ᐃᖃᓗᐃᑦ, ᓄᓇᕗᑦ -ᒥᓂᔅᑕ ᓕᐅᓇ ᐊᒡᓗᒃᑲᖅ, ᒥᓂᔅᑕ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐊᒻᒪ ᑲᑎᒪᔨᕐᔪᐊᖑᖃᑕᐅᔪᖅ ᐊᑐᕚᒥ ᑲᓇᑕᐅᑉ ᒐᕙᒪᒃᑯᖏᓐᓄᑦ ᓄᓇᕗᒥᐅᓄᑦ, ᑭᒡᒐᖅᑐᐃᓪᓗᓂ ᔨᒻ ᐳᕆᓐᑕᔅᒥᒃ, ᑲᓇᑕᒥ ᐊᕙᑎᒥᐅᑕᓕᕆᓂᕐᒧᑦ ᒥᓂᔅᑕ ᐊᒻᒪ ᑲᒪᒋᔭᖃᖅᖢᓂ ᒥᓂᔅᑕᐅᓂᕐᒧᑦ ᒥᓐᖑᐃᖅᓯᕐᕕᓕᕆᓂᕐᒧᑦ, ᐅᓪᓗᒥ ᑐᓴᖅᑎᑎᓚᐅᖅᐳᖅ ᒥᔅᑕ ᐳᕋᐃᔭᓐ ᒫᓂᖕ, ᓇᑲᓱᒃ ᐃᓕᓐᓂᐊᕐᕕᐊᓛᖓᓂ ᐊᖓᔪᖃᕆᔭᐅᔪᖅ ᐃᖃᓗᖕᓂ, ᐃᓕᑕᕆᔭᐅᒍᓯᐊᓚᐅᕐᒪᑦ 2010 ᒥᓐᖑᐃᖅᓯᕐᕕᖕᓂ ᑲᓇᑕᒥ ᑭᒡᒐᖅᑐᖅᑎᒋᔭᐅᓂᕐᒧᑦ ᐃᓕᓐᓂᐊᖅᑎᑎᒍᑎᓂᒃ ᐃᓕᑕᕆᔭᐅᒍᑎᖃᖅᖢᓂ ᓄᓇᕗᒥᐅᓂ. ᑖᓐᓇ ᐃᓕᑕᕆᔭᐅᒍᑕᐅᔪᖅ ᐃᑲᔪᖅᓯᒪᓂᖓᓄᑦ ᐊᒃᓱᒻᒪᕆᒃ ᐃᓕᓐᓂᐊᖅᑎᑦ ᖃᐅᔨᕚᓪᓕᖅᑎᓯᒪᓪᓗᓂᒋᑦ ᖁᕕᐊᒋᔭᖃᖅᑎᓕᖅᖢᒋᓪᓗ ᑲᓇᑕᒥ ᓄᓇᒥᐅᑕᓂᒃ ᐃᓕᖁᓯᑐᖃᓂᒡᓗ.

"ᐳᕋᐅᔭᓐ ᒫᓂᖕ ᐱᓕᕆᐊᖃᖅᓯᒪᓂᖓᓄᑦ ᑲᓇᑕᒥ ᒥᓐᖑᐃᖅᓯᕐᕖᑦ ᐃᓕᓐᓂᐊᕈᑕᐅᓂᖏᓐᓄᑦ ᐱᓕᕆᐊᖃᖅᓯᒪᖕᒪᑦ, ᐱᓗᐊᖅᑐᒥᒃ ᒥᓐᖑᐃᖅᓯᕐᕖᑦ ᐱᓕᕆᐊᕆᔭᐅᓂᖏᓐᓄᑦ ᓄᓇᕗᒥ, ᐃᓕᓐᓂᐊᖅᑐᑦ ᖃᐅᔨᕚᓪᓕᖅᑎᓯᒪᓪᓗᓂᒋᑦ ᐃᓕᓐᓂᐊᖅᑎᑕᖏᑦ," ᐅᖃᓚᐅᖅᐳᖅ ᒥᓂᔅᑕ ᐊᒡᓗᒃᑲᖅ. "ᑕᐃᒪᓐᓇ ᐃᓕᓐᓂᐊᖅᑎᑎᖏᓐᓇᖃᑦᑕᖅᖢᓂᓗ ᖃᓄᑐᐃᓐᓇᖅ ᐃᓕᓐᓂᐊᕐᕕᖕᒥ ᒥᓐᖑᐃᖅᓯᕐᕕᓕᕆᔨᒃᑯᓐᓂᒃ ᑲᓇᑕᒥ ᐱᔾᔪᑎᖃᖅᑐᓂᒃ."

ᒥᔅᑕ ᒫᓂᖕ ᓂᕈᐊᒐᒃᓴᖑᖅᑎᑕᐅᖃᑕᐅᓚᐅᖅᐳᖅ ᓯᕗᓕᖅᑎᐅᓂᖓᓄᑦ ᐋᖅᑭᒃᓱᐃᖃᑦᑕᕐᓂᖓᓄᑦ ᐃᑲᔪᖅᑐᐃᖃᑦᑕᕐᓂᖓᓄᓪᓗ ᒥᓐᖑᐃᖅᓯᕐᕕᓕᕆᔨᒃᑯᓐᓂᒃ ᑲᓇᑕᒥ ᐱᓕᕆᐊᕆᔭᐅᔪᓂᒃ ᐊᖓᔪᖃᕆᔭᐅᓪᓗᓂ ᖃᕐᒪᒃᑕᓕᒃ ᐃᓕᓐᓂᐊᕐᕕᖓᓂ ᖃᐅᓱᐃᑦᑐᒥ ᐊᕐᕌᒎᓯᒪᓕᖅᑐᓂ ᐱᖓᓲᔪᖅᑐᓂ. ᐃᑲᔪᐃᓐᓇᖅᓯᒪᓪᓗᓂᓗ ᒥᓐᖑᐃᖅᓯᕐᕕᓕᕆᔨᒃᑯᓐᓂᒃ ᑲᓴᑕᒥ ᐃᓕᓐᓂᐊᖅᑎᑎᒍᑎᖃᖅᖢᓂ ᐃᖃᓗᖕᒥᐅᑕᐅᓕᖅᖢᓂ ᐊᐅᔭᐅᓚᐅᖅᑐᒥ. ᑲᒪᒋᔭᖃᕐᒪᑦ ᓴᐳᔾᔨᓂᕐᒧᑦ ᐅᓂᒃᑳᓂᕐᒧᓪᓗ ᓄᓇᕗᒥ ᑲᓇᑕᒥ ᒥᓐᖑᐃᖅᓯᕐᕕᖕᓂᒃ ᐃᓕᓐᓂᐊᖅᑎᑕᖏᓪᓗ ᐃᓚᐅᑎᓯᒪᓪᓗᓂᒋᑦ ᒥᓐᖑᐃᖅᓯᕐᕕᓕᕆᓂᕐᒧᑦ ᓄᓇᕗᒥ.

"ᑕᐃᒪᓐᓇ ᐳᕋᐃᔭᓐ ᒫᓂᖕᑎᑐᑦ ᒥᓐᖑᐃᖅᓯᕐᕕᓕᕆᔨᒃᑯᑦ ᑲᓇᑕᒥ ᐃᓕᓐᓂᐊᕈᑕᐅᔪᓐᓇᖅᓯᕗᑦ ᓯᕗᓂᒃᓴᐅᓂᐊᖅᑐᒥ ᒐᕙᒪᒋᔭᐅᓂᐊᖅᑐᓄ," ᐅᖃᓚᐅᖅᐳᖅ ᒥᓂᔅᑕ ᐳᕆᓐᑕᔅ. "ᖁᔭᓐᓇᒦᕈᒪᓪᓗᒋᑦ ᑕᐃᒪᓐᓇᑎᑑᖅᑐᑦ ᐃᑲᔪᖅᓯᒪᔪᑦ ᑕᒪᑐᒪ ᒥᒃᓵᓄᑦ, ᒥᓐᖑᐃᖅᓯᕐᕕᓕᕆᔨᒃᑯᑦ ᑲᓇᑕᒥ ᐃᓕᑕᕆᔭᐅᒍᑎᒃᓴᓂᒃ ᑭᒡᒐᖅᑐᐃᓗᑎᒃ ᐱᒋᐊᖅᑎᑎᓯᒪᕗᒍᑦ ᐃᓕᓐᓂᐊᖅᑎᑎᓂᕐᒧᑦ ᐃᓕᑕᕆᔭᐅᓪᓗᑎᒡᓗ ᑕᒪᒃᑯᓂᖓ."

ᒥᓐᖑᐃᖅᓯᕐᕕᓕᕆᔨᒃᑯᑦ ᑲᓇᑕᒥ ᐃᓕᑕᕆᔭᐅᒍᑎᖏᑦ ᑭᒡᒐᖅᑐᐃᔨᐅᓂᕐᒧᑦ ᐃᓕᓐᓂᐊᖅᑎᑎᓗᓂ ᐃᓕᑕᕆᔭᐅᕗᖅ ᒥᔅᑕ ᒫᓂᖕ ᑎᓕᐅᕆᓯᒪᓂᖓᓄᑦ ᐃᑲᔪᖅᑐᐃᓯᒪᓂᖓᓄᓪᓗ ᐃᓕᓐᓂᐊᖅᑐᓂᒃ ᑕᒪᒃᑯᓂᖓ ᐱᓕᕆᐊᖃᕐᓂᕐᒧᑦ. ᑎᓕᐅᕆᖃᑦᑕᕐᒪᑦ ᐃᓕᓐᓂᐊᖅᑎᑎᔨᒃ ᐃᖅᑲᓇᐃᔭᖅᑎᒥᓂᒡᓗ ᒥᓐᖑᐃᖅᓯᕐᕕᓕᕆᔨᒃᑯᑦ ᑲᓇᑕᒥ ᐃᓕᓐᓂᐊᕈᑕᐅᖃᑦᑕᖁᓪᓗᒋᑦ ᐃᓕᓐᓂᐊᕈᑎᖏᑦ ᒪᓕᒡᓗᒋᑦ. ᐃᓕᑕᕆᔭᐅᒍᑎᖓ ᐱᔾᔪᑎᖃᖅᐳᖅ ᐊᒃᓱᕈᕈᑎᖃᖅᓯᒪᓂᖓᓄᑦ ᒥᓐᖑᐃᖅᓯᕐᕕᓕᕆᔨᒃᑯᑦ ᑲᓴᑕᒥ ᐃᓕᓐᓂᐊᕈᑎᖏᓐᓂᒃ ᐱᔾᔪᑎᖃᖅᖢᓂ.

ᐃᓕᓐᓂᐊᖅᑎᑎᒍᑎᒃᓴᐃᑦ, ᐃᓕᓐᓂᐊᖅᑎᑎᔨᓄᓪᓗ ᖃᐅᔨᒋᐊᖅᑕᐅᓯᒪᓪᓗᑎᒃ ᐃᓕᓐᓂᐊᕈᑎᑦ ᐊᑐᐃᓐᓇᐅᑎᑕᐅᕗᑦ ᑲᓇᑕᒥ ᒥᓐᖑᐃᖅᓯᕐᕕᓕᕆᔨᒃᑯᓐᓂᑦ ᖃᕆᑕᐅᔭᒃᑯᑦ ᐱᔭᐅᔪᓐᓇᖅᖢᑎᒡᓗ ᒥᓐᖑᐃᖅᓯᕐᕕᓕᕆᔨᒃᑯᑦ ᐃᓕᓐᓂᐊᖅᑎᑎᔨᓄᑦ ᐃᓕᓐᓂᐊᕈᑎᒃᓴᐃᑦ ᐅᕙᓂ .

ᑐᑭᓯᒋᐊᒃᑲᓐᓂᕈᒪᔪᑦ, ᖃᐅᔨᒋᐊᕈᓐᓇᖅᐳᑦ ᐅᕙᖓᑦ  www.parkscanada.gc.ca ᐅᑯᐊ ᓇᕿᑦᓗᒋᑦ Media Room.