ᐃᖃᓗᐃᑦ, ᓄᓇᕗᑦ -- (ᒪᐃ 20, 2010) -- ᒥᓂᔅᑕ ᓴᒃ ᓯᑖᓪ, ᒥᓂᔅᑕ ᐃᓄᓕᕆᔨᑐᖃᒃᑯᓐᓄᑦ ᐅᑭᐅᖅᑕᖅᑐᒥ ᐱᕙᓪᓕᐊᑎᑎᓂᕐᒧᑦ ᐊᒻᒪᓗ ᑲᓇᑕᐅᑉ ᒐᕙᒪᒃᑯᖏᓐᓄᑦ ᑲᒪᔨᒋᔭᐅᓪᓗᓂ ᐊᓪᓚᖓᔪᓄᑦ
ᐃᓕᑕᕆᔭᐅᓯᒪᒍᑎᖃᖏᑦᑐᓄᓪᓗ ᐊᓪᓚᓄᑦ, ᐊᒻᒪ ᓄᓇᕗᑦ ᒐᕙᒪᒃᑯᖏᓐᓄᑦ ᓯᕗᓕᖅᑎ ᐄᕙ ᐋᕆᐊᒃ, ᐅᓪᓗᒥ ᑐᓴᖅᑎᑎᖃᑕᐅᕗᑦ ᑮᓇᐅᔭᖅᑕᖃᒃᑲᓐᓂᕐᓂᐊᕐᓂᖓᓄᑦ ᓴᓇᔭᐅᓂᐊᕐᓂᖓᓄᑦ ᐃᖃᓗᒃᓯᐅᖅᑎᓂᒃ ᐅᒥᐊᕐᔪᐊᒃᑯᑦ ᖃᐅᔨᓴᕈᑎᒃᓴᓂᒃ ᐊᐅᓚᑕᐅᓂᐊᖅᖢᑎᒃ ᓄᓇᕗᑦ ᒐᕙᒪᒃᑯᖏᓐᓄᑦ. "ᑲᓇᑕᐅᑉ ᒐᕙᒪᒃᑯᖏᑦ ᐱᓕᕆᖃᑎᖃᕈᒪᑦᓯᐊᖅᐳᑦ ᓄᓇᕗᑦ ᒐᕙᒪᒃᑯᖏᓐᓂᒃ ᓴᓇᒍᒪᓪᓗᑐᑎᒃ ᐊᑐᖅᑕᐅᒋᐊᖃᒻᒪᕆᒃᑐᒥᒃ ᐃᖃᓗᒃᓯᐅᕈᑎᓂᒃ ᐅᒥᐊᓂᒃ ᖃᐅᔨᓴᕈᑎᒃᓴᐅᓂᐊᕐᓗᓂ. ᐃᑲᔪᖅᑕᐅᒍᑎᑦ ᐅᑭᐅᖅᑕᖅᑐᒥ ᖃᐅᔨᓴᕐᓂᕐᒧᑦ ᐱᒻᒪᕆᐅᖕᒪᑕ ᐱᑕᖃᕆᐊᖃᕐᒪᑕᓗ ᐱᒍᒪᔭᐅᔪᑦ ᐅᑭᐅᖅᑕᖅᑐᒥ ᐸᕐᓇᒃᓯᒪᒍᑕᐅᔪᓄᑦ ᐊᑐᓕᖅᑕᐅᔪᓐᓇᖁᓪᓗᒋᑦ," ᐅᖃᓚᐅᖅᐳᖅ ᒥᓂᔅᑕ ᓯᑖᓪ. ᑐᓴᖅᑎᑎᒍᑕᐅᔪᖅ ᑐᓴᕐᓂᑦᓯᐊᖅᐳᖅ ᐅᑭᐅᖅᑕᖅᑐᒥ.

ᑲᑎᓪᓗᒋᑦ ᐊᓯᖏᓪᓗ ᓴᓇᔭᐅᓂᐊᖅᑐᑦ ᑮᓇᐅᔭᖁᑎᖃᖅᑎᑕᐅᓗᑎᒃ ᐅᑭᐅᖅᑕᖅᑐᒥ ᖃᐅᔨᓴᕈᑎᒃᓴᓂᑦ ᑮᓇᐅᔭᓂᑦ, ᑕᒪᓐᓇ ᐃᑲᔪᕈᑕᐅᓂᐊᖅᐳᖅ ᐱᕙᓪᓕᐊᒍᑕᐅᓯᒪᔪᓂᒃ ᑕᐃᑦᓱᒪᓂᑐᖃᖅ ᓯᓚᕐᔪᐊᒥ ᐅᑭᐅᖅᑕᖅᑐᑉ
ᐊᕐᕌᒍᖓᓂ," ᐅᖃᓚᐅᖅᐳᖅ ᓕᐅᓇ ᐊᒡᓗᒃᑲᖅ, ᒥᓂᔅᑕ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᑲᑎᒪᔨᕐᔪᐊᖑᖃᑕᐅᓪᓗᓂᓗ ᐊᑐᕚᒥ ᓄᓇᕗᒧᑦ."

"ᐱᓕᕆᐊᕆᔭᖅᐳᑦ, ᑕᒪᑉᑕ/CLcC: ᓴᓇᕙᓪᓕᐊᓂᖅ ᓯᕗᓂᒃᓴᐅᓂᐊᖅᑐᒧᑦ ᑲᑐᔾᔨᓗᑕ, ᐱᓕᕆᖃᑎᒌᒋᐊᖃᕐᓂᑦᑎᓐᓄᑦ ᐱᔾᔪᑎᖃᕐᒪᑕ ᐃᑲᔪᖅᑕᐅᔪᓐᓇᖁᓪᓗᒋᑦ ᒐᕙᒪᒃᑯᓐᓂᑦ ᓄᓇᓕᖕᓂᒥᐅᑦ ᐱᕙᓪᓕᐊᓂᖃᖅᐸᓪᓕᐊᖁᓪᓗᒋᑦ ᐃᖕᒥᓂᖅᓲᖅᐸᓪᓕᐊᖁᓪᓗᒋᓪᓗ. ᓄᓇᕗᒥᐅᑦ ᐊᕙᑎᒥᐅᑕᑦᑎᓐᓂᒃ ᑲᒪᔨᐅᖏᓐᓇᕐᓂᐊᕐᒪᑕ ᖃᐅᔨᕚᓪᓕᖅᐸᓪᓕᐊᓂᐊᖅᖢᑎᒡᓗ ᐃᓚᐅᓗᑎᒃ ᐃᖃᓗᓕᕆᓂᕐᒧᑦ ᖃᐅᔨᓴᕐᓂᕐᒥᒃ ᐃᒪᖁᑎᖏᓐᓂ," ᐅᖃᓚᐅᖅᐳᖅ ᓯᕗᓕᖅᑎ ᐋᕆᐊᒃ.

ᐊᕐᕌᒍᓂ ᒪᕐᕉᖕᓂ ᖃᖏᖅᓯᒪᓕᖅᑐᓂ ᐱᓕᕆᓯᒪᓕᖅᐳᒍᑦ ᖃᐅᔨᓐᓇᕈᑕᐅᕗᓪᓗ ᑕᒪᒃᑯᐊ ᖃᐅᔨᓴᕈᑎᑦ ᓈᒻᒪᖏᒻᒪᑕ ᓄᓇᕗᒥ ᐃᒪᕐᒥᑦ ᐃᖃᓗᒃᓯᐅᕐᓂᕐᒧᑦ ᐱᔾᔪᑎᖃᖅᑐᓂᒃ. ᐃᖃᓗᓕᕆᓂᕐᒧᑦ ᖃᐅᔨᓴᕐᓂᖅ
ᐅᒥᐊᕐᔪᐊᒃᑯᑦ ᐱᕚᓪᓕᕈᐅᓂᐊᖅᐳᖅ ᓄᓇᕗᑦ ᒐᕙᒪᒃᑯᖏᑦ ᖃᐅᔨᓴᕈᑎᖃᕐᓗᑎᒃ ᐊᖏᓂᖅᓴᓂᒃ, ᐅᓗᕆᐊᓇᖏᓐᓂᖅᓴᓂᒡᓗ ᑕᕆᐅᒥ ᐊᐅᓚᑦᓯᐊᕈᓐᓇᖅᑐᒥᒃ ᐊᑐᕐᓗᑎᒃ ᓯᒡᔭᒥᓗ ᐃᑎᔪᒥᓗ ᖃᐅᔨᓴᕐᓗᑎᒃ ᐅᑭᐅᖅᑕᖅᑐᒥ ᐅᒥᐊᕐᔪᐊᖃᕐᓇᐅᓕᕌᖓᑦ.

ᑕᒪᓐᓇ ᐱᓕᕆᐊᕆᔭᐅᔪᖅ ᑲᑐᔾᔭᐅᕗᖅ ᑕᒪᐃᓐᓄᑦ ᒐᕙᒪᒃᑯᓐᓄᑦ. ᐃᑲᔪᕐᓂᖃᕐᓂᐊᖅᐳᖅ ᓄᓇᕗᒥ ᓄᑖᒥᒃ ᐅᒥᐊᕐᔪᐊᖅᑖᕐᓂᐊᖅᖢᑎᒃ ᖃᐅᔨᓴᖃᑦᑕᕋᔭᖅᑐᒥᒃ ᐱᕙᓪᓕᐊᑎᑎᒍᓐᓇᖁᓪᓗᒋᑦ ᐃᖃᓗᒃᓯᐅᕐᓂᕐᒧᑦ ᐃᒪᕐᒥ ᐊᕙᑎᒥᐅᑕᐃᑦ ᖃᐅᔨᓴᖅᑕᐅᔪᓐᓇᕐᓗᑎᒡᓗ. ᑮᓇᐅᔭᖅᑕᖃᖅᑎᑎᓂᐊᖅᖢᑎᒃ ᐅᑭᐅᖅᑕᖅᑐᒥ ᖃᐅᔨᓴᕐᓂᕐᒧᑦ ᑮᓇᐅᔭᖃᕐᕕᖕᒥᑦ, ᑮᓇᐅᔭᑦ $85- ᒥᓕᔭᓐᑖᓚᐃᑦ ᐊᑐᖅᑕᐅᓂᐊᖅᐳᑦ ᐱᒋᐊᖅᑕᐅᓗᑎᒃ ᑲᓇᑕᒥ ᑮᓇᐅᔭᓕᐅᖅᐸᓪᓕᐊᖅᑎᑎᓂᕐᒧᑦ ᐸᕐᓇᒃᓯᒪᒍᑎᑎᒍᑦ ᓄᑖᖑᖅᑎᕆᓂᐊᕐᓗᑎᒃ ᐋᖅᑭᒃᓱᐃᓂᐊᕐᓗᑎᒡᓗ ᖃᐅᔨᓴᕈᑎᓂᒃ ᐅᑭᐅᖅᑕᖅᑐᒥ.

ᑮᓇᐅᔭᑦ $320,000 ᑲᓇᑕᐅᑉ ᒐᕙᒪᒃᑯᖏᓐᓂᑦ ᐃᑲᔪᖅᑕᐅᓂᐊᖅᖢᑎᒃ ᐅᓪᓗᒥ ᑐᓴᖅᑎᑎᒍᑎᖃᓚᐅᖅᐳᑦ ᐊᒻᒪᓗᒃᑲᓐᓂᖅ $1,874,560 -ᓂᒃ ᓴᓇᒍᑎᒃᓴᐅᓂᐊᖅᖢᑎᒃ ᐅᒥᐊᒧᑦ ᖃᐅᔨᓴᕈᑎᒧᑦ. ᐊᒻᒪᓗ ᑮᓇᐅᔭᑦ ᑖᒃᑯᐊ ᓴᓂᐊᒍᑦ ᓄᓇᕗᑦ ᒐᕙᒪᒃᑯᖏᑦ ᐃᑲᔪᖅᑕᐅᒍᑎᖃᕐᓂᐊᖅᐳᑦ ᐱᐊᓂᒍᓐᓇᖁᓪᓗᒋᑦ ᓴᓇᓂᕐᒧᑦ ᐅᒥᐊᕐᔪᐊᒥᒃ. ᓄᓇᕗᑦ ᒐᕙᒪᒃᑯᖏᑦ ᓂᐅᕕᓚᐅᕆᓪᓗᑎᒃ  $263,000 ᐊᑭᖃᖅᑐᓂᒃ ᐱᖁᑎᒃᓴᖏᓐᓂᒃ.
 
ᑕᒪᓐᓇ ᓴᓇᔭᐅᓂᐊᖅᑐᖅ ᐱᒻᒪᕆᐅᓂᐊᖅᐳᖅ ᐱᕚᓪᓕᕈᑕᐅᓂᐊᖅᖢᓂᓗ ᑲᓇᑕᐅᑉ ᒐᕙᒪᒃᑯᖏᑦ ᐸᕐᓇᒃᓯᒪᒍᑎᖃᕐᓂᖏᓐᓄᑦ ᒪᑐᐃᖅᓯᕙᓪᓕᐊᓂᕐᒧᑦ ᓄᓇᒥᐅᑕᓂᒃ ᕿᓂᕐᓂᕐᒧᑦ ᑮᓇᐅᔭᓕᐅᕈᑕᐅᓂᐊᖅᖢᓂᓗ ᐅᑭᐅᖅᑕᖅᑐᒥᐅᓄᑦ. ᐅᑭᐅᖅᑕᖅᑐᒥᐅᑦ ᐃᓚᐅᓂᐊᖅᐳᑦ ᐊᐅᓚᑦᓯᖃᑕᐅᓗᑎᒃ ᐅᒥᐊᕐᔪᐊᒥᒃ ᐊᒻᒪᓗ ᐃᓄᐃᑦ ᐃᓕᓐᓂᐊᖅᑎᑕᐅᓂᐊᖅᖢᑎᒃ ᐃᒪᕕᖕᒥ ᐃᖃᓗᒃᓯᐅᕐᓂᕐᒧᑦ ᓄᓇᕗᒥ ᐃᖃᓗᒃᓯᐅᕐᓂᕐᒧᑦ ᐃᓕᓐᓂᐊᖅᑎᑎᔨᖏᑦᑕ ᑲᑎᒪᔨᖏᑦᑎᒍᑦ ᐱᓕᕆᐊᒃᓴᓂᒃ ᐃᓕᓐᓂᐊᖅᑎᑕᐅᓂᐊᖅᖢᑎᒃ ᐃᖃᓗᓕᕆᓂᕐᒧᑦ. ᐊᕙᑎᑦ ᓴᓇᔭᐅᓂᐊᖅᑐᑦ ᐊᑭᑦᑐᕋᐅᑎᖃᑦᑕᐅᑎᑎᑕᐅᓚᐅᖅᐳᑦ ᑖᓐᓇᓗ, ᑮᓇᐅᔭᖅᑖᖅᑎᑕᐅᓯᒪᓪᓗᑎᒡᓗ ᐅᑭᐅᖅᑕᖅᑐᒥ ᖃᐅᔨᓴᕐᓂᕐᒧᑦ ᐊᔾᔨᒌᖏᑦᑐᓂ ᑲᓇᑕᒥ ᐅᑭᐅᖅᑕᖅᑐᒥ.

ᐊᕙᑎᑦ ᐱᓕᕆᐊᕆᔭᐅᓪᓗᑎᒃ ᐃᓚᖏᓪᓗ ᐱᓕᕆᐊᕆᔭᐅᓪᓗᑎᒃ ᐅᑭᐅᖅᑕᖅᑐᒥᐅᓄᑦ. ᑐᓴᒐᒃᓴᖅ ᐅᓇ ᐊᑐᐃᓐᓇᐅᑎᑕᐅᕗᖅ ᖃᕆᑕᐅᔭᒃᑯᑦ ᐅᕙᓂ  www.ainc-inac.gc.ca