ᔭᓐᓄᐊᕆ 29, 2009

ᐋᑐᐊ – ᒥᓂᔅᑕ ᓕᐅᓇ ᐊᒡᓘᒃᑲᖅ, ᐱᖁᔭᖅᔪᐊᓕᕆᕕᒻᒥ ᒪᓕᒐᓕᐅᖅᑎ ᓄᓇᕘᒧᑦ, ᒥᓂᔅᑕᕆᔭᖅ ᐋᓐᐊᖃᖅᑕᐃᓕᒪᔪᓕᕆᔨᒃᑯᓐᓂ ᐊᒻᒪ ᒥᓂᔅᑕ ᑲᒪᒋᔭᓕᒃ ᐅᑭᐅᖅᑕᖅᑐᒧᑦ, ᖁᕕᐊᓱᑉᐳᖅ ᑮᓇᐅᔭᓕᕆᓂᕐᒧᑦ ᐱᕚᓪᓕᕈᑎᒃᓴᓕᐊᓂᑦ ᓴᖅᑭᑕᐅᔪᖅ ᐅᓪᓗᒥ ᐱᖁᔭᓕᐅᕐᕕᔾᔪᐊᒥ.

“ᑕᒪᓐᓇ ᑮᓇᐅᔭᖅᑐᕈᑎᒃᓴᖅ ᐱᐅᓛᖑᕗᖅ ᑕᑯᓯᒪᕙᕋ ᓄᓇᕘᒧᑦ,” ᐅᖃᓚᐅᖅᐳᖅ ᒥᓂᔅᑕ ᐊᒡᓘᒃᑲᖅ. “ᐊᖏᖅᓯᒪᒍᑎᑕᖃᖅᐳᖅ ᐃᒡᓗᒃᓴᓄᑦ, ᐃᖅᑲᓇᐃᔮᒃᓴᓄᑦ ᐊᒻᒪᓗ ᓄᑖᓂᑦ ᐊᖏᔫᑎᒃᓴᓄᑦ. ᑖᒃᑯᐊᓕᒫᑦ ᐃᑲᔫᑎᖃᕐᓂᐊᖅᐳᑦ ᐅᑭᐅᖅᑕᖅᑐᒥᐅᑦ ᐃᓅᓯᖏᓐᓄᑦ.”

ᓄᓇᕗᑦ ᑐᓐᓂᕆᕕᐅᖏᓐᓇᕐᓂᐊᖅᐳᖅ ᐊᖏᔫᑎᓂᑦ ᑮᓇᐅᔭᓂᑦ ᒐᕙᒪᑐᖃᒃᑯᓐᓂᑦ 2009-10ᒥ ᑲᑎᓪᓗᒋᑦ $1.1 ᐱᓕᐊᓂᑦ. ᑖᒃᑯᐊ ᐃᓚᒋᐊᕈᑎᖃᖅᐳᑦ $125 ᒥᓕᐊᓂᑦ ᐊᕐᕌᓂᓂᓴᐅᓚᐅᖅᑐᓂᑦ. ᑕᒪᓐᓇ ᐅᖓᓯᒃᑐᒧᑦ ᐃᑲᔫᑎᑦ ᓇᓗᓇᕈᓐᓃᖅᑎᑦᑎᓂᐊᖅᐳᖅ ᓄᓇᕘᑦ ᐊᑐᖅᑐᖃᖁᓪᓗᒍ ᐃᓄᓕᒫᓄᑦ ᐱᔨᑦᑎᕋᐅᑎᖏᓐᓄᑦ.

“ᑮᓇᐅᔭᖅᑐᕈᑎᒃᓴᐃᑦ ᓴᖅᑭᓯᒪᕗᑦ ᐅᖃᖃᑎᖃᕇᓚᐅᖅᑐᑎᑦ,” ᐅᖃᓚᐅᖅᐳᖅ ᒥᓂᔅᑕ ᐊᒡᓘᒃᑲᖅ. “ᐳᕋᐃᒻ ᒥᓂᔅᑕᕗᑦ ᐊᓯᖏᓪᓗ ᒥᓂᔅᑕᐅᖃᑎᒃᑲ ᐃᖏᕐᕋᔭᖃᑦᑕᓚᐅᖅᐳᑦ ᑲᓇᑕᓕᒫᒥ ᑐᓵᒋᐊᖅᑐᖅᑐᑎᑦ ᕼᐊᓐᓇᓚᖏᓐᓂ ᑎᒥᐅᔪᓂᑦ ᐊᒻᒪᓗ ᑕᐅᓴᙱᓐᓂᑦ ᑲᓇᑕᒥᐅᓂᑦ. ᐅᕙᖓᓕ ᑲᑎᖃᑎᖃᓚᐅᖅᐳᖓ ᑎᐅᕆᑐᐊᕆᐊᓂᑦ ᐋᓐᓂᐊᖃᖅᑕᐃᓕᒪᔪᓕᕆᓂᕐᒧᑦ ᒥᓂᔅᑕᐅᔪᓂᖅ ᐊᒻᒪᓗ ᐅᑭᐅᖅᑕᖅᑐᒥ ᓯᕗᓕᖅᑎᓂᑦ, ᐊᒻᒪᓗ ᑲᔪᓯᓂᖃᓚᐅᖅᑐᖓ ᐅᖃᖃᑎᒋᓪᓗᒍ ᑮᓇᐅᔭᓕᕆᓂᕐᒧᑦ ᒥᓂᔅᑕ. ᖁᕕᐊᓱᒃᐳᖓ ᑮᓇᐅᔭᓂᑦ ᐱᕚᓪᓕᕈᑎᒃᓴᓕᐊᓂᑦ ᑐᑭᓕᐊᕐᒪᑦ ᑐᓴᖅᓯᒪᔭᕐᓂ ᐅᑭᐅᖅᑕᖅᑐᒥᒃ.”

ᒐᕙᒪᑐᖃᒃᑯᑦ ᑮᓇᐅᔭᖅᑐᕈᑎᒃᓴᖓᑦ ᓄᒃᑭᒃᓴᕈᑕᐅᓂᐊᖅᐳᖅ ᑮᓇᐅᔭᓕᐅᕈᑕᐅᓇᓱᒃᑐᓂᑦ ᐅᑭᐅᖅᑕᖅᑐᒥ $50 ᒥᓕᐊᓂᑦ ᐊᑐᖅᑕᐅᓂᐊᖅᑐᓂᑦ ᐅᑭᐅᓂᑦ ᑕᓪᓕᒪᓂᑦ ᓄᑖᓂᑦ ᐊᕕᑦᑐᖅᓯᒪᔪᓂ ᐱᕈᖅᐸᓪᓕᐊᔪᓕᕆᓂᕐᒧᑦ ᑎᒥᐅᓂᐊᖅᑐᒧᑦ. ᓱᓕ $90 ᒥᓕᐊᓐ ᐊᑐᖅᑕᐅᓂᐊᕆᕗᑦ ᐅᑭᐅᓂᑦ ᑕᓪᓕᒪᓄᑦᑕᖅ ᐋᖅᑮᓯᒪᒍᑎᓄᑦ ᑮᓇᐅᔭᓕᐅᕈᑕᐅᒋᐊᖅᑐᓄᑦ ᐅᑭᐅᖅᑕᖅᑐᒥ ᐱᕈᖅᐸᓪᓕᐊᔪᓕᕆᓂᕐᒧᑦ. ᑮᓇᐅᔭᖅᑐᕈᑎᒃᓴᐃᑦ $100 ᒥᓕᐊᓐᑲᓐᓃᑦ ᓴᓂᕐᕙᖅᑕᐅᒋᕗᑦ ᐃᓄᓕᒫᓄᑦ ᐃᒡᓗᒃᓴᓄᑦ ᓄᓇᕘᒥ.

ᖄᒃᑲᓐᓂᐊᒍᓪᓗ ᑲᓇᑕᐅᑉ ᒐᕙᒪᖓ ᐃᓗᐊᓯᒋᐊᕆᓂᐊᕆᕗᑦ ᐅᑭᐅᖅᑕᖅᑐᒥ ᑭᓪᓕᓯᓂᐊᕐᕕᓐᓂ ᐊᒡᒍᑕᐅᖅᑕᐅᓯᒪᓗᑎᑦ ᐊᑭᑦᑐᕋᐅᑎᓂᒃᑯᑦ. ᓱᒃᑲᓕᒋᐊᖅᑕᐅᓂᐊᕈᕗᑦ ᐸᓐᓂᖅᑑᒥ ᑐᓚᑦᑕᕐᕕᒻᒥᒃ ᓴᓇᔭᐅᖁᓪᓗᒍ ᓄᓇᕘᒥ. ᒐᕙᒪᑦᑕᓗ ᑲᓇᑕᒥ ᐃᒡᓗᓕᐅᕐᓂᕐᒧᑦ ᑮᓇᐅᔭᖃᕐᕕᒃ ᑐᕌᖓᔪᖁᑎᖃᖅᐸᑉᐳᑦ ᐃᑲᔫᑎᓂᑦ ᓄᓇᓕᓐᓄᑦ ᒥᑭᑦᑐᓄᑦ ᐊᖏᔫᑎᑕᖃᕆᐊᖃᖅᑐᓂᑦ ᐊᔾᔨᐅᙱᑦᑐᓂᑦ.

ᑲᓐᓲᕙᑎᕝ ᒐᕙᒪᒃᑯᑦ ᐱᒋᐊᖅᑎᑦᑎᓚᐅᙱᓚᑦ ᑕᒪᑐᒥᙵ ᑮᓇᐅᔭᓕᐅᕐᓂᕐᒧᑦ ᑲᑕᒃᓯᒪᓂᐅᔪᒥᒃ. ᐅᓐᓃᖑᒐᓗᐊᖅ ᖃᓄᖅᑑᕋᓱᒃᐳᑦ ᒪᑭᒪᐅᑏᑦ ᓴᐳᒻᒥᔭᐅᒋᐊᖁᓪᓗᒋᑦ. ᑕᒪᓐᓇ ᑮᓇᐅᔭᓕᕆᓂᕐᒧᑦ ᐱᕚᓪᓕᕈᑎᒃᓴᓕᐊᑦ ᐃᑲᔪᕈᑕᐅᔪᒫᓐᓂᐊᖅᐳᑦ ᐃᓚᒌᓂᑦ ᒪᑯᑎᒎᓇ ᑖᒃᓰᔭᐃᒍᑕᐅᕙᒃᑐᑦ ᒥᑭᓪᓕᑎᖅᑕᐅᓗᑎᑦ ᐊᒻᒪᓗ ᓄᑖᓂᑦ ᐃᖅᑲᓇᐃᔮᓂᑦ ᑲᓇᑕᒥᐅᓕᒫᒃ ᐊᒃᓱᕈᕐᓇᖅᑐᒃᑰᕈᓐᓇᖁᓪᓗᒋᑦ ᑮᓇᐅᔭᓕᐅᕐᓂᑎᒍᑦ.