᒍᒋᓂᐊᖅᑕᖓᓂᒃ ᐃᓄᐃᑦ" ᑐᑭᓯᒋᐊᕈᑕᐅᓂᐊᖅᐳᖅ ᑲᓇᑕᒥᐅᓄᑦ ᓄᓇᕗᒥᐅᓄᑦ ᐊᑲᐅᖏᓕᐅᕈᑕᐅᖃᑦᑕᖅᑐᓂᒃ, ᑕᒪᓐᓇ ᐱᕙᓪᓕᐊᑦᓯᐊᕈᑕᐅᓂᐊᖅᖢᓂᓗ," ᐅᖃᓚᐅᖅᐳᖅ ᐊᒡᓗᒃᑲᖅ. ᐃᓄᐃᑦ ᑕᐱᕇᑦ ᑲᓇᑕᒥ ᐅᖃᓚᐅᖅᐳᑦ ᑐᓴᒐᒃᓴᒥᒍᑦ ᑕᐃᒪᓐᓇ ᐱᒋᐊᕈᑎᖃᕐᓂᐊᕐᒪᑕ 2010 ᐊᕐᕌᒍᖓᓂᒃ ᐃᓄᐃᑦ ᑮᓇᐅᔭᓂᒃ ᑲᑎᖅᓱᐃᒋᐊᕐᓗᑎᒃ ᔭᓐᓄᐊᕆ 14-ᒥ ᑲᓇᑕᒥ ᑎᑎᖅᑐᒐᕐᓂᒃ ᑕᑯᓐᓇᒐᒃᓴᖃᕐᕕᖕᒥ ᐊᑐᕚᒥ National Gallery of Canada in Ottawa.
ᐊᐱᖁᑎᒃᓴᖃᕈᑦᓯ ᐃᓱᒫᓗᒍᑎᖃᕈᑦᓯᓗ ᐅᕙᓘᓐᓃᑦ ᐊᓯᖏᓐᓂᒃ, ᖃᐅᔨᒋᐊᕈᓐᓇᖅᐳᓯ ᓕᐅᓇ ᑎᑎᕋᕐᕕᖓᓄᑦ ᐅᕙᓂ:
ᐅᖃᓚᐅᑎᖓ:613.992.2848/866.267.7701
ᓱᑲᔪᒃᑯᑦ: 613.996.9764/867.979.4193
ᖃᕆᑕᐅᔭᒃᑯᑦ:
Aglukkaq.L@parl.gc.ca 