ᐊᑐᕚ - ᐅᓪᓗᒥ, ᒥᓂᔅᑕ ᓕᐅᓇ ᐊᒡᓗᒃᑲᖅ, ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᒥᓂᔅᑕ ᑲᓇᑕᐅᑉ ᒐᕙᒪᒃᑯᖏᓐᓂ, ᖁᕕᐊᓱᒃᐳᖅ ᑐᓴᖅᑎᑎᒍᓐᓇᕋᒥ ᓂᕿᑦᓯᐊᕙᒃᑐᕐᓂᖅ ᑲᓇᑕᒥ ᓂᕿᑦ ᓂᕆᔭᐅᒋᐊᓕᑦ ᑎᑎᕋᖅᑕᐅᓯᒪᔪᑦ ᒪᓕᒐᒃᓴᐃᑦ ᐃᖅᑭᓕᕐᓄᑦ, ᐃᓄᖕᓄᑦ, ᐃᖅᑭᓕᕐᓚᖕᓄᑦ ᑐᑭᓕᐅᖅᓯᒪᓪᓗᑎᒃ ᓯᑕᒪᐅᓪᓗᑎᒃ ᓄᓇᖃᖅᑳᖅᓯᒪᔪᑦ ᐅᖃᐅᓯᖏᑦ.

"ᒐᕙᒪᕗᑦ ᑐᑭᓯᐅᒪᑎᑎᖁᔨᖕᒪᑕ ᓂᕿᑦᓯᐊᓂᒃ ᓂᕆᒋᐊᖃᕐᓂᖏᓐᓄᑦ ᐊᑐᐃᓐᓇᖃᕆᐊᖃᕐᓂᖏᓐᓄᓪᓗ ᓄᓇᖃᖅᑳᖅᓯᒪᔪᑦ ᑲᓇᑕᒥᐅᑦ," ᐅᖃᓚᐅᖅᐳᖅ ᐊᒡᓗᒃᑲᖅ. "ᑖᓐᓇ ᓂᕿᓄᑦ ᓂᕆᔭᐅᒋᐊᖃᖅᑐᓄᑦ ᒪᓕᒐᒃᓴᖅ, ᐃᓕᖁᓯᖏᓐᓄᑦ ᐱᒃᑯᒥᓇᕆᔭᖏᓐᓄᓪᓗ, ᐃᓕᖁᓯᖏᓐᓄᓪᓗ ᓂᕿᒋᖃᑦᑕᖅᑕᖏᓐᓄᓪᓗ ᓂᕿᒃᑯᒥᓇᕆᔭᖏᓐᓂᒡᓗ ᓄᓇᖃᖅᑳᖅᓯᒪᔪᑦ, ᐊᑐᐃᓐᓇᐅᑎᑕᐅᑦᓯᐊᕐᓂᐊᖅᖢᑎᒡᓗ ᐃᖅᑭᓂᕐᓄᑦ, ᐃᓄᖕᓄᑦ ᐊᒻᒪᓗ ᐃᖅᑭᓕᕐᓚᖕᓄᑦ."

ᑐᑭᓕᐅᖅᓯᒪᔪᑦ ᓂᕆᔭᐅᒋᐊᓖᑦ ᒪᓕᒐᖏᑦ ᐊᑐᐃᓐᓇᐅᓂᐊᓕᖅᐳᖅ ᓄᓇᓕᖕᓂ ᐃᖅᑭᓕᑦ ᐅᖃᐅᓯᖏᑦᑎᒍᑦ ᑎᑎᕋᖅᓯᒪᓪᓗᑎᒃ  Woods Cree, Plains Cree, Ojibwe, ᐊᒻᒪᓗ ᐃᓄᒃᑎᑐᑦ, ᐊᒻᒪᓗ ᖃᓪᓗᓈᑎᑐᑦ ᐅᐃᕖᑎᑐᓪᓗ. ᓯᑕᒪᓂᒃ ᐅᖃᐅᓯᕐᓂᒃ ᑐᑭᓕᐅᖅᑕᐅᓯᒪᓪᓗᑎᒃ ᓄᓇᖃᖅᑳᖅᓯᒪᔪᑦ ᐅᖃᐅᓯᖏᑦᑎᒍᑦ ᓂᕈᐊᖅᑕᐅᓚᐅᖅᐳᑦ ᐊᑐᖅᑕᐅᒍᒪᓪᓗᑎᒃ ᐊᒥᓲᓂᖅᓴᓂᒃ ᑐᑭᓯᒋᐊᖅᑎᑎᒍᒪᓪᓗᑎᒃ.


ᓂᕿᑦᓯᐊᕙᒃᑐᕐᓂᖅ ᑲᓇᑕᒥ ᓂᕿᑦ ᓂᕆᔭᐅᒋᐊᓕᑦ ᑎᑎᕋᖅᑕᐅᓯᒪᔪᑦ ᒪᓕᒐᒃᓴᐃᑦ ᐃᖅᑭᓕᕐᓄᑦ, ᐃᓄᖕᓄᑦ, ᐃᖅᑭᓕᕐᓚᖕᓄᑦ ᓴᖅᑭᑎᑕᐅᓚᐅᖅᐳᖅ ᐄᐳᕈ 2007-ᒥ ᑖᒃᑯᐊᓗ ᓂᕆᑦᓯᐊᖃᑦᑕᕐᓂᖅ ᑲᓇᑕᒥ ᓂᕿᑦᓯᐊᕙᐃᑦ ᓂᕆᔭᐅᓗᑎᒃ ᒪᓕᒃᑕᐅᔪᒃᓴᑦ ᐱᔾᔪᑎᖃᖅᖢᑎᒡᓗ ᓄᓇᖃᖅᑳᖅᓯᒪᔪᑦ ᓂᕿᖏᑦ ᓂᕿᑦᓯᐊᕙᐅᓂᖏᓐᓄᑦ ᓴᓂᐊᒍᑦ ᓂᐅᕕᕐᕕᖕᒥᑦ ᓂᕿᑖᕆᔭᐅᕙᒃᑐᑦ ᓄᓇᖃᖅᑳᖅᓯᒪᔪᓄᑦ. ᐊᑐᖅᑕᐅᑦᓯᐊᕈᓐᓇᖅᖢᓂ ᑭᒃᑯᑐᐃᓐᓇᕐᓄᑦ, ᐃᓚᒌᓄᑦ ᖃᑕᖑᑎᒌᓄᑦ ᓄᓇᓕᖕᓂᒥᐅᓄᓪᓗ ᐃᓕᓯᒪᖁᓪᓗᒋᑦ ᓂᕿᓂᒃ ᖃᓄᕐᓗ ᓂᕆᒋᐊᒃᓴᖏᓐᓄᑦ ᐊᒥᖅᑳᕐᓗᑎᒃ ᐊᒻᒪᓗ ᐃᖃᐃᓕᓴᖃᑦᑕᕆᐊᖃᕐᓂᖏᓐᓄᑦ.

"ᖁᕕᐊᓱᒃᐳᒍᑦ ᑲᓇᑕᒥ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐊᑐᐃᓐᓇᐅᑎᑎᓕᕐᒪᑕ ᑖᒃᑯᓂᖓ ᓂᕿᑦᓯᐊᕙᒃᑐᕐᓂᖅ ᑲᓇᑕᒥ ᓂᕿᑦ ᓂᕆᔭᐅᒋᐊᓕᑦ ᑎᑎᕋᖅᑕᐅᓯᒪᔪᑦ ᒪᓕᒐᒃᓴᐃᑦ ᐃᖅᑭᓕᕐᓄᑦ, ᐃᓄᖕᓄᑦ, ᐃᖅᑭᓕᕐᓚᖕᓄᑦ ᑎᑎᕋᖅᓯᒪᓪᓗᑎᒃ ᐱᖓᓱᓂ ᓄᓇᖃᖅᑳᖅᓯᒪᔪᑦ ᐅᖃᐅᓯᖏᑦᑎᒍᑦ. ᑕᐃᒪᓐᓇ ᐃᓄᐃᑦ ᐃᑲᔪᖅᑕᐅᓂᖃᕐᓂᐊᖅᐳᑦ ᐱᒻᒪᕆᐅᔪᓂᒃ ᑐᑭᓯᐅᒪᒍᑎᖃᕐᓗᑎᒃ ᓂᕿᑦᓯᐊᕙᐃᑦ ᒥᒃᓵᓄᑦ," ᐅᖃᓚᐅᖅᐳᖅ ᐃᖅᑭᓕᕐᓄᑦ ᐊᖓᔪᖃᕆᔭᐅᔪᖅAngus Toulouse, ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐱᓕᕆᔨᐅᔪᖅ ᐃᖅᑭᓖᑦ ᑲᑎᒪᔨᕐᔪᐊᖏᓐᓄᑦ.

"ᖁᕕᐊᓱᒃᐳᒍᑦ ᐃᓄᒃᑎᑑᓕᖅᑎᑕᐅᓯᒪᓂᖓᓄᑦ ᒪᓕᒐᒃᓴᐃᑦ ᓂᕿᑦᓯᐊᕙᖕᓄᑦ," ᐅᖃᓚᖅᐳᖅ ᑲᓇᑕᒥ ᐃᓄᐃᑦ ᑲᑎᒪᔨᖏᓐᓄᑦ ᓯᕗᓕᖅᑎᖓᑦ ᒥᐅᕆ ᓴᐃᒪᓐ, ᐊᖓᔪᖃᕆᔭᐅᔪᖅ ᐃᓄᐃᑦ ᑕᐱᕇᑦ ᑲᓇᑕᒥ. "ᑕᐃᒪᓐᓇ ᑕᑯᓐᓇᕈᑎᒋᓂᐊᖅᐸᕗᑦ ᐅᕙᑦᑎᓐᓂᒃ ᐱᒻᒪᕆᐅᔪᒃᑯᑦ ᑖᒃᑯᑎᒎᓇ, ᐃᓄᖕᓄᑦ ᐱᒻᒪᕆᐅᑎᑕᐅᓂᖅᓴᐅᓗᓂᓗ."

ᑐᑭᓯᒋᐊᒃᑲᓐᓂᕈᒪᔪᑦ ᓂᕿᑦᓯᐊᕙᒃᑐᕐᓂᖅ ᑲᓇᑕᒥ ᓂᕿᑦ ᓂᕆᔭᐅᒋᐊᓕᑦ ᑎᑎᕋᖅᑕᐅᓯᒪᔪᑦ ᒪᓕᒐᒃᓴᐃᑦ ᐃᖅᑭᓕᕐᓄᑦ, ᐃᓄᖕᓄᑦ, ᐃᖅᑭᓕᕐᓚᖕᓄᑦ ᑐᑭᓕᐅᖅᓯᒪᓪᓗᑎᒃ ᓯᑕᒪᐅᓪᓗᑎᒃ ᓄᓇᖃᖅᑳᖅᓯᒪᔪᑦ ᐅᖃᐅᓯᖏᑦ Eating Well with Canada’s Food Guide – First Nations, Inuit and Métis ( http://www.hc-sc.gc.ca/fn-an/food-guide-aliment/fnim-pnim/index-eng.php ), ᖃᐅᔨᒋᐊᕐᓗᑎᒡᓗ ᐋᓐᓂᐊᖃᕐᓇᖏᑦᑐᓕᕆᔨ