ᐅᖃᐅᓯᕆᔭᐅᓚᐅᖅᑐᑦ ᒥᓂᔅᑕ ᓕᐅᓇ ᐊᒡᓗᒃᑲᕐᒧᑦ, ᓄᓇᕗᒥᐅᓄᑦ ᒪᓕᒐᓕᐅᖅᑎᑦ ᐊᑐᕚᒥ, ᒥᓂᔅᑕ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐊᒻᒪ ᑲᒪᒋᔭᖃᖅᑐᑦ ᒥᓂᔅ
March 01, 2010

ᕕᕗᐊᕆᒥ ᑕᖅᑭᐅᓚᐅᖅᑐᒥ ᑲᔪᓯᑦᓯᐊᖅᓯᒪᓚᐅᖅᐳᒍᑦ ᑕᒡᕙᓂ ᓄᓇᕗᒥ. ᑲᓇᑕᐅᑉ ᒐᕙᒪᒃᑯᖏᑦ ᑲᑎᒪᑎᑎᓚᐅᖅᐳᑦ ᑮᓇᐅᔭᓕᕆᓂᕐᒧᑦ ᒥᓂᔅᑕᓂᒃ ᑮᓇᐅᔭᒃᑯᕕᓕᕆᔨᕐᔪᐊᒃᑯᓐᓂᒡᓗ ᐊᑎᖃᖅᖢᓂ G7 ᐃᖃᓗᖕᓂ. ᖁᔭᓐᓇᒦᖅᐸᕗᑦ ᒐᕙᒪᒃᑯᑦ ᐃᓚᐅᑎᑕᐅᔪᓐᓇᓚᐅᕋᒪ ᐅᖃᐅᓯᖃᑎᑕᐅᓪᓗᖓᓗ ᐊᒥᓱᓂᒃ ᑮᓇᐅᔭᓂᒃ ᐊᑐᖅᑕᐅᓂᐊᖅᑐᓂᒃ ᓄᓇᕗᒧᑦ. ᑭᖑᓪᓕᖅᐹᒃᑯᑦ, ᐃᖕᒥᓄᑦ ᐱᔾᔪᑎᖃᖅᑐᒥᒃ ᑲᑎᖃᑎᖃᕈᓐᓇᓚᐅᕋᒪ, ᐅᖃᓪᓚᖃᑎᖃᕈᓐᓇᖅᖢᖓᓗ ᑐᓴᖅᑎᑕᐅᔪᓐᓇᖅᖢᖓᓗ ᓄᓇᕗᒥᐅᓂᑦ ᐸᕐᓇᒃᑎᓪᓗᒋᑦ ᑮᓇᐅᔭᓕᕆᓐᓇᐅᓂᐊᖅᑎᓪᓗᒍ ᐊᑐᕚᒥ ᒐᕙᒪᒃᑯᓐᓄᑦ.

ᐊᒻᒪᓗ, ᐱᓕᕆᐊᖕᓄᑦ ᐱᔾᔪᑎᖃᖅᑐᓂᒃ ᑕᖅᑭᒥ ᐃᓚᐅᔪᓐᓇᖃᑕᐅᓚᐅᖅᐳᖓ ᒥᓂᔅᑕᐃᑦ ᑲᑎᒪᑎᓪᓗᒋᑦ ᐊᑐᕚᒥ, ᐊᓐᓂᐊᖃᕐᓇᖏᑦᑐᓕᕆᓂᕐᒧᓪᓗ ᑲᑎᒪᖃᑕᐅᓪᓗᖓ ᑭᐊᒍᕆᒥ ᑐᕌᓐᑐᒥᓗ, ᕚᓐᑰᕙᓕᐊᓚᐅᖅᖢᒐᓗ ᐅᑭᐅᖅᑕᖅᑐᒥ ᐅᓪᓗᖃᖅᑎᓪᓗᒋᑦ, ᑲᑎᒪᓪᓗᖓᓗ ᐃᖃᓗᖕᓂ ᔭᓗᓇᐃᒥᓗ, ᐊᒻᒪᓗ ᑲᑎᖃᑎᖃᖅᖢᖓ ᓂᕈᐊᖅᑎᒐᓂᒃ ᕿᑭᖅᑕᕐᔪᐊᒥ, ᑲᖏᖅᓱᒑᐱᖕᒥ, ᒥᑦᑎᒪᑕᓕᖕᒥ ᐃᖃᓗᒃᑑᑦᓯᐊᒥᓗ.

ᐃᖃᓗᑦᑐᑦᓯᐊᒦᑎᓪᓗᖓ, ᑲᑎᒪᖃᑎᖃᕈᓐᓇᓚᐅᖅᐳᖓ ᒪᓕᒐᓕᐅᖅᑕᐅᕙᓪᓕᐊᔪᓂᒃ ᖃᐅᔨᓴᖅᑎᑦ ᑲᑎᒪᔨᖏᓐᓄᑦ ᑲᑎᒪᔨᐅᖃᑕᐅᔪᒥᒃ ᑎᐊᓇᔅ ᐹᑕᓴᓐ ᕿᑎᕐᒥᐅᓂ ᐱᔅᓂᔅᖃᖅᑐᑦ ᑲᑎᒪᕐᔪᐊᖅᑎᓪᓗᒋᑦ. ᑲᑎᒪᒌᕐᒪᑕ ᐅᖃᐅᓯᖃᕈᓐᓇᓚᐅᖅᐳᖅ ᖃᐅᔨᓚᐅᖅᑕᒥᓂᒃ ᑲᑎᒪᒋᐊᖅᑐᖃᑕᐅᓚᐅᖅᖢᓂ ᑲᖏᖅᖠᓂᕐᒥ, ᐊᕐᕕᐊᓂ ᖃᒪᓂᑐᐊᒥᓗ.

ᑐᑭᓯᒍᑎᒋᔪᓐᓇᓚᐅᖅᑕᒃᑲ ᑲᑎᒪᖃᑎᖃᖅᖢᖓ ᐃᓄᖕᓂᒃ ᓇᑭᑐᐃᓐᓇᖅ ᐃᑲᔪᕈᑕᐅᓂᐊᖅᐳᑦ ᓯᕗᓪᓕᖅᐸᐅᑎᑕᐅᖁᔭᐅᔪᓂᒃ ᐱᓕᕆᐊᖃᕐᓂᑦᑎᓐᓄᑦ ᓄᓇᕗᒥᐅᑕᓕᒫᓄᑦ.

ᐊᐱᖁᑎᒃᓴᖃᕈᑦᓯ ᐅᖃᐅᓯᕐᒪ ᐃᓗᐊᓃᑦᑐᓂᒃ ᐅᕙᓘᓐᓃᑦ ᐊᓯᖏᓐᓂᒃ ᐅᖃᐅᓯᕆᔭᐅᒃᑲᓐᓂᕈᒪᔪᓂᒃ, ᐊᓪᓚᕕᓐᓄᑦ ᐅᖃᓗᒍᓐᓇᖅᐳᓯ. ᐊᒻᒪᓗ ᖃᐅᔨᒋᐊᖏᓐᓇᖃᑦᑕᕐᓂᐊᖅᐳᓯ ᖃᕆᑕᐅᔭᒃᑯᑦ ᑎᑎᕋᖅᓯᒪᔪᖁᑎᓐᓂᒃ ᖃᕆᑕᐅᔭᒃᑯᑦ:

Links
Take Action