ᐃᖃᓗᐃᑦ, ᓄᓇᕗ - ᒥᓂᔅᑕ ᓕᐅᓇ ᐊᒡᓗᒃᑲᖅ, ᑲᑎᒪᔨᕐᔪᐊᖑᖃᑕᐅᔪᖅ ᐊᑐᕚᒥ ᓄᓇᕗᒧᑦ, ᒥᓂᔅᑕ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ, ᐊᒻᒪᓗ ᒥᓂᔅᑕ ᑲᒪᒋᔭᖃᖅᑐᖅ ᐅᑭᐅᖅᑕᖅᑐᒧᑦ, ᒫᓐᓇᓵᖑᓚᐅᖅᑐᖅ ᐱᓕᕆᔪᒻᒪᕆᐅᓚᐅᖅᐳᖅ ᐱᓇᓱᐊᕈᓯᐅᓵᖅᑐᒥ ᐅᑭᐅᖅᑕᖅᑐᒧᑦ.

ᑕᐃᒪ, ᒥᓂᔅᑕ ᐊᒡᓗᒃᑲᖅ ᐳᓚᕋᓚᐅᖅᐳᖅ ᐃᓄᕕᖕᒧᑦ, ᑐᒃᑐᔭᖅᑐᒧᑦ, ᐊᒃᖥᕕᖕᒧᑦ ᐊᒻᒪ ᔭᓗᓇᐃᒧᑦ ᓄᓇᑦᓯᐊᒥ.
ᐃᓄᕕᖕᒦᑦᖢᓂ, ᒥᓂᔅᑕ ᐊᒡᓗᒃᑲᖅ, ᐱᓕᕆᖃᑎᖃᖅᖢᓂ ᓄᓇᑦᓯᐊᑉ ᒐᕙᒪᒃᑯᖏᓐᓄᑦ ᐊᒻᒪᓗ ᐃᓄᕕᐊᓗᐃᑦ ᑯᐊᐳᕇᓴᒃᑯᖏᓐᓄᑦ, $9-ᒥᓕᔭᓐᑖᓚᓂᒃ ᑮᓇᐅᔭᖅᑖᖅᑎᑎᓚᐅᖅᐳᖅ ᐃᑲᔪᕈᑎᒃᓴᓂᒃ ᐃᓕᓐᓂᐊᕈᑎᒃᓴᓂᒃ ᑲᓇᑕᐅᑉ ᐅᑭᐅᖅᑕᖅᑐᖓᓂ.

ᐊᒻᒪ, ᒥᓂᔅᑕ ᐃᓚᐅᓚᐅᕆᓪᓗᓂ ᑲᑎᒪᖃᑕᐅᓪᓗᓂ ᓄᓇᓕᖕᓂ ᓯᕗᓕᖅᑎᓂᒃ ᑐᒃᑐᔭᖅᑐᒥ ᐊᒃᖥᕕᖕᒥᓗ - ᐅᖃᐅᓯᖃᓚᐅᖅᖢᓂᓗ ᖃᓄᐃᓕᐅᕐᓂᐊᕐᓂᖏᓐᓄᑦ ᑲᓇᑕᐅᑉ ᒐᕙᒪᒃᑯᖏᑦ ᐃᑲᔪᖅᑐᐃᓂᐊᕐᓗᑎᒃ ᓄᓇᓕᖕᓂᒃ ᐅᑭᐅᖅᑕᖅᑐᒥ.

"ᖁᕕᐊᓇᖅᐳᖅ ᑕᑯᓪᓚᕆᒡᓗᓂ ᒐᕙᒪᑦᑎᓐᓂᒃ ᑮᓇᐅᔭᓂᒃ ᐊᑐᖅᑎᑎᔪᓂᒃ ᐊᑐᓂ ᓄᓇᓕᖕᓄᑦ," ᐅᖃᓚᐅᖅᐳᖅ ᒥᓂᔅᑕ ᐊᒡᓗᒃᑲᖅ.

ᒥᓂᔅᑕ ᐊᒡᓗᒃᑲᖅ ᓄᓇᑦᓯᐊᒧᐊᖅᓯᒪᓚᐅᖅᖢᓂ ᐊᐅᓪᓚᓚᐅᕆᕗᖅ ᐃᖃᓗᖕᓄᑦ ᐅᓂᒃᑳᕆᐊᖅᑐᖅᓯᒪᓚᐅᖅᖢᓂᓗ ᑲᓇᑕᒥ ᓇᖕᒥᓂᖅ ᐱᓕᕆᕕᓖᑦ ᑲᑎᒪᔨᖏᑦ ᓂᕆᕕᒡᔪᐊᖅᑎᑦᓯᑎᓪᓗᒋᑦ ᑕᓪᓕᒥᕐᒥ ᐅᓐᓄᒃᑯᑦ ᐱᓇᓱᐊᕈᓯᐅᑉ ᓄᖑᐊᓂᓗ ᑑᓂᒃ ᑕᐃᒻᒦᖃᑕᐅᓪᓗᓂ.

"ᐱᓕᕆᔪᒻᒪᕆᐅᓚᐅᕋᓗᐊᖅᖢᖓ ᖁᕕᐊᒋᓚᐅᖅᐸᕋ," ᐅᖃᓚᐅᖅᐳᖅ ᒥᓂᔅᑕ ᐊᒡᓗᒃᑲᖅ. "ᑲᑎᖃᑎᖃᕈᓐᓇᓚᐅᖅᐳᖓ ᐊᒥᓱᓂᒃ ᐅᑭᐅᖅᑕᖅᑐᒥᐅᓂᒃ, ᐅᖃᓪᓚᕕᐅᓚᐅᖅᖢᖓᓗ, ᑐᓴᖅᑎᑎᓚᐅᖅᖢᖓᓗ ᑮᓇᐅᔭᖅᑖᕆᔭᐅᓂᐊᖅᑐᓂᒃ ᐃᑲᔪᕈᑎᒃᓴᖏᓐᓂᒃ ᐅᑭᐅᖅᑕᖅᑐᒥᐅᑦ."

ᒥᓂᔅᑕ ᐊᒡᓗᒃᑲᖅ ᐅᑎᕐᓂᐊᓕᖅᐳᖅ ᐊᑐᕚᒧᑦ ᐱᓕᕆᒍᔾᔨᓂᐊᕐᓗᓂ ᒐᕙᒪᒃᑯᓐᓂ ᐊᒻᒪᓗ ᒥᓂᔅᑕᐅᖃᑕᐅᓪᓗᓂ ᓄᓇᕗᒥᐅᓄᑦ ᐅᑭᐅᖅᑕᖅᑐᒥᐅᓄᓪᓗ.

ᐊᐱᖁᑎᒃᓴᖃᖅᑐᑦ ᑐᑭᓯᒋᐊᕈᑎᖃᕈᒪᔪᓪᓗ ᑐᓴᒐᒃᓴᐃᑦ ᒥᒃᓵᓄᑦ ᐅᖃᐅᓯᖃᕈᒪᔪᓪᓗ ᖃᐅᔨᒋᐊᕈᓐᓇᖅᐳᑦ ᐊᓪᓚᕕᖓᓄᑦ ᐅᕙᓂ.

ᐅᖃᓚᐅᑎᖓ: 613.992.2848/867.979/4193/866.267.7701
ᓱᑲᔪᒃᑯᑦ: 613.996.9764/867.979.4196
ᖃᕆᑕᐅᔭᒃᑯᑦ: Aglukkaq.L@parl.gc.ca