ᐅᖃᐅᓯᖏᑦ ᒥᓂᔅᑕ ᓕᐅᓇ ᐊᒡᓗᒃᑲᖅ, ᐱᖁᔭᓕᐅᖅᑎ ᓄᓇᕗᒥᐅᓄᑦ ᐊᑐᕚᒥ, ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᒥᓂᔅᑕ ᐊᒻᒪ ᒥᓂᔅᑕ ᑲᒪᒋᔭᖃᖅᑐᖅ ᐅᑭᐅᖅᑕᖅᑐᒥ
March 31, 2010

ᐅᓪᓗᒥ ᐊᑐᖅᑕᐅᓚᐅᖅᓯᒪᔪᒥᒃ ᓯᕗᓪᓕᖅᐹᒥ ᐅᓪᓗᖃᖅᐳᒍᑦ ᑲᓇᑕᒥ. ᐊᕐᕌᒍᑦ 50-ᐅᓚᐅᖅᓯᒪᔪᓂ ᑲᓇᑕᐅᑉ ᒐᕙᒪᒃᑯᖏᓐᓄᑦ ᐊᖓᔪᖃᕆᔭᐅᓚᐅᖅᑐᖅ ᐳᕋᐃᒻᒥᓂᔅᑕ ᑏᕙᓐᐲᑯ ᓂᕈᐊᕈᓐᓇᖅᑎᑎᓚᐅᖅᓯᒪᖕᒪᑦ ᓄᓇᖃᖅᑳᖅᓯᒪᔪᓂᒃ ᑕᒪᐃᓐᓂᒃ ᑲᓇᑕᒥ, ᑕᐃᒪᓐᓇ ᐱᑎᑕᐅᔪᑐᖃᐅᒋᐊᖃᓚᐅᖅᓯᒪᒐᓗᐊᖅᑎᓪᓗᑕ ᓯᕗᓂᐊᒍᑦ.

ᓴᕆᒪᓱᒃᐳᖓ ᓄᓇᖃᖅᑳᖅᓯᒪᒐᒪ ᑕᒪᕐᒥᒡᓗ ᑲᓇᑕᒥᐅᑦ ᐃᓱᒪᒃᓴᖅᓯᐅᕈᑎᖃᕆᐊᖃᖅᐳᑦ ᑕᒪᓐᓇ ᓇᓪᓕᐅᕐᓂᖅᓯᐅᕐᓂᖓᓂ. ᓂᕈᐊᕈᓐᓇᕐᓂᖅ ᓂᕈᐊᕐᓂᖅ ᑭᒡᒐᖅᑐᐃᔨᒋᒍᒪᔭᑦᑎᓐᓂᒃ ᐱᔪᓐᓇᕐᓂᖃᖅᐳᑦ ᑕᒪᕐᒥᒃ ᑲᓇᑕᒥᐅᑦ ᐅᐱᒋᔭᖃᖅᖢᑎᒡᓗ ᑕᐃᒪᓐᓇ ᐱᔪᓐᓇᕐᓂᖃᕐᓂᕐᒧᑦ ᑕᐃᒪᐃᒋᐊᖃᖅᖢᑎᒡᓗ. ᓂᕈᐊᕈᓐᓇᖅᓯᑎᑕᐅᒐᑦᑕ ᐱᕚᓪᓕᕈᑎᖃᓚᐅᖅᐳᒍᑦ ᐊᒻᒪ ᐱᕙᓪᓕᐊᒍᑎᖃᖅᐸᓪᓕᐊᓪᓗᑕ ᓄᓇᖃᖅᑳᖅᓯᒪᔪᒍᑦ ᑕᐃᒪᖓᓂᑦ. ᒐᕙᒪᕗᑦ ᑕᐃᒪᓐᓇ ᐱᓕᕆᐊᖃᐃᓐᓇᕈᒪᕗᑦ.

ᑲᑎᒪᕐᔪᐊᕐᓂᐊᓕᖅᑎᓪᓗᑕ ᐅᖃᐅᓯᖓᐅᑕᐅᓚᐅᖅᑐᑦ ᐱᖁᔭᓕᐅᕐᕕᑦᑎᓐᓂ, ᑕᐃᒪᓐᓇ ᐱᓕᕆᓂᐊᕐᓂᕋᐅᑎᖃᓚᐅᖅᐳᒍᑦ, ᐱᓕᕆᐊᖃᒃᑲᓐᓂᕐᓗᑕ ᐱᕚᓪᓕᖅᐸᓪᓕᐊᑎᓪᓗᒋᑦ ᓄᓇᖃᖅᑳᖅᓯᒪᔪᑦ ᐱᖁᑎᕐᔪᐊᓕᐅᕐᕕᐅᖁᓪᓗᒋᑦ ᓄᓇᖃᖅᑳᖅᓯᒪᔪᑦ, ᐃᓕᓐᓂᐊᕐᓂᖃᑦᓯᐊᖁᓪᓗᒋᑦ, ᐊᒻᒪ ᓱᕈᓯᑦ ᐃᓚᒌᓪᓗ ᐱᔨᑦᓯᕋᖅᑕᐅᑦᓯᐊᕐᓗᑎᒃ. ᑮᓇᐅᔭᓕᕆᓐᓇᒥ ᑲᑎᒪᒍᑕᐅᓂᐊᖅᑐᓂᒃ ᐊᑐᖅᑐᒃᓴᓂᒃ ᐅᖃᐅᓯᖃᓚᐅᖅᐳᒍᑦ ᑕᐃᒪᓐᓇ ᑮᓇᐅᔭᖅᑖᖅᑎᑎᓯᒪᓕᖅᖢᑕᓗ ᐃᓅᓯᖃᑦᓯᐊᖁᓪᓗᒋᑦ ᓄᓇᖃᖅᑳᖅᓯᒪᔪᑦ.

ᑕᒪᕐᒥᒃ ᓄᓇᖃᖅᑳᓯᒪᔪᑦ ᐃᓚᒋᔭᐅᑦᓯᐊᖁᕙᕗᑦ ᐱᔪᓐᓇᖅᑎᑕᐅᑦᓯᐊᕐᓗᑎᒡᓗ ᑲᓇᑕᒥ ᐃᓅᖃᑕᐅᓪᓗᑎᒃ.
Links
Take Action