ᐊᒡᓗᒃᑲᖅ ᑐᓐᖓᓱᒃᑎᑎᕗᖅ ᐱᖁᔨᕗᖔᓕᐅᕈᑕᐅᓚᐅᖅᑐᒥᒃ ᑲᑎᒪᔨᑐᐃᓐᓇᕐᒧᑦ ᐊᑦᓯᖅᑕᐅᒃᑲᓐᓂᖁᓪᓗᒍ ᐊᓯᖓᓂᒃ ᐅᑭᐅᖅᑕᖅᑐᒥ ᑕᕆᐅᒃᑯᑦ ᐅᒥᐊᕐᔪᐊᓄ
ᐊᑐᕚ - ᒥᓂᔅᑕ ᓕᐅᓇ ᐊᒡᓗᒃᑲᖅ, ᑲᑎᒪᔨᐅᖃᑕᐅᔪᖅ ᓄᓇᕗᒥᐅᓄᑦ ᐊᑐᕚᒥ, ᐊᒻᒪᓗ ᒥᓂᔅᑕ ᐱᓕᕆᐊᖃᖅᑐᖅ ᓄᓇᕗᒧᑦ ᐅᓪᓗᒥ ᖁᕕᐊᓱᓚᐅᖅᐳᖅ ᑲᔪᓯᑎᑕᐅᓚᐅᕐᓂᖓᓄᑦ ᑲᑎᒪᔨᑐᐃᓐᓇᒧᑦ ᐱᖁᔨᕗᖔᓕᐅᖅᑕᐅᔪᒥᒃ ᐊᑦᓯᖅᑕᐅᖁᓪᓗᒍ ᐅᑭᐅᖅᑕᖅᑑᑉ ᑕᕆᐅᖓᓂ ᐃᒪᖅ ᐊᖅᑯᑕᐅᕙᒃᑐᖅ.
ᑲᑎᒪᔨᑐᐃᓐᓇᒧᑦ ᐱᖁᔨᕗᖔᓕᐅᕈᑦ ᐃᒪᓐᓇᐃᓕᖓᕗᖅ ᐊᑐᕚᒥ ᑲᑎᒪᔨᕐᔪᐊᑦ ᐃᓱᒪᒋᔭᖃᕐᒪᑕ ᑕᒪᓐᓇ "ᐅᑭᐅᖅᑕᖅᑐᒥ ᑕᕆᐅᒃᑯᑦ ᐅᒥᐊᕐᔪᐊᓄᑦ ᐊᖅᑯᑦ" ᐊᑦᓯᖅᑕᐅᒃᑲᓐᓂᖁᓪᓗᒍ "ᑲᓇᑕᒥᐅᓄᑦ ᐊᖅᑯᑦ ᐃᒪᒃᑯᑦ." ᐊᒻᒪᓗ ᑲᑎᒪᔨᕐᔪᐊᑦ ᐱᖁᔨᕗᖔᓕᐅᕈᑎᒥᒍᑦ ᐅᖃᒃᑲᓐᓂᓚᐅᖅᐳᑦ ᐱᒻᒪᕆᐅᓂᖓᓄᑦ ᑕᒪᓐᓇ ᐊᖅᑯᑦ ᑕᕆᐅᒃᑯᑦ ᐃᓄᖕᓄᑦ, ᑕᐃᒪᓐᓇ ᓇᓗᓇᐃᔭᖅᑕᐅᓯᒪᖁᓪᓗᒍ ᐃᓄᒃᑎᑐᑦ ᐊᑎᖃᖅᑎᑕᐅᓗᓂ ᐱᓕᕆᖃᑎᒋᓗᒋᑦ ᐃᓄᐃᑦ ᓄᓇᑖᖅᓯᒪᔪᑦ ᓄᓇᑦᓯᐊᑉ ᒐᕙᒪᒃᑯᖏᓪᓗ. ᐊᒻᒪᓗ, ᐱᖁᔨᕗᖔᓕᐅᕈᑕᐅᓚᐅᖅᑐᖅ ᐅᖃᖅᓯᒪᓪᓗᓂ ᐃᓄᒃᑎᑐᑦ ᐊᑎᖃᖅᑎᑕᐅᓗᓂ ᑕᐃᒪᓐᓇ ᐅᖃᐅᓯᕆᔭᐅᖃᑦᑕᖁᓪᓗᒍ ᐅᖃᐅᓯᕆᔭᐅᓕᕌᖓᑦ ᑕᕆᐅᖅ.
"ᐊᑦᓯᖅᑕᐅᒃᑲᓐᓂᖅᐸᑦ ᐅᑭᐅᖅᑕᖅᑐᒥ ᑕᕆᐅᒃᑯᑦ ᐊᖅᑯᑕᐅᕙᒃᑐᖅ ᑲᓇᑕᒥᐅᓄᑦ ᐊᖅᑯᑕᐅᓂᖓᓄᑦ ᓇᓗᓇᐃᒃᑯᑕᖃᑦᓯᐊᕐᓂᐊᖅᐳᖅ ᑲᓇᑕᒥᐅᓄᑦ ᓯᕗᓪᓕᖅᐸᐅᑎᑎᓇᓱᐊᕐᓂᖏᓐᓄᓪᓗ ᑲᓇᑕᐅᑉ ᒐᕙᒪᒃᑯᖏᑦ ᐅᑭᐅᖅᑕᖅᑐᒥᐅᓂᒃ ᒫᓐᓇ," ᐅᖃᓚᐅᖅᐳᖅ ᐊᒡᓗᒃᑲᖅ. "ᑕᐃᒪᓐᓇ ᐊᑲᐅᓂᖅᓴᐅᓂᐊᖅᐳᖅ ᑲᓇᑕᒥᐅᓄᑦ, ᐃᓄᖕᓄᓪᓗ ᐃᓚᐅᑎᑕᐅᑦᓯᐊᖁᓪᓗᒋᑦ," ᐊᒡᓗᒃᑲᖅ ᐅᖃᓚᐅᖅᐳᖅ. "ᖁᕕᐊᓱᒃᐳᖓ ᐱᖁᔨᕗᖔᓕᐅᕈᑕᐅᓚᐅᖅᑐᖅ ᐃᓄᖕᓂᒃ ᐃᓚᐅᑎᑎᓂᖓᓄᑦ ᐃᓱᒫᓗᒍᑎᒋᔭᖏᓐᓂᒃ ᑕᐃᒪᓐᓇᓗ ᐃᓄᒃᑎᑐᑦ ᐊᑎᖃᖅᑎᓪᓗᒍ ᓇᓗᓇᐃᒃᑯᑕᕆᔭᐅᑦᓯᐊᕐᓂᐊᕐᓂᖓᓄᑦ ᐱᖁᔨᕗᖔᓕᐅᕈᑕᐅᔪᒧᑦ," ᐅᖃᓚᐅᖅᐳᖅ ᐊᒡᓗᒃᑲᖅ.
ᐱᖁᔨᕗᖔᓕᐅᕈᑕᐅᔪᖅ ᓯᕗᒻᒧᒃᐸᓪᓕᐊᒍᑕᐅᑦᓯᐊᕐᓂᐊᖅᐳᖅ ᑲᓇᑕᒥᐅᓄᑦ ᐃᓄᖕᓄᓪᓗ.
ᐊᐱᖁᑎᒃᓴᖃᕈᑦᓯ ᐃᓱᒫᓗᒍᑎᖃᕈᑦᓯᓗ ᑕᒪᓐᓇ ᐱᔾᔪᑎᒋᓪᓗᒍ ᐊᓯᖏᓐᓂᒡᓗ ᖃᐅᔨᒋᐊᕐᕕᐅᔪᓐᓇᖅᐳᖅ ᓕᐅᓇᐅᑉ ᑎᑎᕋᕐᕕᖓ ᐅᕙᓂ:
ᐅᖃᓚᐅᑎᖓ:: 613.992.2848/866.267.7701
ᓱᑲᔪᒃᑯᑦ: 613.996.9764/867.979.4193
ᖃᕆᑕᐅᔭᒃᑯᑦ:
Aglukkaq.L@parl.gc.ca 