ᐃᒃᐱᐊᕐᔪᒃ, ᓄᓇᕗᑦ - ᒥᓂᔅᑕ ᓗᐊᓐ ᑯᓱᒐᖅ, ᒥᓂᔅᑕᐅᓪᓗᓂ ᓄᓇᓕᖕᓂ ᐱᔨᑦᓯᕋᖅᑎᒃᑯᓐᓄᑦ, ᐅᓪᓗᒥ ᖁᕕᐊᓱᒍᑎᖃᓚᐅᖅᐳᖅ ᒪᑐᐃᖅᑕᐅᓚᐅᕐᓂᖓᓄᑦ ᐊᑭᓐᓂᐊᖅ ᐱᓐᖑᐊᕐᕕᒃ ᐃᒃᐱᐊᕐᔪᖕᒥ, ᓄᓇᕗᑦ. ᐊᑭᖃᓚᐅᖅᖢᓂ $5.9-ᒥᓕᔭᓐᑖᓚᓂᒃ ᓴᓇᔭᐅᓚᐅᖅᑐᖅ ᑲᓇᑕᐅᑉ ᒐᕙᒪᒃᑯᖏᓪᓗ ᓄᓇᕗᑦ ᒐᕙᒪᒃᑯᖏᓪᓗ ᑮᓇᐅᔭᐃᔭᖅᑎᑕᐅᓯᒪᓪᓗᑎᒃ ᐊᑐᖅᖢᑎᒡᓗ ᓄᓇᓕᖕᓂ ᐅᖓᓯᒃᑐᓂ ᐱᖁᑎᑖᕈᑎᓂᑦ ᑮᓇᐅᔭᓂᑦ (MRIF).
"ᑲᑎᖃᑦᑕᕐᓂᖅ ᐱᒻᒪᕆᐅᑎᑕᐅᖕᒪᑦ ᓄᓇᕗᒥᐅᓄᑦ," ᐅᖃᓚᐅᖅᐳᖅ ᑯᓱᒐᖅ. "ᑮᓇᐅᔭᖃᖏᓪᓗᑕ ᑖᒃᑯᓇᖓᑦ ᓄᓇᓕᖕᓂ ᐅᖓᓯᒃᑐᓂ ᐱᖁᑎᑖᕈᑎᓂᑦ ᑮᓇᐅᔭᓂᑦ (MRIF)-ᑯᓐᓂᑦ, ᒪᑐᐃᖅᑕᐅᔪᖃᕋᔭᓚᐅᖏᑉᐳᖅ. ᖁᕕᐊᓱᒃᐳᖓᓗ ᑲᓇᑕᐅᑉ ᒐᕙᒪᒃᑯᖏᓐᓂᖔᖅᑐᓂᒃ ᐃᓚᐅᔪᖃᕈᓐᓇᕐᒪᑦ ᐃᒃᐱᕐᔪᖕᒥ ᖁᕕᐊᓇᖅᑐᒥᒃ ᐊᑐᖅᑎᓪᓗᑕ."
ᐊᑭᓐᓂᐊᖅ ᐱᓐᖑᐊᕐᕕᒃ ᑐᑭᖃᖅᐳᑦ ᑕᐃᒪᓐᓇ ᐃᓄᒃᑎᑐᑦ ᑕᐃᒪᓐᓇ ᐊᑭᐊᓂᒥᐅᑕᐅᖕᒪᑦ ᓄᓇᓕᐅᑉ. ᐊᑎᖓ ᓂᕈᐊᖅᑕᐅᓚᐅᖅᖢᓂ ᓄᓇᓕᖕᓂᒥᐅᓄᑦ ᐊᑎᒃᓴᓂᒃ ᕿᓂᖅᑐᖃᓚᐅᖅᖢᓂ 120 ᑭᐅᓚᐅᕐᒪᑕ. ᓯᕗᓪᓕᖅᐸᐅᓪᓗᓂ ᐃᒃᐱᐊᕐᔪᖕᒥ ᐱᓐᖑᐊᕐᕕᐅᓕᖅᖢᓂ.
"ᑕᐃᒪᓐᓇᑎᑐᑦ ᐊᑭᓐᓂᐊᖅ ᐱᓐᖑᐊᕐᕕᒃ ᐱᒻᒪᕆᐅᑎᑕᐅᕗᑦ ᐊᒥᓱᓄᑦ ᓄᓇᓕᖕᓄᑦ ᓄᓇᕗᒥ ᓂᕆᕕᒡᔪᐊᕐᕕᐅᓪᓗᑎᒃ, ᐱᓐᖑᐊᕐᕕᐅᓪᓗᑎᒃ ᐃᖃᐃᓕᓴᐅᑎᓂᒃ ᐊᒻᒪᓗ ᑲᑎᕕᐅᖃᑦᑕᖅᖢᑎᒃ, ᐅᖃᓚᐅᖅᐳᖅ ᒥᓂᔅᑕ ᓕᐅᓇ ᐊᒡᓗᒃᑲᖅ, ᒥᓂᔅᑕ ᑲᒪᒋᔭᖃᖅᑐᖅ ᐅᑭᐅᖅᑕᖅᑐᒥᐅᓂᑦ ᐊᒻᒪ ᒥᓂᔅᑕ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐊᒻᒪᓗ ᑭᒡᒐᖅᑐᐃᓪᓗᓂ ᒥᓂᔅᑕ ᓴᒃ ᓯᑖᓪ ᒥᓂᔅᑕ ᑲᓇᑕᒥ ᐅᑭᐅᖅᑕᖅᑐᒥ ᐱᕙᓪᓕᐊᔪᓕᕆᓂᕐᒧᑦ ᑎᒥᐅᔪᒧᑦ (CanNor). "ᑲᓇᑕᐅᑉ ᒐᕙᒪᒃᑯᖏᑦ ᐅᐱᑦᓯᐊᖅᐳᑦ ᐱᓕᕆᖃᑎᖃᕈᓐᓇᕋᒥᒃ ᓄᓇᕗᑦ ᒐᕙᒪᒃᑯᖏᓐᓂᒃ ᐃᒃᐱᐊᕐᔪᖕᒥ ᐱᓐᖑᐊᕐᕕᒃ ᓯᕗᓪᓕᖅᐸᐅᓪᓗᓂ ᐱᓐᖑᐊᕐᕕᖃᓕᖅᑎᑕᐅᓂᖓᓄᑦ."
ᐊᑭᓐᓂᐊᖅ ᐱᓐᖑᐊᕐᕕᒃ ᑮᓇᐅᔭᖃᖅᑎᑕᐅᓚᐅᖅᐳᖅ ᓄᓇᓕᖕᓂ ᐅᖓᓯᒃᑐᓂ ᐱᖁᑎᑖᕈᑎᓂᑦ ᑮᓇᐅᔭᓂᑦ (MRIF)-ᑯᓐᓂᑦ. ᑲᓇᑕᐅᓪᓗ ᓄᓇᕗᓪᓗ ᒐᕙᒪᒃᑯᖏᑦ ᐊᑭᒃᓴᖏᓐᓂᒃ ᐊᒥᖅᑳᕈᑎᖃᓚᐅᖅᐳᑦ ᐊᕐᕌᒍᒥ 05ᒥ ᐱᓐᖑᐊᕐᕕᖕᓄᑦ ᓄᓇᓕᖕᓂ ᐆᒻᒪᖁᑎᓂᒃ ᐊᑐᑦᓯᐊᕋᓱᐊᕈᑎᖃᖅᖢᑎᒃ. ᑲᑎᑦᖢᒋᑦ ᑮᓇᐅᔭᑦ ᐊᑐᖅᑕᐅᓂᐊᖅᑐᑦ $57.8 ᒥᓕᔭᓐᑖᓚᐅᓂᐊᖅᐳᑦ ᓄᓇᕗᒧᑦ. ᑲᑎᑦᖢᒋᑦ ᑲᓇᑕᐅᑉ ᒐᕙᒪᒃᑯᖏᓐᓂᑦ ᑮᓇᐅᔭᑦ $19-ᒥᓕᔭᐅᓯᒪᓕᖅᖢᑎᒃ. ᑕᒪᓐᓇ ᑲᒪᒋᔭᐅᓯᒪᓪᓗᓂ ᑲᓇᑕᐅᑉ ᒐᕙᒪᒃᑯᖏᓐᓄᑦ ᑲᓇᑕᒥ ᐅᑭᐅᖅᑕᖅᑐᒥ ᐱᕙᓪᓕᐊᑎᑎᓂᕐᒧᑦ ᑎᒥᐅᔪᓂᑦ (CanNor).
ᐊᐱᖁᑎᒃᓴᖃᕈᑦᓯ ᐃᓱᒫᓗᒍᑎᖃᕈᑦᓯᓘᓐᓃᑦ ᑕᒪᒃᑯᐊ ᒥᒃᓵᓄᑦ ᐊᓯᖏᓐᓂᒡᓗ, ᖃᐅᔨᒋᐊᕐᕕᐅᔪᓐᓇᖅᐳᖅ ᓕᐅᓇ ᐊᓪᓚᕕᖓ ᐅᕙᓂ:
ᐅᖃᓚᐅᑎᖓ: 613.992.2848/866.267.7701
ᓱᑲᔪᒃᑯᑦ: 613.996.9764/867.979.4193
ᖃᕆᑕᐅᔭᒃᑯᑦ:
Aglukkaq.L@parl.gc.ca 