ᒥᓂᔅᑕ ᓕᐅᓇ ᐊᒡᓗᒃᑲᖅ, ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᒥᓂᔅᑕ, ᒥᓂᔅᑕᐅᓪᓗᓂᓗ ᑲᒪᒋᔭᖃᖅᑐᖅ ᐅᑭᐅᖅᑕᖅᑐᒥᐅᓂᒃ ᐱᖁᔭᓕᐅᖅᑎᕐᔪᐊᖑᓪᓗᓂᓗ
ᓄᓇᕗᒥᐅᓄᑦ ᖁᕕᐊᓱᒃᐳᑦ ᑲᓇᑕᐅᑉ ᒐᕙᒪᒃᑯᖏᑦ ᖃᕆᑕᐅᔭᒃᑯᑦ ᐱᑐᒃᓯᒪᒍᑎᓂᒃ ᐱᕙᓪᓕᐊᑎᑎᒃᑲᓐᓂᕐᓂᐊᕐᒪᑕ ᓄᓇᕗᒥ.
 
"ᖁᕕᐊᓱᒃᐳᖓ, ᐊᒥᓱᑦ ᓄᓇᕗᒥᐅᑦ ᖃᕆᑕᐅᔭᒃᑯᑦ ᓱᑲᔪᒃᑯᑦ ᐱᑐᒃᓯᒪᒍᑎᖃᖅᑎᑕᐅᓂᐊᕐᒪᑕ ᓯᕗᓪᓕᖅᐹᑦᓯᐊᒥ ᑕᐃᒪᓐᓇ ᐱᑎᑕᐅᓗᑎᒃ," ᐅᖃᓚᐅᖅᐳᖅ ᒥᓂᔅᑕ ᐊᒡᓗᒃᑲᖅ. "ᓄᓇᕗᒥᐅᑦ ᐃᑲᔪᖅᑕᐅᑦᓯᐊᕐᓂᐊᕐᒪᑕ ᖃᕆᑕᐅᔭᒃᑯᑦ ᐱᑐᒃᓯᒪᐅᑎᒍᑎᒃᑯᑦ ᑕᐃᒪᓐᓇ ᐃᑲᔪᖅᑕᐅᓂᖅᓴᐅᒋᐊᖃᖅᖢᑎᒡᓗ ᑲᓇᑕᒥᐅᑦ ᓴᓂᐊᒍᑦ, ᕼᐊᒻᓚᒃᑯᑦ ᐅᖓᓯᒌᓗᐊᕐᓂᖏᓐᓄᑦ ᓄᓇᓕᖕᓄᐊᕈᓐᓇᖅᖢᑎᒡᓗ ᑭᓯᐊᓂ ᖃᖓᑕᔫᒃᑯᑦ ᐃᓚᖏᑦ. ᑕᒪᓐᓇ ᐱᒋᐊᕈᑕᐅᔪᖅ ᐃᑲᔪᕐᓂᖃᕐᓂᐊᖅᐳᖅ ᓄᓇᓕᖕᓂᒥᐅᑦ ᖃᒡᓕᕚᓪᓕᓯᒪᖁᓪᓗᒋᑦ ᐃᖕᒥᒃᑯᑦ, ᐱᖁᑎᖃᖅᑎᑕᐅᖁᓪᓗᒋᓪᓗ ᐱᓕᕆᒍᑎᒃᓴᒥᖕᓂᒃ."
 
ᑖᒃᑯᐊ ᐅᑭᐅᖅᑕᖅᑐᒥ ᖃᕆᑕᐅᔭᒃᑯᑦ ᐱᑐᒃᓯᒪᒍᑎᑦ Northern Broadband Limited ᑮᓇᐅᔭᖅᑖᖅᑎᑕᐅᓂᐊᖅᐳᑦ ᐅᖓᑖᓄᑦ $10.6 ᒥᓕᔭᓐᑖᓚᐃᑦ ᑕᒪᑐᒧᖓ. ᑕᒪᒃᑯᐊ
ᐱᑐᒃᓯᒪᑎᑕᐅᓕᕐᓂᐊᖅᐳᑦ 11,779 ᐊᒥᓲᑎᒋᔪᑦ ᓄᓇᕗᒥᐅᑦ. ᑕᒪᒃᑯᐊ ᓇᖕᒥᓂᖅ ᐱᓕᕆᕕᖃᖅᑐᑦ ᑲᑐᔾᔨᖃᑎᒌᓪᓗ ᐱᑐᒃᓯᒪᑎᑕᐅᓕᖅᐳᑦ ᒫᓐᓇ ᐱᑐᒃᓯᒪᒍᑎᒋᔭᐅᔪᓄᑦ ᖃᕆᑕᐅᔭᒃᑯᑦ ᓄᓇᕗᒥ. ᑮᓇᐅᔭᑦ ᐊᑐᖅᑕᐅᓂᐊᖅᑐᑦ ᐱᑕᖃᒃᑲᓐᓂᖅᑎᑕᐅᓂᐊᓕᖅᐳᑦ ᐃᑲᔪᖅᑕᐅᓯᒪᖁᓪᓗᒋᑦ ᐱᕈᖅᐸᓪᓕᐊᓂᖓᓄᑦ ᑕᐃᒪᓐᓇ ᐱᑐᒃᓯᒪᒍᑎᐅᕙᒃᑐᑦ.
 
ᑕᒪᓐᓇ ᐱᓕᕆᐊᕆᔭᐅᓂᐊᖅᑐᖅ ᓄᓇᕗᒥ ᐃᓚᒋᔭᐅᓂᐊᖅᐳᖅ 52-ᓄᑦ ᑲᓇᑕᒥ ᑕᒪᒃᑯᓂᖓ ᑮᓇᐅᔭᖅᑖᖅᑎᑕᐅᓂᐊᖅᖢᑎᒃ ᑖᒃᑯᓇᖓᑦ ᐱᑐᒃᓯᒪᑎᑎᒍᑎᑎᒍᑦ ᑲᓇᑕᒥ Broadband Canada: Connecting Rural Canadians ᐱᓕᕆᐊᕆᔭᐅᔪᑎᒍᑦ. ᑮᓇᐅᔭᓕᕆᓐᓇᐅᑎᓪᓗᒍ 2009- ᖑᑎᓪᓗᒍ -- ᑲᓇᑕᒥ ᐱᕙᓪᓕᐊᑎᑎᓂᕐᒧᑦ ᐸᕐᓇᐅᑎᒋᔭᐅᔪᑎᒍᑦ ᑮᓇᐅᔭᓂᒃ $225- ᒥᓕᔭᓐᑖᓚᓂᒃ ᐱᕙᓪᓕᐊᑎᑕᐅᓂᖏᓐᓄᑦ ᐊᑐᓕᖅᑎᑕᐅᓂᖏᓐᓄᓪᓗ ᐸᕐᓇᐅᑕᐅᓯᒪᔪᒧᑦ

ᐊᖏᒡᓕᒋᐊᖅᑎᑕᐅᒃᑲᓐᓂᖁᓪᓗᒍ ᖃᕆᑕᐅᔭᒃᑯᑦ ᐱᑐᒃᓯᒪᒍᑎᑦ ᐅᖓᓯᒃᑐᒧᑦ ᑲᓇᑕᒥᐅᓄᑦ ᓄᓇᖃᖅᑐᓄᑦ ᐱᔨᑦᓯᕋᕐᕕᐅᖏᑦᑐᓂ ᐱᔨᑦᓯᕋᕐᕕᐅᖏᓐᓂᖅᓴᐅᔪᓂᓗ.
 
ᑕᒪᒃᑯᓄᖓ ᓄᓇᕗᒥᐅᓄᑦ ᖃᕆᑕᐅᔭᒃᑯᑦ ᐱᑐᒃᓯᒪᑎᑕᐅᓂᐊᓕᖅᑐᓄᑦ, ᑕᐃᒪᓐᓇ ᐱᒻᒪᕆᐅᔪᒃᑯᑦ ᐱᕙᓪᓕᐊᔪᓕᕆᓂᕐᒧᑦ ᐃᓅᓯᓕᕆᓂᕐᒧᓪᓗ ᐃᑲᔪᖅᑕᐅᓂᖃᕐᓂᐊᖅᐳᑦ, ᐊᒻᒪ ᓇᖕᒥᓂᖅ ᐱᓕᕆᕕᖃᕈᓐᓇᕐᓂᕐᒧᑦ ᐱᕙᓪᓕᐊᑎᑕᐅᓂᖅᓴᐅᓕᕐᓗᑎᒃ ᐅᖓᓯᒃᑐᒃᑯᓪᓗ ᐃᓕᓐᓂᐊᕈᑎᒃᓴᖃᕈᓐᓇᖁᓪᓗᒋᑦ ᖃᕆᑕᐅᔭᒃᑯᑦ ᓄᓇᒥᖕᓃᖏᓐᓇᕐᓗᑎᒃ. ᐊᒻᒪᓗᒃᑲᓐᓂᖅ, ᐱᕙᓪᓕᐊᔪᓕᕆᓂᕐᒧᑦ ᐱᑎᑕᐅᓂᖅᓴᐅᓕᕐᓗᑎᒡᓗ ᐊᑲᐅᓯᕚᓪᓕᕈᑎᖃᕐᓗᑎᒡᓗ ᐃᓅᓯᕐᒥᖕᓄᑦ ᓄᓇᕗᒥ.