ᐱᓇᓱᐊᕈᓯᐅᑉ ᓄᖑᐊᖑᓚᐅᖅᑐᒥ ᐅᓪᓗᒥᓗ, ᐱᕙᓪᓕᐊᑎᑎᓯᒪᕗᒍᑦ ᓄᓇᕗᒥ. ᑐᓐᖓᓱᒃᑎᑎᓚᐅᖅᖢᑕ ᑮᓇᐅᔭᓕᕆᓂᕐᒧᑦ ᒥᓂᔅᑕᐃᑦ ᑲᑎᒪᕐᔪᐊᖅᑎᓪᓗᒋᑦ ᑮᓇᐅᔭᒃᑯᕕᖕᒥ ᑲᑎᒪᔨᕐᔪᐊᖑᑎᑕᐅᔪᓪᓗ ᐊᑎᖃᖅᑎᑕᐅᓪᓗᑎᒃ G7. ᐊᒻᒪᓗ, ᑲᓇᑕᒥ ᒪᓕᒐᓕᐊᕆᔭᐅᔪᓂᑦ ᖃᐅᔨᓴᕐᑎᐅᖃᑕᐅᔪᖅ ᑕᓇᔅ ᐸᑎᓴᓐᓗ ᑲᑎᒪᑎᑎᓚᐅᖅᐳᒍᑦ ᑐᑭᓯᒋᐊᕈᑎᒃᓴᓂᒃ ᑮᓇᐅᔭᐃᑦ ᒥᒃᓵᓄᑦ ᐅᖃᐅᓯᖃᓚᐅᖏᓐᓂᖏᓐᓂ, ᐊᒻᒪ ᐅᓪᓗᒥ ᖁᕕᐊᓱᒃᐳᖓ ᑮᓇᐅᔭᓂᒃ ᐊᑐᖅᑕᐅᓂᐊᖅᑐᓂᒃ ᐅᖃᐅᓯᖃᕈᓐᓇᕋᒪ ᑐᓴᖅᑎᑎᒍᑎᒋᓪᓗᒋᑦ ᓄᑖᖑᖅᑎᑕᐅᓂᐊᕐᓂᖏᑦ ᓄᓇᕗᒥ ᐆᒻᒪᖁᑎᓕᕆᕐᒧᑦ ᐱᖁᑎᑖᕈᑕᐅᓂᐊᖅᑐᑦ ᓴᓇᔭᐅᓂᐊᖅᑐᑦ.

ᑲᑐᔾᔨᓪᓗᑕ ᑲᑎᒪᑎᑎᔪᓐᓇᓚᐅᖅᐳᒍᑦ ᑮᓇᐅᔭᓕᕆᓂᕐᒧᑦ ᒥᓂᔅᑕᓂᒃ ᑮᓇᐅᔭᒃᑯᕕᖕᓄᓪᓗ ᑲᑎᒪᔨᕐᔪᐊᓂᒃ ᓄᓇᕗᒥ ᑲᓇᑕᐅᑉ ᐅᑭᐅᖅᑕᖅᑐᖓᓂᓗ ᑕᑯᓐᓇᖅᑎᑎᓪᓗᑕ ᓯᓚᕐᔪᐊᒥᐅᓄᑦ ᑐᑭᓯᕚᓪᓕᖃᑦᑕᐅᑎᔪᓐᓇᖁᓪᓗᒋᑦ ᐅᑭᐅᖅᑕᖅᑐᖅ ᐱᕙᓪᓕᐊᑎᑕᐅᓂᖓᓄᑦ, ᑲᓇᑕᒥ ᐅᑭᐅᖅᑕᖅᑐᒥ ᐱᖃᕐᓂᑦᑎᓐᓄᓪᓗ, ᐃᓕᖁᓯᖃᐅᕐᓂᖅᑎᓐᓄᓪᓗ ᐱᕙᓪᓕᐊᔪᓕᕆᓂᖅ ᐱᒻᒪᕆᐅᓂᖓᓄᓪᓗ ᓇᑦᓯᖅᓯᐅᖃᑦᑕᕐᓂᖅᐳᓪᓗ ᐃᓄᐃᑦ ᓄᓇᖓᓐᓂ.

ᑲᓇᑕᒥ ᒪᓕᒋᓕᐊᕆᔭᐅᔪᓂᑦ ᖃᐅᔨᓴᕐᑎᐅᖃᑕᐅᔪᖅ ᑕᓂᔅ ᐸᑎᓴᓐᓗ ᐅᕙᖓᓗ ᑲᑎᒪᑎᑎᓚᐅᖅᐳᒍᑦ ᑮᓇᐅᔭᓕᕆᓂᕐᒧᑦ ᑲᑎᒪᓂᐊᖅᑐᓂᒃ ᐅᖃᓪᓚᖃᑎᒋᓪᓗᒋᑦ. ᑕᐃᒪᓐᓇ ᑐᓴᖃᑦᑕᐅᑎᑎᑦᓯᔪᓐᓇᖅᖢᑕ ᑐᑭᓯᕚᓪᓕᕈᒪᓪᓗᑕᓗ ᓄᓇᑦᑎᓐᓂᑦ ᒐᕙᒪᕗᑦ ᐱᕙᓪᓕᐊᑎᑎᓂᐊᖅᑎᓪᓗᒋᑦ ᐊᑐᓕᖅᑎᑕᐅᓂᖏᓐᓄᑦ ᑲᓇᑕᐅᑉ ᑮᓇᐅᔭᓕᐅᕈᑎᒃᓴᖏᑦ ᐸᕐᓇᒍᑕᐅᓯᒪᔪᑦ. ᑐᑭᓯᒋᐊᕈᑎᒋᔭᐅᓚᐅᖅᑐᑦ ᑲᑎᒪᑎᑕᐅᑎᓪᓗᑕ ᑕᐃᒪᓐᓇ ᐱᓕᕆᖃᑎᒌᒍᓐᓇᕈᑎᒋᓂᐊᖅᐸᕗᑦ ᓄᓇᕗᒥᐅᑕᓕᒫᓂ.

ᑭᖑᓪᓕᖅᐹᒃᑯᑦ, ᐱᓇᓱᐊᕈᓯᐅᑉ ᓄᖑᐊᓂ ᖃᓄᐃᓕᐅᓚᐅᕐᓂᑦᑎᓐᓄᑦ ᑐᓴᖅᑎᑎᓚᐅᒪ ᒐᕙᒪᕗᑦ, ᑲᑐᔾᔨᓗᑕ ᖁᓪᓕᖅ ᖃᐅᒻᒪᖁᑎᓕᕆᔨᒃᑯᑦ ᑯᐊᐳᕇᓴᒃᑯᖏᓐᓂᒃ, ᐊᑐᕐᓂᐊᕐᒪᑕ ᑮᓇᐅᔭᓂᒃ $14-ᒥᓕᔭᓐᑖᓚᓂᒃ ᓄᑖᖑᖅᑎᑎᓂᐊᖅᖢᑎᒃ ᐱᖁᑎᓂᒃ ᐆᒻᒪᖁᑎᓄᑦ ᐊᑐᖃᑦᑕᖅᑐᓂᒃ ᓄᓇᕗᒥ. ᑕᐃᒪᓐᓇ ᓄᓇᕗᒥᐅᑦ ᐆᒻᒪᖁᑎᖃᑦᓯᐊᖁᓪᓗᒋᑦ ᐊᑭᑐᓗᐊᖏᑦᑐᓂᒡᓗ ᐆᒻᒪᖁᑎᓄᑦ ᐊᑭᓕᖅᑐᐃᖁᓪᓗᒋᑦ ᓇᖕᒥᓂᖅ ᐱᓕᕆᕕᖃᖅᑐᑦ ᓇᖕᒥᓂᖅ ᐃᒡᓗᖃᖅᑐᓪᓗ ᑭᒃᑯᑐᐃᓐᓇᐃᑦ ᓄᓇᕗᒥ.

ᐊᐱᖁᑎᒃᓴᖃᕈᑦᓯ ᐃᓗᓕᖏᓐᓂᒃ ᐅᕙᓘᓐᓃᑦ ᐊᓯᖏᓐᓂᒃ ᐅᖃᐅᓯᖃᕈᒪᔪᑦ, ᖃᐅᔨᒋᐊᕈᓐᓇᖅᐳᑦ ᐊᑭᖃᖏᑦᑐᒃᑯ ᐊᓪᓚᕕᒐᓄᑦ.

ᐅᖃᓘᑎᒐ: 866.267.7701/613.992.2848
ᓱᑲᔪᒃᑯᑦ : 867.979.4196/613.996.9764