ᒥᓂᔅᑕ ᐊᒡᓘᒃᑲᖅ ᓇᐃᓈᕆᐊᖅᑐᒍ ᓇᓗᓇᐃᖅᓯᕗᖅ ᐱᓇᓱᐊᒐᒥᒃ ᑲᓲᑎᑦᑎᓂᖃᖅᑐᒥᒃ ᑲᓇᑕᒥᐅᓂᑦ ᐃᓅᓱᒃᑐᓂᑦ ᒪᑯᓂᙵ ᑲᓇᑕᒥ ᐋᓐᓂᐊᖅᑕᐃᓕᒪᔪᓕᕆᓂᕐᒧ�

February 26, 2009

ᐃᖃᓗᐃᑦ (ᕕᕝᕗᐊᕆ 6, 2009) – ᒥᓂᔅᑕ ᓕᐅᓇ ᐊᒡᓘᒃᑲᖅ, ᒥᓂᔅᑕᕆᔭᖅ ᐋᓐᓂᐊᖅᑕᐃᓕᒪᔪᓕᕆᓂᕐᒧᑦ ᐊᒻᒪ ᐱᖁᔭᓕᐅᕐᕕᔾᔪᐊᒥ ᒪᓕᒐᓕᐅᖅᑎᒋᔭᖅ ᓄᓇᕘᒧᑦ, ᐅᖃᐅᓯᖃᖅᑲᐅᕗᖅ ᑭᓪᓕᓯᓂᐊᕐᓂᐅᑉ ᐃᓕᓐᓂᐊᖅᑕᐅᓂᖓᑕ ᐊᑑᑎᖃᕐᓂᖓᓂᒃ ᐊᒻᒪ ᐊᓕᐊᓇᐃᑦᑑᓂᖓᓂᒃ ᐃᓕᓐᓂᐊᕈᑎᖃᖅᑎᑕᐅᑎᓪᓗᒋᑦ ᐃᓕᓐᓂᐊᖅᑏᑦ ᐊᖅᓴᕐᓃᑦ ᕿᑎᐊᓂ ᐃᓕᓐᓂᐊᕕᒻᒥ ᐃᖃᓗᓐᓂ. ᒥᓂᔅᑕ ᐊᒡᓘᒃᑲᖅ ᐃᓚᒋᔭᐅᓚᐅᖅᐳᖅ ᓘᑦᑖᖅ ᑯᐊᓃᓕᐊ ᐊᐃᓚᒻᒧᑦ, ᑲᓇᑕᒥ ᓯᕗᓪᓕᖅᐹᖅ ᓄᓇᖃᖅᑳᖅᑐᒥᓂᕐᒧᑦ ᓂᐊᖁᓕᕆᔨᙳᖅᓯᒪᔪᖅ ᐊᒻᒪ ᑲᑎᒪᔨᐅᖃᑕᐅᔪᖅ ᐊᐅᓚᑦᑎᔨᓂᑦ ᑲᑎᒪᔨᓂᑦ ᑲᓇᑕᒥ ᐋᓐᓂᐊᖅᑐᓕᕆᓂᕐᒧᑦ ᑭᓪᓕᓯᓂᐊᕐᕕᓐᓂ.

“ᑲᓇᑕᐅᑉ ᓯᕗᓂᒃᓴᖓ ᑐᙵᕕᖃᕆᐊᖃᕐᓂᐊᖅᐳᖅ ᖃᐅᔨᒪᓂᕐᒥ ᑐᕌᖓᔪᒥᒃ. ᑭᓪᓕᓯᓂᐊᕐᓂᕐᒥᒃ ᐃᓕᓐᓂᐊᕈᕕᑦ, ᐃᓱᒪᑖᕆᕙᓪᓕᐊᔭᑎᑦ ᐃᓚᔭᐅᓂᐊᖅᐳᑦ ᐃᖅᑲᓇᐃᔮᒃᓴᓂᑦ,” ᐅᖃᓚᐅᖅᐳᖅ ᒥᓂᔅᑕ ᐊᒡᓘᒃᑲᖅ. “ᐃᑲᔪᕈᒪᕗᒍᑦ ᑲᑕᓇᒥᐅᑦ ᐃᓅᓱᒃᑐᖁᑎᖏᓐᓂᑦ ᐋᓐᓂᐊᖅᑐᓕᕆᓂᕐᒧᑦ ᖃᐅᔨᓴᖅᑎᐅᒍᒪᖃᑦᑕᖅᓯᒪᔪᓂᑦ. ᑕᐃᒪᓐᓇᐃᓐᓂᖓᓄᑦ ᐊᖏᖅᓯᒪᕗᒍᑦ ᑮᓇᐅᔭᒃᑲᓐᓂᕐᓂᑦ ᐃᓚᓯᔪᒪᓪᓗᑕ ᐃᑲᔫᑕᐅᓂᐊᖅᑐᓂᑦ ᐃᓕᓐᓂᐊᖅᑎᓄᑦ ᖁᑦᑎᓂᖅᓴᒥᒃ ᐃᓕᓐᓂᐊᕈᑎᑖᕋᓱᒃᑎᓪᓗᒋᑦ ᐋᓐᓂᐊᖅᑐᓕᕆᓂᕐᒧᑦ ᑭᓪᓕᓯᓂᐊᕈᑎᓂᑦ ᐃᓕᓐᓂᐊᕐᕕᔾᔪᐊᑦᑎᓐᓂ.” ᒐᕙᒪᑐᖃᒃᑯᑦ ᑮᓇᐅᔭᖅᑐᕈᑎᒃᓴᕆᓕᓵᖅᑕᖓ ᐃᓚᓯᒃᑲᓐᓂᕈᑕᐅᓂᐊᖅᐳᖅ ᑲᓇᑕᒥ ᐋᓐᓂᐊᖅᑐᓕᕆᓂᕐᒧᑦ ᑭᓪᓕᓯᓂᐊᕐᕕᒃᑯᑦ $35 ᒥᓕᐊᓂᑦ ᑲᓇᑕᒥ ᖁᕝᕙᓯᓂᖅᓴᒥᒃ ᐃᓕᓐᓂᐊᕈᓯᖓᓂᒃ.

“ᖃᐅᔨᕙᓪᓕᐊᓯᒪᕗᒍᑦ ᐊᕐᕌᒍᓂᑦ ᑭᓪᓕᓯᓂᐊᖅᑎᑦᑎᐊᕙᖃᕐᓂᐊᕈᑦᑕ ᓄᑕᖅᑲᕗᑦ ᖃᐅᔨᑎᒋᐊᖃᕐᓂᐊᖅᑕᕗᑦ ᖁᕕᐊᒋᔭᖃᕐᓂᕐᒥᒃ ᑭᓪᓕᓯᓂᐊᕐᓂᕐᒥᒃ ᒥᑭᑦᑑᑎᓪᓗᒋᑦ ᓱᓕ,” ᐅᖃᓚᐅᖅᐳᖅ ᓘᑦᑖᖅ ᐅᐃᒪᓐ. “ᑲᓇᑕᒥ ᐋᓐᓂᐊᖅᑐᓕᕆᓂᕐᒧᑦ ᑭᓪᓕᓯᓂᐊᕐᕕᒃᑯᑦ Synapse ᐱᓇᓱᐊᒐᖓ ᐊᑐᐃᓐᓇᕈᐃᔪᓐᓇᖅᐳᖅ ᓄᑕᖅᑲᓂᑦ ᑭᓪᓕᓯᓂᐊᕐᓂᕐᒥᒃ ᑲᓇᑕᓕᒫᒥ - ᐱᓗᐊᖅᑐᒥ ᑕᐃᒃᑯᐊ ᐃᓄᒋᐊᑭᑦᑐᓂ ᐅᖓᓯᐸᓗᒃᑐᒥᓪᓘᓐᓃ ᓄᓇᖃᖅᑐᑦ ᒫᓐᓇᒧᑦ ᐱᑕᖃᙱᓗᐊᖅᓯᒪᑎᓪᓗᒍ.”

ᐃᓕᓐᓂᐊᕈᑕᐅᓚᐅᖅᑐᖅ ᐃᑲᔪᖅᑐᖅᑕᐅᓚᐅᖅᐳᖅ ᑲᓇᑕᒥ ᐋᓐᓂᐊᖅᑐᓕᕆᓂᕐᒧᑦ ᑭᓪᓕᓯᓂᐊᕐᕕᒃᑯᑦ ᐃᓅᓱᒃᑐᓄᑦ ᐃᓚᐅᑎᑦᑎᒍᑎᖓᓄᑦ ᑕᐃᔭᐅᔪᖅ Synapse. ᑕᒪᓐᓇ ᑲᑎᕝᕕᐅᕗᖅ ᑭᓪᓕᓯᓂᐊᕐᓂᕐᒧᑦ ᑐᑦᑕᕐᕕᒻᒥᒃ - synapse - ᑲᓇᑕᒥ ᐋᓐᓂᐊᖅᑐᓕᕆᓂᕐᒧᑦ ᑭᓪᓕᓯᓂᐊᕐᕕᒃᑯᓐᓄᑦ ᐊᑭᓕᖅᓱᖅᑕᐅᔪᑦ ᑭᓪᓕᓯᓂᐊᖅᑏᑦ, ᖁᑦᑎᓂᖅᓴᒥ ᐃᓕᓐᓂᐊᖅᑏᑦ ᐊᒻᒪᓗ ᖁᑦᑎᓂᖅᓴᒥ ᐱᔭᕇᖅᓯᓯᒪᔪᐃᑦ ᐃᓕᓴᐃᖁᓪᓗᒋᑦ ᑲᓇᑕᐅᑉ ᐃᓅᓱᒃᑐᖁᑎᖏᓐᓂᑦ ᐊᑑᑎᖃᕐᓂᕆᔭᖏᓐᓂᑦ ᑭᓯᓕᓯᓂᐊᕐᓂᕐᒧᑦ ᐊᒻᒪ ᐋᓐᓂᐊᖅᑐᓕᕆᓂᕐᒧᑦ ᖃᐅᔨᓴᕐᓂᐅᔪᒥᒃ. ᑕᒪᑐᒨᓇ ᑖᒃᑯᐊ ᑲᓇᑕᒥ ᐋᓐᓂᐊᖅᑐᓕᕆᓂᕐᒧᑦ ᑭᓪᓕᓯᓂᐊᕐᕕᒃᑯᑦ ᐱᖃᑎᒋᔭᖏᑦ ᑮᓇᐅᔭᓕᐅᖅᑎᐅᓐᖏᑦᑐᑦ ᑎᒥᐅᔪᑦ ᐃᓕᓐᓂᐊᕐᓂᖅᑕᖃᖅᑎᑦᑎᕙᑉᐳᑦ ᐊᒻᒪ ᐱᓕᒻᒪᖅᓴᐃᑎᑦᑎᕙᑉᐳᑦ ᐃᓕᓐᓂᐊᖅᑎᓂᑦ ᑲᓇᑕᓕᒫᒥ. Synapse-ᑯᑦ ᐃᓕᓴᐃᔪᐃᑦ ᐃᓕᓐᓂᐊᖅᑎᑦᑎᕙᑉᐳᑦ ᑭᓪᓕᓯᓂᐊᕐᕕᓐᓂ ᐳᓚᕋᖅᑎᐸᒃᑐᒋᑦ, ᖃᕆᓴᐅᔭᒃᑯᑦ ᐃᓕᓐᓂᐊᖅᑎᑦᑐᒋᑦ, ᐅᓂᒃᑳᕐᕕᐅᓪᓗᑎᑦ ᐃᓕᓐᓂᐊᕕᒻᒥ ᐅᕝᕙᓘᓐᓃᑦ ᓂᕈᐊᖅᑎᐅᓪᓗᑎᑦ ᑭᓪᓕᓯᓂᐊᕐᓂᕐᒧᑦ ᓵᓚᒃᓴᖅᑎᑦᑎᓂᐅᔪᓂᑦ. ᐱᖃᑎᒋᔭᐅᓪᓗᑎᑦ  Actua-ᑯᑦ, ᑲᓇᑕᒥ ᐋᓐᓂᐊᖅᑐᓕᕆᓂᕐᒧᑦ ᑭᓪᓕᓯᓂᐊᕐᕕᒃᑯᑦ ᑎᑭᐅᑎᕙᑉᐳᑦ ᓄᓇᖃᖅᑳᖅᑐᒥᓃᑦ ᐃᓅᓱᒃᑐᖁᑎᖏᓐᓂᑦ ᐅᑭᐅᖅᑕᖅᑐᒥ ᓄᓇᓕᓐᓂᑦ ᓄᓇᕘᒥ, ᔫᑳᓂᒥ ᐊᒻᒪ ᓄᓇᑦᑎᐊᕐᒥ. 2008-ᒥ 4,000 ᐅᖓᑖᓂ ᓄᑕᖅᑲᐃᑦ ᐃᓅᓱᒃᑐᐃᓪᓗ ᐱᖃᑕᐅᓚᐅᖅᐳᑦ ᐱᓕᒻᒪᖅᓴᖃᑕᐅᓪᓗᑎᑦ ᐋᓐᓂᐊᖅᑐᓕᕆᓂᕐᒧᑦ ᑭᓪᓕᓯᓂᐊᕐᓂᕐᒥ ᐃᓕᓐᓂᐊᕐᓂᐅᔪᑎᑦ ᐅᑭᐅᖅᑕᖅᑐᒥ ᓄᓇᓕᓐᓂ 30 ᐅᖓᑖᓂ.


ᑲᓇᑕᒥ ᐋᓐᓂᐊᖅᑐᓕᕆᓂᕐᒧᑦ ᑭᓪᓕᓯᓂᐊᕐᕕᒃᑯᑦ ᑲᓇᑕᐅᑉ ᒐᕙᒪᒃᑯᖏᓐᓄᑦ ᑎᒥᖁᑎᒋᔭᐅᕗᖅ ᐋᓐᓂᐊᖅᑐᓕᕆᓂᕐᒧᑦ ᑭᓪᓕᓯᓂᐊᕐᓂᕐᒥ. ᑖᒃᑯᐊ ᐱᓕᕆᐊᒃᓴᖃᖅᐳᑦ ᓄᑖᓂᑦ ᑭᓪᓕᓯᓂᐊᕐᓂᒃᑯᑦ ᖃᐅᔨᒪᓂᕐᒥ ᓄᐃᔪᖃᖁᓪᓗᒍ ᐊᒻᒪᓗ ᐱᕙᓪᓕᐊᓂᖃᖁᓪᓗᒍ ᐋᓐᓂᐊᖅᑕᐃᓕᒪᓂᖅ ᐱᐅᓯᒋᐊᖅᑕᐅᓂᒃᓴᖓᓄᑦ ᐊᒻᒪᓗ ᐋᓐᓂᐊᖅᑐᓕᕆᓂᕐᒧᑦ ᐱᔨᑦᑎᕋᐅᑏᑦ ᐱᐅᓯᑎᒋᐊᖅᑕᐅᖁᓪᓗᒋᑦ, ᐊᒻᒪᓗ ᓴᓐᖏᑦᑎᒋᐊᖅᑕᐅᖁᓪᓗᒍ ᑲᓇᑕᒥ ᐋᓐᓂᐊᖅᑕᐃᓕᒪᔪᓕᕆᔾᔪᑎᑦ. ᑖᒃᑯᐊ ᐃᓚᐅᕗᑦ 13-ᖑᔪᑦ ᑭᓪᓕᓯᓂᐊᕐᕖᑦ ᑲᓇᑕᒥ ᐋᓐᓂᐊᖅᑐᓕᕆᓂᕐᒧᑦ ᑭᓪᓕᓯᓂᐊᕐᕕᖏᓐᓄᑦ ᓯᕗᓕᐅᕆᕙᑉᐳᑦ ᐃᑲᔪᖅᐸᒃᑐᑎᓪᓗ ᐋᓐᓂᐊᖅᑐᓕᕆᓂᕐᒧᑦ ᖃᐅᔨᓴᖅᑎᑦᓂ ᐱᓕᒻᒪᓴᖅᑕᐅᔪᓂᓪᓗ 12,000-ᑲ¨ᓵᓂᑦ ᑲᓇᑕᓕᒫᒥ.