ᓄᓇᕗᒥᐅᑦ ᐃᑲᔪᖅᑕᐅᓂᐊᖅᑐᑦ ᑮᓇᐅᔭᑎᒍᑦ ᐅᑭᐅᖅᑕᖅᑐᒥ ᖃᐅᔨᓴᕐᕕᒃᓴᐅᓂᐊᖅᑐᒥᒃ ᓴᓇᓂᕐᒥᒃ

March 31, 2009

ᐃᖃᓗᐃᑦ, ᓄᓇᕗᑦ (ᒫᑦᓯ 31, 2009) - ᒥᓂᔅᑕ ᓴᒃ ᓯᑐᕌᓪ, ᒥᓂᔅᑕ ᐃᓄᓕᕆᔨᑐᖃᒃᑯᓐᓄᑦ ᐊᒻᒪ ᕙᒪᑐᖃᒃᑯᑦ ᐱᓕᕆᐊᖃᖅᖢᑎᒃ ᐃᖅᑭᓕᕐᓚᓂᒃ ᐃᖅᑭᓕᕐᓂᒃ ᐱᔪᓐᓇᐅᑎᖏᑦ ᐊᖅᓵᖅᑕᐅᓯᒪᔪᓂᒡᓗ, ᐅᓪᓗᒥ ᑐᓴᖅᑎᑎᓚᐅᖅᐳᖅ 6 ᑐᓂᔭᐅᒃᑲᓐᓂᓚᐅᕐᒪᑕ ᑮᓇᐅᔭᓂᒃ $85 ᒥᓕᔭᓐᑖᓚᓂᒃ ᓄᑖᖑᖅᑎᑕᐅᒍᑎᒃᓴᖏᓐᓂᒃ ᐅᑭᐅᖅᑕᖅᑐᒥᒃ ᓱᓇᑐᐃᓐᓇᕐᓂᒃ ᖃᐅᔨᓴᕐᕖᑦ. ᑕᒪᕐᒥᒃ 6 ᓄᓇᕗᒦᑦᖢᑎᒃ.

"ᒐᕙᒪᕗᑦ ᖃᐅᔨᒪᖕᒪᑕ ᑕᒪᒃᑯᐊ ᖃᐅᔨᓴᕐᕕᐅᔪᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ ᐱᕙᓪᓕᐊᒍᑕᐅᓂᐊᕐᒪᑕ ᐅᑭᐅᖅᑕᖅᑐᒥ ᐸᕐᓇᒃᓯᒪᒍᑎᑦᑎᓐᓂᒃ ᐱᒋᐊᕈᒪᔭᑦᑎᓐᓂᒃ ᐃᑲᔪᕐᓂᖃᕐᓗᑎᒡᓗ ᑲᓇᑕᒥᐅᑕᓕᒫᓄᑦ," ᐅᖃᓚᐅᖅᐳᖅ ᒥᓂᔅᑕ ᓯᑖᓪ. "ᑕᒪᓐᓇ ᐱᔾᔪᑎᒋᓪᓗᒍ ᑮᓇᐅᔭᓕᐅᖅᐸᓪᓕᐊᓂᕐᒧᑦ ᐸᕐᓇᐅᑎᒋᓯᒪᔭᕗᑦ ᐱᒻᒪᕆᐅᔪᒥᒃ ᐃᑲᔪᕈᑕᐅᓂᐊᖅᐳᖅ ᐱᖁᑎᓕᐅᖅᑕᐅᕙᓪᓕᐊᖁᓪᓗᒋᑦ ᓄᑖᖑᖅᑎᑕᐅᕙᓪᓕᐊᖁᓪᓗᒋᓪᓗ ᖃᐅᔨᓴᕐᕕᖏᑦ ᑕᒪᐃᓐᓂ ᐅᑭᐅᖅᑕᖅᑐᒥ ᒐᕙᒪᒃᑯᒋᔭᐅᔪᑦ ᐱᖓᓱᑦ, ᐊᒻᒪᓗ ᑕᒪᒃᑯᐊ ᐅᑭᐅᖅᑕᖅᑐᒥ ᒐᕙᒪᒃᑯᑦ ᐊᕕᒃᑐᖅᓯᒪᐅᕐᓂᖏᑦ."

"ᖃᐅᔨᓴᕈᑎᑦ ᐃᑲᔪᖅᑕᐅᒃᐸᑕ ᑐᑭᖃᖅᐳᖅ ᐅᑭᐅᖅᑕᖅᑐᒥᐅᑦ ᓄᓇᓕᖕᓂᒥᐅᑦ ᐃᑲᔪᖅᑕᐅᖁᓪᓗᒋᑦ," ᐅᖃᓚᐅᖅᐳᖅ ᒥᓂᔅᑕ ᓕᐅᓇ ᐊᒡᓘᒃᑲᖅ, ᒥᓂᔅᑕ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᑲᑎᒪᔨᐅᖃᑕᐅᓪᓗᓂᓗ ᑭᒡᒐᖅᑐᐃᓪᓗᓂ ᓄᓇᕗᒥᒃ. "ᑕᒪᒃᑯᐊ ᑮᓇᐅᔭᖃᐅᑎᑦ ᐊᑲᐅᓯᕚᓪᓕᖅᑎᑎᒍᑕᐅᓂᐊᖅᐳᑦ ᐅᑭᐅᖅᑕᖅᑐᒥᐅᑦ ᐃᓅᓯᖏᓐᓄᑦ ᐊᒥᓱᓄᑦ ᐅᑭᐅᓄᑦ ᑕᒪᒃᑯᐊ ᖃᐅᔨᓴᕈᑎᑦ ᓱᓇᑐᐃᓐᓇᕐᓂᒃ, ᐱᓕᕆᒍᑎᓪᓗ, ᐊᒻᒪᓗ ᖃᐅᔨᒪᔭᐅᔪᑦ ᓄᓇᖃᖅᑳᖅᓯᒪᔪᓄᑦ ᐊᑐᖅᑕᐅᔪᓐᓇᖃᑕᐅᖁᓪᓗᒋᑦ ᐃᓅᓯᖏᓐᓄᑦ ᑮᓇᐅᔭᓕᐅᕈᑎᒋᕙᓪᓕᐊᓂᐊᖅᑕᖏᓐᓄᓪᓗ."

ᐊᒻᒪ ᑕᒡᕙᓂ 6 ᓄᓇᕗᒥ ᖃᐅᔨᓴᕐᕖᑦ ᐊᑲᐅᓯᕚᓪᓕᕈᑎᖃᕐᓂᐊᖅᐳᑦ ᑐᓴᖅᑎᑎᓚᐅᖅᑎᓪᓗᒋᑦ ᔭᓗᓇᐃᒥ ᐃᒃᐸᒃᓴᖅ ᒥᓂᔅᑕ ᓯᑖᓪ ᑐᓴᖅᑎᑎᒍᑎᖃᓚᐅᖅᑎᓪᓗᒍ ᑕᒪᒃᑯᐊ 14-ᖑᓂᐊᖅᑐᑦ ᓴᓇᔭᐅᕕᐅᓂᐊᖅᑐᑦ.

ᑕᒪᕐᒥᒃ, ᐊᕙᑎᑦ ᐱᓕᕆᕕᐅᔪᑦ ᖃᐅᔨᓴᕐᕕᐅᓪᓗᑎᒃ ᑲᓇᑕᒥ ᐅᑭᐅᖅᑕᖅᑐᒥ ᓂᕈᐊᖅᑕᐅᓚᐅᕐᒪᑕ. ᓂᕈᐊᖅᑕᐅᓚᐅᖅᖢᑎᒃ    ᑐᒃᓯᕋᐅᑎᖃᖅᑎᑎᓚᐅᖅᖢᑎᒃ ᐱᓕᕆᒍᒪᔪᓂᒃ, ᐱᒋᐊᖅᑎᑎᓚᐅᖅᖢᑎᒃ ᕕᕗᐊᕆ 20, 2009-ᒥ ᐊᒻᒪᓗ ᖃᐅᔨᓴᖅᑕᐅᓕᓚᐅᖅᖢᑎᒃ ᕿᒥᕐᕈᔭᐅᓪᓗᑎᒃ.

ᑕᒪᒃᑯᐊ ᑮᓇᐅᔭᑎᒍᑦ ᐊᑭᓕᖅᑕᐅᓂᐊᖅᑐᑦ ᐱᓕᕆᐊᖃᕐᓂᐊᖅᐳᑦ ᓴᓐᖏᔪᒃᑯᑦ ᐱᓕᕆᕕᑕᖃᕈᓐᓇᖁᓪᓗᒍ ᖃᐅᔨᓴᕐᕕᒃᓴᒥᒃ ᐃᑲᔪᖅᑕᐅᖁᓪᓗᒋᓪᓗ ᓄᑖᒃᑯᑦ ᑲᓇᑕᐅᑉ ᖁᑦᓯᒃᑐᕐᒥᐅᑕᖏᑦ ᖃᐅᔨᓴᕐᕕᖃᖁᓪᓗᒋᑦ, ᒫᓐᓇᓗ ᐊᑭᖃᖅᑎᒋᔪᒥᒃ $2-ᒥᓕᔭᓐᑖᓚᓂᒃ ᖃᐅᔨᓴᕐᕕᖕᓂᒃ  ᖃᐅᔨᓴᕈᑎᖃᕐᓂᐊᕐᒪᑕ ᓯᕗᓪᓕᖅᐹᒥ ᖃᐅᔨᓴᕆᐊᓚᐅᖏᓐᓂᕐᒥᖕᓂ.

ᐅᓪᓗᒥ ᑐᓴᖅᑎᑕᐅᒍᑕᐅᔪᖅ  ᐃᓚᒋᔭᐅᖃᑕᐅᕗᖅ ᑲᓇᑕᐅᑉ ᒐᕙᒪᒃᑯᖏᑦᑕ ᐱᓕᕆᐊᕆᔭᖏᓐᓄᑦ ᐅᑭᐅᖅᑕᖅᑐᒥ ᐸᕐᓇᒃᓯᒪᒍᑎᖃᕐᓂᕐᒥᒃ ᐅᑭᐅᖅᑕᖅᑐᒥᐅᑦ ᐸᐸᑕᔪᓐᓇᖁᓪᓗᒋᑦ ᑲᓇᑕᒥᐅᓄᑦ, ᓴᐳᔾᔨᓗᑎᒃ ᐅᑭᐅᖅᑕᖅᑐᒥ ᐃᓕᖁᓯᑐᖃᓂᒃ, ᐃᓅᓯᓕᕆᓂᕐᒧᑦ ᑮᓇᐅᔭᓕᐅᕈᑎᖃᕐᓂᕐᒧᓪᓗ ᐱᕙᓪᓕᐊᒍᑕᐅᓗᑎᒃ, ᐊᑲᐅᓯᕚᓪᓕᖅᑎᑎᓂᕐᒥᒃ ᐱᕙᓪᓕᐊᑎᑎᓂᕐᒥᒡᓗ ᐱᓕᕆᐊᕆᔭᐅᕙᓪᓕᐊᓕᕈᓐᓇᕐᓂᖓᓄᑦ ᐅᑭᐅᖅᑕᖅᑐᒥ ᒐᕙᒪᒋᔭᐅᔪᓄᑦ.

ᑲᓇᑕᐅᑉ ᒐᕙᒪᒃᑯᖏᑦ ᐱᓕᕆᕗᑦ ᐅᑭᐅᖅᑕᖅᑐᒥ ᐸᕐᓇᐅᑎᒋᓯᒪᔭᖏᑦ ᐊᑐᖅᑕᐅᓪᓗᑎᒃ.
ᐅᑯᐊ ᐃᒪᓐᓇ ᐱᓕᕆᐊᕆᔭᐅᓂᐊᖅᖢᑎᒃ:

    * $156 ᒥᓕᔭᓐᑖᓚᐃᑦ ᐊᑐᖅᑕᐅᓂᐊᖅᖢᑎᒃ ᐃᑲᔪᖅᑕᐅᓯᒪᒋᐊᖃᕐᓂᖓᓄᑦ ᑲᓇᑕᒥᐅᑦ ᐃᓚᐅᑎᑕᐅᓂᖏᓐᓄᑦ ᓯᓚᕐᔪᐊᒥ ᐅᑭᐅᖅᑕᖅᑑᑉ ᐊᕐᕌᒍᖓᓂ;
    * $200 ᒥᓕᔭᓐᑖᓚᐃᑦ ᐊᕐᕌᒍᓂ ᒪᕐᕉᖕᓂ ᐊᑐᖅᑕᐅᓂᐊᖅᑐᑦ ᓄᑖᖑᖅᑎᕆᒍᑕᐅᓗᑎᒃ ᓴᓇᒍᑕᐅᓗᑎᒡᓗ ᓄᑖᑦ ᐃᒡᓗᕐᔪᐊᑦ ᐅᑭᐅᖅᑕᖅᑐᒥ;
    * $50 ᒥᓕᔭᓐᑖᓚᐃᑦ ᐊᕐᕌᒍᓂ ᑕᓪᓕᒪᓂ ᐱᒋᐊᖅᑎᑎᓂᐊᖅᖢᑎᒃ ᐅᑭᐅᖅᑕᖅᑐᒥ ᐱᕙᓪᓕᐊᔪᓕᕆᓂᕐᒧᑦ ᐱᓕᕆᕕᒃᑖᕐᓂᐊᖅᖢᑎᒃ;
    * $90 ᒥᓕᔭᓐᑖᓚᐃᑦ ᐊᕐᕌᒍᑦ ᑕᓪᓕᒪᑦ ᐅᖓᑖᓄᑦ ᐊᑐᖅᑐᑦᓴᐃᑦ ᓄᑖᖑᖅᑎᑕᐅᓂᐊᕐᓂᖏᓐᓄᑦ ᐅᑭᐅᖅᑕᖅᑐᒥ ᑮᓇᐅᔭᓕᐅᕈᑎᒃᓴᑦ ᐱᓕᕆᐊᕆᔭᐅᓂᖏᓐᓄᑦ; ᐊᒻᒪ
    * $37.6 ᒥᓕᔭᓐᑖᓚᐃᑦ ᐃᑲᔪᕈᑕᐅᓂᐊᕐᓗᑎᒃ ᒪᑲᓐᓯᒥ ᐅᐊᓕᓂᕐᒥ ᒑᓯᒃᓴᖅᓯᐅᕈᑎᒃᓴᓄᑦ.