February 22, 2010

…ᐅᑭᐅᖅᑕᖅᑐᒥᐅᓂ ᓄᓇᖃᕈᕕᑦ, ᑖᒃᓰᔭᐃᔭᕈᑎᓄᑦ ᐊᑭᓕᐅᑎᖃᖏᑐᐃᓐᓇᕆᐊᖃᖅᐳᑎᑦ ᐃᖏᕐᕋᔭᖃᑦᑕᕐᓂᕐᓄᑦ ᐊᑭᑐᓂᖅᓴᓂᒃ ᐊᑭᓖᖃᑦᑕᕐᓂᕐᓄᓪᓗ? ᐄᓛᒃ ᑕᐃᒪᓐᓇ. ᐅᑭᐅᖅᑕᖅᑐᒥᐅᑕᐃᑦ ᓄᓇᖃᖅᓯᒪᔪᑦ ᓇᓗᓇᐃᔭᖅᑕᐅᓯᒪᔪᒥ ᐅᑭᐅᖅᑕᖅᑐᒥ ᓄᓇᖃᕐᕕᐅᔪᒥ ᐅᕙᓘᓐᓃᑦ ᓇᓗᓇᐃᔭᖅᑕᐅᓯᒪᔫᑉ ᖃᓂᒋᔭᖓᓂ ᑕᖅᑭᓄᑦ 6-ᖑᓯᒪᓕᖅᑐᓂ ᑖᒃᓰᔭᐃᔭᕈᑎᓄᑦ ᐅᑎᖅᑐᒃᓴᓂᒃ ᐅᑯᓂᖓ ᐲᖅᓯᔪᓐᓇᖅᐳᑎᑦ:  

• ᓄᓇᖃᕐᓂᕐᒧᑦ ᓇᓗᓇᐃᖅᓯᒪᔪᒥ ᐊᑭᓖᖏᓐᓂᖅᓴᐅᒍᑦ ᓇᓗᓇᐃᔭᖅᓯᒪᔪᒥ ᐅᑭᐅᖅᑕᖅᑐᒥ ᓄᓇᖃᕐᓂᕐᒧᑦ; ᐊᒻᒪ
• ᐃᖏᕐᕋᔭᖃᑦᑕᕐᓂᕐᒧᑦ ᐊᑭᓖᖏᓐᓂᖅᓴᐅᒍᑦ ᐅᑎᖅᑐᒃᓴᖅ ᐃᖅᑲᓇᐃᔭᕐᕕᖕᓂ ᐱᖃᑦᑕᖅᑕᕐᓂᒃ ᓇᓗᓇᐃᔭᖅᓯᒪᔪᒥ ᓄᓇᖃᕈᕕᑦ ᐅᑭᐅᖅᑕᖅᑐᒥ.

ᐃᒪᓐᓇ, ᓄᓇᖃᕈᕕᑦ ᓇᓗᓇᐃᖅᑕᐅᓯᒪᔪᖓᓂ ᐅᑭᐅᖅᑕᖅᑐᒥ, ᑕᒪᐃᓐᓂᒃ ᐊᑭᓕᐅᑎᒋᓚᐅᖅᑕᕐᓂᒃ ᐅᑎᖅᑐᒃᓴᖃᖅᑎᑎᔪᓐᓇᖅᐳᑎᑦ. ᓇᓗᓇᐃᔭᖅᓯᒪᔫᑉ ᖃᓂᒋᔭᖃᓂᒥᐅᑕᐅᒍᕕᑦ ᐊᕝᕙᖏᓐᓂᒃ ᐅᑎᖅᑐᒃᓴᖃᖅᑎᑎᔪᓐᓇᖅᐳᑎᑦ. ᓇᓗᓇᐃᖅᓯᓂᐊᕐᓗᑎᑦ ᓇᓗᓇᐃᔭᖅᓯᒪᔪᒥ ᐅᑭᐅᖅᑕᖅᑐᒥ ᓄᓇᒥ ᓄᓇᖃᕐᒪᖔᖅᐱᑦ ᓄᓇᖃᓚᐅᐱᓪᓚᓚᐅᕐᒪᖔᖅᐱᓪᓗ, ᑲᓇᑕᒥ ᑖᒃᓰᔭᐃᔭᖅᑎᑎᔨᒃᑯᑦ ᓇᓗᓇᐃᖅᓯᔪᓐᓇᖅᐳ ᖃᑦᓰᖅᑕᖅᖢᑎᒃ ᓄᓇᒋᔭᐅᖏᓐᓂᕐᓂᒃ ᓇᓗᓇᐃᖅᓯᒪᔪᑦ ᓄᓇ ᐅᑭᐅᖅᑕᖅᑐᒥ ᐊᒻᒪ ᓱᓇᒥᒃ ᐱᔾᔪᑎᖃᖅᖢᑎᒃ ᕿᒪᒃᓯᒪᓚᐅᕐᒪᖔᖅᐱᐅᒃ ᖃᓄᖅ ᐊᑯᓂᐅᑎᒋᔪᕐᓗ ᕿᒪᒃᓯᒪᓚᐅᕐᒪᖔᖅᐱᐅᒃ.

ᐃᖏᕐᕋᔭᕐᓂᕐᒧᑦ ᐃᖅᑲᓇᐃᔭᕐᕕᒋᔭᕐᓂᑦ ᐃᑲᔫᓯᐊᖅᓯᒪᖃᑦᑕᕈᕕᑦ ᑮᓇᐅᔭᓕᐊᖅᐱᑦ ᐊᓯᐊᒍᑦ ᑮᓇᐅᔭᓕᐅᕈᑎᒋᒃᑲᓐᓂᖅᖢᒋᑦ, ᐃᖏᕐᕋᔭᖕᓂᕐᒧᑦ ᐅᑎᖅᑎᑎᓇᓱᐊᕈᓐᓇᖅᐳᑎᑦ. ᐅᑯᐊ ᑕᒡᕙ ᐃᖏᕐᕋᔭᖕᓂᕐᒧᑦ ᐊᑭᓖᖏᔾᔪᑎᒋᔪᓐᓇᖅᑕᑎᑦ:

ᖃᖓᑕᔫᒃᑰᕈᑎᑦ, ᓄᓇᓯᐅᑎᑯᑖᒃᑯᓪᓗ ᐊᒻᒪᓗ ᐸᓯᒃᑯᑦ ᐊᑭᓕᐅᑎᒋᓚᐅᖅᑕᑎᑦ;

• ᓄᓇᓯᑎᒧᑦ ᐊᑭᓕᐅᑎᒋᖃᑦᑕᖅᑕᑎᑦ;
• ᓂᕆᒍᑎᒋᓚᐅᖅᑕᑎᑦ;
• ᓯᓂᒃᑕᕐᕕᖕᒦᒍᑎᒋᓚᐅᖅᑕᑎᑦ; ᐊᒻᒪ
• ᐊᓯᖏᑦ ᐊᑭᓕᐅᑎᒋᓚᐅᖅᑕᑎᑦ, ᑖᒃᓯᒍᑎᑦ ᐊᒻᒪᓗ ᑰᒃᑯᑦ ᐃᑳᕐᓗᑎᑦ ᐊᑭᓕᐅᑎᒋᓚᐅᖅᑕᑎᑦ.

ᐅᑎᖅᑎᓐᓇᓱᐊᕈᓐᓇᖅᑕᑎᑦ ᐅᓄᕐᓂᖏᑦ ᒥᑭᓛᑦ ᐅᑯᓇᖓᑦ ᐱᖓᓱᓂᑦ:

• ᐃᖏᕐᕋᔭᖕᓂᕐᒧᑦ ᑎᑎᖅᓯᒪᔪᒦᑦᑐᖅ 32-ᒥ ᑭᑉᐹᕆᒃᑐᒥ ᑕᒡᕙᓂ T4-ᓂ
• ᑲᑎᑦᓗᒋᑦ ᐃᖏᕐᕋᔭᒍᑎᕕᓂᑎᑦ; ᐊᒻᒪ
• ᐊᑭᑭᓛᒃᑯᑦ ᖃᖓᑕᔫᒃᑰᕈᑎᕕᓂᑦ ᐅᑎᒧᓪᓗ ᐊᖏᕐᕋᖕᓄᑦ ᒥᕝᕕᖕᒥᑦ ᐊᖏᕐᕋᖕᓄᑦ ᐊᒻᒪᓗ ᓇᑭᖔᓚᐅᕐᓂᕐᓂᒃ ᓄᓇᓕᐸᐅᔭᒧᐊᓚᐅᕐᓂᕐᓄᑦ ᖃᓕᓛᒧᑦ ᓄᓇᖕᓂᑦ.

ᐅᓄᕐᓂᖏᑦ ᒥᑭᓛᑦ ᐊᑭᓕᐅᑎᒋᓚᐅᖅᑕᑎᑦ ᖃᖓᑕᔫᒃᑯᑦ ᑐᑭᖃᖅᐳᑦ ᐊᑭᑭᓛᖑᓚᐅᖅᑐᖅ ᖃᖓᑕᔫᒃᑯᑦ ᑎᑭᖃᑦᑕᖅᑐᒃᑯᑦ ᓄᓇᑦᓯᖕᓄᑦ ᐃᖏᕐᕋᒋᐊᖃᕐᓂᕆᓚᐅᖅᑕᕐᓂᑦ. ᐃᓚᓕᐅᑎᔭᐅᓯᒪᓪᓗᑎᒃ ᑲᑎᓪᓗᒋᑦ ᔨᐃᐊᔅᑏᒧᑦ ᖃᓪᓗᓈᑦ ᓄᓇᖓᓐᓂ ᐊᑭᓕᐅᑎᒋᔭᐅᒃᑲᓐᓂᖃᑦᑕᖅᑐᓪᓗ ᒥᕝᕕᖕᒥ ᑖᒃᓰᔭᐃᔭᕐᓂᕐᒧᑦ ᐊᑭᓖᒍᑎᕕᓂᑎᓪᓗ. ᐊᓯᖏᓪᓗ ᑕᒪᒃᑯᐊ ᓲᕐᓗ ᖃᖓᑕᔫᖅ ᐊᐅᓪᓚᓚᐅᖏᓐᓂᖓᓄᑦ ᐊᑭᓕᐅᑎᒋᒋᐊᖃᓚᐅᖅᑕᑎᑦ ᓇᓪᓕᐅᒃᑯᒫᑦ, ᓂᕆᒍᑎᑦ, ᐃᑦᓯᕐᕕᖕᓄᓪᓗ ᐊᑭᓕᐅᑎᒋᒋᐊᖃᖅᓯᒪᔭᑎᑦ ᑕᒪᒃᑯᐊ ᐃᓚᐅᑎᑕᐅᖏᑉᐳᑦ ᐊᑭᑭᓛᒃᑰᕈᑎᒃᓴᐅᓂᕋᖅᑕᐅᔪᓂᑦ.

ᑐᑭᓯᒋᐊᒃᑲᓐᓂᕈᒪᔪᑦ ᐅᑭᐅᖅᑕᖅᑐᒥᐅᓄᑦ ᐊᑭᓖᖏᓐᓂᖅᓴᐅᒍᑎᒃᓴᓂᒃ ᐃᖏᕐᕋᔭᕐᓂᕐᒧᑦ ᓄᓇᖃᕐᓂᕐᒧᓪᓗ ᓇᓗᓇᐃᖅᓯᒪᔪᒥ ᐅᑭᐅᖅᑕᖅᑐᒥ ᑕᑯᒋᐊᕈᓐᓇᖅᐳᑦ ᖃᕆᑕᐅᔭᒃᑯᑦ ᐅᕗᖓ  www.cra.gc.ca/northernresidents.