ᐋᑐᐊ, ᐋᓐᑎᐅᕆᔪ (ᒪᐃ 11, 2009) –ᓄᑖᕈᕆᐊᕈᑎᑦ ᐊᒻᒪ ᓱᕋᒃᓯᒪᔪᑦ ᓴᓇᔭᐅᓗᑎᒃ ᐱᓐᖑᐊᕐᕕᑦ ᓄᓇᓕᖕᓂ ᑲᓇᑕᐅᑉ ᐅᑭᐅᖅᑕᖅᑐᖓᓂ ᑕᒪᒃᑯᐊᓗ ᐱᔭᕐᓂᕐᓂᖅᓴᐅᑎᑕᐅᓂᐊᓕᖅᐳᑦ ᑲᓇᑕᐅᑉ ᒐᕙᒪᒃᑯᖏᓐᓄᑦ ᐊᖅᑯᑎᒋᓗᒍ ᑲᓇᑕᐅᑉ ᒐᕙᒪᒃᑯᖏᑕ ᐱᓐᖑᐊᖅᑐᓕᕆᕝᕕᖕᓄᑦ ᐱᓕᕆᔾᔪᑎᖏᑎᒍᑦ.

ᓂᕈᐊᖅᑕᐅᓯᒪᔪᖅ ᓕᐅᓇ ᐊᒡᓗᒃᑲᖅ, ᒥᓂᔅᑕᕆᔭᐅᔪᖅ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐊᒻᒪ ᑲᑎᒪᔨᕐᔪᐊᖑᖃᑕᐅᔪᖅ ᑲᓇᑕᒥ ᐱᖁᔭᓕᐅᖅᑎᕐᔪᐊᓄᑦ ᓄᓇᕗᒧᑦ ᑭᒡᒍᖅᑐᕐᓪᓗᓂ, ᐅᓪᓗᒥ ᑐᓴᖅᑎᑦᑎᖅᑲᐅᔪᖅ ᑭᒡᒐᖅᑐᐃᓪᓗᓂ ᓂᕈᐊᖅᑕᐅᓯᒪᔪᒥᒃ ᓴᒃ ᓯᑐᕌᒥᒃ, ᒥᓂᔅᑕᕆᔭᐅᔪᖅ ᐃᓄᓕᕆᔨᑐᖃᒃᑯᓐᓄᑦ ᐊᒻᒪ ᑲᓇᑕᐅᑉ ᒐᕙᒪᒃᑯᖏᓐᓂ ᑲᒪᔨᒋᔭᐅᔪᖅ ᐊᓪᓚᖓᔪᓄᑦ ᐊᒻᒪ ᐃᓕᓴᕆᔭᐅᓯᒪᖏᑦᑐᓄᑦ ᐊᓪᓚᓄᑦ, ᐅᑭᐅᖅᑕᖅᑐᕐᒥ ᐱᓐᖑᐊᕐᕕᓕᕆᓂᖅ ᒫᓐᓇ ᒪᑐᐃᖓᓕᕐᓂᖓᓂᒃ ᐱᓕᕆᔾᔪᑕᐅᓂᐊᕐᓗᓂ.
 
“ᑮᓇᐅᔭᓂᒃ ᐊᑐᖅᑎᓪᓗᑕ ᐅᑭᐅᖅᑕᖅᑐᕐᒥᐅᑦ ᐱᓐᖑᐊᕐᕕᖏᓐᓄᑦ ᐃᑲᔪᖅᓯᓂᐊᖅᑐᖅ ᒐᕙᒪᑦᑎᓐᓂᒃ ᑮᓇᐅᔭᓕᐅᕈᑎᖃᕋᓱᐊᕐᓂᕐᒥᒃ ᐊᐅᓚᔾᔭᐃᒋᐊᖅᑎᓪᓗᒋᑦ, ᐱᐅᓯᒋᐊᕐᓗᒋᓪᓗ ᓄᓇᓕᖕᓂ ᐱᓐᖑᐊᕐᕕᐅᔪᑦ ᓲᕐᓗ ᐳᐃᔾᔪᕌᕐᕕᑦ, ᐃᖃᐃᓕᓴᕐᕕᑦ ᐊᒻᒪ ᓯᐊᕐᕆᔮᕐᕕᑦ, ᐊᒻᒪ ᐃᑲᔪᖅᑐᐃᓂᐊᖅᑐᑦ ᖃᓄᐃᖏᑦᓯᐊᕐᓂᖅᓴᐅᖁᓪᓗᒋᑦ ᐊᒻᒪ ᐱᐅᓂᖅᓴᐅᖁᓪᓗᒋᑦ ᐃᓅᓯᖏᑦ ᐅᑭᐅᖅᑕᖅᑐᕐᒥᐅᑕᐅᔪᑦ,” ᑕᐃᒪᓐᓇ ᐅᖃᖅᑲᐅᔪᖅ ᒥᓂᔅᑕ ᐊᒡᓗᒃᑲᖅ.  “ᐱᓐᖑᐊᕐᕕᓕᕆᔾᔪᑎᓄᑦ ᐱᓕᕆᐊᖅ ᐃᑲᔪᖅᓯᓂᐊᖅᑐᖅ ᓄᓇᓕᖕᓂ ᐃᓚᒌᑦ ᐊᑐᐃᓐᓇᖃᑦᑕᕈᓐᓇᕐᓂᐊᕐᒪᑕ  ᓄᓇᓕᖕᓂ ᐱᓐᖑᐊᕐᕕᒋᔭᖏᓐᓂᒃ ᓯᕕᑐᔪᒧᑦ.”

ᑲᓇᑕᐅᑉ ᑮᓇᐅᔭᓕᐅᕈᑎᖃᕋᓱᐊᕐᓂᕐᒧᑦ ᐊᐅᓚᔾᔭᐃᒋᐊᕐᓂᕐᒧᑦ ᐸᕐᓇᐅᑎᖓᑦ. ᑐᓂᓯᓂᐊᖅᑐᑦ $500 ᒥᓕᐊᓐᓂᒃ ᑲᓇᑕᓕᒫᒧᑦ ᐊᕐᕌᒎᒃ ᒪᕐᕉᒃ ᐃᓗᐊᓂ ᐊᑐᖅᑕᐅᓂᐊᖅᑎᓪᓗᒍ ᐱᓐᖑᐊᕐᕕᓕᕆᔾᔪᑕᐅᓗᓂ ᐃᑲᔪᖅᑐᐃᔾᔪᑎᒃᓴᖅ ᓄᑖᕈᕆᐊᕐᓗᒋᑦ ᐊᒻ ᓱᕋᒃᓯᒪᔪᓕᕆᔭᐅᓗᑎᒃ ᓄᓇᓕᖕᓂ ᐱᓐᖑᐊᕐᕕᐅᔪᑦ.  ᐃᓄᓕᕆᔨᑐᖃᒃᑯᑦ ᑲᓇᑕᒥ ᐱᔨᑦᓯᕈᑎᖃᕐᓂᐊᖅᑐᑦ ᐅᑭᐅᖅᑕᖅᑐᕐᒧᓐᖓᐅᔪᓂᒃ ᐱᓐᖑᐊᕐᕕᓕᕆᔾᔪᑎᒃᓴᓂᒃ ᑮᓇᐅᔭᓂᒃ.

ᐱᒋᐊᕐᓂᖓᓂ  $175 ᒥᓕᐊᓐ, 1/3-ᓗᐊᕆᔭᖏᑦ ᑲᑎᓪᓗᒋᑦ ᑮᓇᐅᔭᖅᑐᕈᑎᒃᓴᑦ ᐊᑐᐃᓐᓇᐅᑎᑕᐅᔪᑦ ᑕᕝᕘᓇ ᑲᓇᑕᐅᑉ ᒐᕙᒪᒃᑯᖏᑕ ᐱᓐᖑᐊᕐᕕᓕᕆᔾᔪᑎᒃᓴᖏᓐᓄᑦ, ᑐᓂᔭᐅᖃᑦᑕᖅᑐᖅ ᒪᓕᒃᓗᒋᑦ ᐊᒡᒍᖅᑐᖅᓯᒪᓂᕐᒥ ᐃᓄᒋᐊᕐᓂᕆᔭᖏᑦ.  ᓄᓇᕗᒥᐅᑦ ᑐᓂᔭᐅᓂᐊᖅᑐᑦ $567,000-ᓂᒃ.  ᑎᒥᐅᔪᑦ ᑎᓕᐅᖅᑕᐅᕗᑦ ᑐᒃᓯᕋᐅᑎᓕᐅᖁᓪᓗᒋᑦ ᑮᓇᐅᔭᒃᑲᓐᓂᕐᓂᒃ ᐱᓇᓱᐊᕐᓗᑎᒃ ᐊᑐᐃᓐᓇᐅᔪᓂᒃ ᑲᓇᑕᒧᑦ ᐊᑐᖅᑕᐅᔪᕕᓂᑦ ᐊᒥᐊᒃᑯᖏᓐᓂᑦ ᑕᕝᕙᓐᖓᑦ $325 ᒥᓕᓐᐊᓂᑦ.

ᐃᓗᐊᒍᑦ ᑲᓇᑕᐅᑉ ᒐᕙᒪᒃᑯᖏᑕ ᐱᓐᖑᐊᖅᑐᓕᕆᔾᔪᑎᒃᓴᖏᑕ ᐱᓕᕆᐊᑎᒍᑦ, ᓄᓇᓕᖕᓂ ᒐᕙᒪᐅᒧᑦ, ᐊᓪᓚᐃᑦ ᑲᑐᔾᔨᖃᑎᒌᖏᓪᓗ, ᓄᓇᓕᖕᓂᓗ ᑎᒥᐅᔪᑦ ᐊᒻᒪ ᑮᓇᐅᔭᓕᐅᕋᓱᐊᖅᑎᐅᖏᑦᑐᑦ ᐅᕝᕙᓗ ᓇᖕᒥᓂᕆᔭᐅᔪᑦ ᑲᑐᔾᔨᔨᐅᔪᑦ ᐱᓕᕆᐊᖃᖅᑐᑦ ᐱᔭᕇᖅᑕᐅᔭᕆᐊᖃᖅᑐᑦ ᑎᑭᓚᐅᖏᓐᓂᖓᓂ ᒪᔾᔨ 31, 2011, ᖃᐃᖅᑯᔭᐅᕗᑦ ᑐᒃᓯᕋᐅᑎᓕᐅᖁᔭᐅᓪᓗᑎᒃ ᑮᓇᐅᔭᓂᒃ ᐱᓇᓱᐊᖁᓪᓗᒋᑦ.

ᑲᓇᑕᐅᑉ ᒐᕙᒪᒃᑯᖏᑕ ᐱᓐᖑᐊᖅᑐᓕᕆᔾᔪᑎᒃᓴᖏᑦ ᑮᓇᐅᔭᐃᑦ ᑐᕌᒐᒃᓴᖏᑦ ᐃᕐᖐᓐᓇᖅ ᐊᑐᐃᓐᓇᐅᑎᑦᓯᓗᑎᒃ, ᑐᕌᒐᕆᔭᐅᔪᓂᒃ ᐊᐅᓚᔾᔭᐃᒋᐊᕐᓂᕐᒧᑦ ᑮᓇᐅᔭᓕᐅᕈᑕᐅᓇᓱᐊᖅᑐᓂᒃ ᐊᒻᒪ ᐃᑲᔪᖅᓯᖁᓪᓗᒋᑦ ᐊᒃᑐᐃᓂᕆᔭᖓᓐᓂᒃ ᓄᓇᕐᔪᐊᕐᒥ ᑮᓇᐅᔭᐃᑦ ᑲᑕᒃᐸᓪᓕᐊᓂᖏᓐᓄᑦ, ᓴᓇᔭᐅᔪᓂᒃ ᐅᓄᖅᓯᒋᐊᖅᑎᑦᓯᓂᒃᑯᑦ ᐱᓐᖑᐊᕐᕕᒐᓚᐅᔪᓂᒃ.  ᑖᑦᓱᒧᖓ ᐱᓕᕆᐊᖑᔪᖅ ᑎᓕᐅᕆᕗᖅ ᐃᓚᐅᖁᔨᓪᓗᑎᒃ ᑎᒥᒥᒍᑦ ᐱᓕᕆᖃᑕᐅᓪᓚᑦᑖᕐᓗᑎᒃ ᐊᒻᒪ ᓄᓇᓕᐅᔪᑦ ᐱᓐᖑᐊᕐᕕᖁᑎᒥᖕᓂᒃ ᓱᕋᒃᓯᒪᔪᓕᕆᓗᑎᒃ ᐊᒻᒪ ᓄᑖᕈᕆᐊᖅᓯᓗᑎᒃ.

ᑖᒃᑯᐊ ᑐᓴᖅᑎᑦᑎᔾᔪᑎᐅᔪᑦ ᓯᕗᒧᐊᒃᑎᑦᓯᕗᑦ ᑲᓇᑕᐅᑉ ᒐᕙᒪᒃᑯᖏᑕ ᐃᖅᑲᓇᐃᔭᕐᓂᕆᔭᖓᓐᓂᒃ ᓯᕗᒧᐊᒃᐸᓪᓕᐊᖁᓪᓗᒋᑦ ᑲᑎᓐᖓᐅᕐᓗᑎᒃ ᐅᑭᐅᖅᑕᖅᑐᕐᒥ ᐅᐸᓗᖓᐃᔭᐅᑎᑦ ᐱᓕᕆᔾᔪᑕᐅᓂᐊᕐᒪᑕ ᑲᓇᑕᐅᑉ ᐅᑭᐅᖅᑕᖅᑐᖅ ᐱᒋᓂᖓᓄᑦ ᓇᓗᓇᐃᖅᓯᓂᕐᒧᑦ, ᓴᐳᒻᒥᔭᐅᓗᓂᓗ ᐅᑭᐅᖅᑕᖅᑑᑉ ᐊᑐᖅᑕᐅᕙᒃᑐᑐᖃᐅᓂᖓ, ᑲᔪᖏᖅᓴᐃᓗᑎᒃ ᐃᓅᓯᕐᒧᑦ ᐊᒻᒪ ᑮᓇᐅᔭᓕᐅᕋᓱᐊᕐᓂᕐᒧᑦ ᐱᕙᓪᓕᐊᑎᑦᓯᓂᕐᒥᒃ ᐊᒻᒪ ᐱᐅᓯᒋᐊᕐᓗᒋᑦ ᐊᒻᒪ ᓯᐊᒻᒪᒃᑎᕆᓗᑎᒃ ᐅᑭᐅᖅᑕᖅᑐᕐᒥ ᒪᓕᒐᕈᑎᒋᔭᐅᔪᑦ.

ᑐᓴᕆᐊᒃᑲᓐᓂᕈᒪᒍᕕᑦ ᐱᓕᕆᐊᒧᑦ ᐃᓚᐅᔪᓐᓇᕐᓂᐅᑉ ᒥᒃᓵᓄᑦ ᐊᒻᒪ ᖃᓄᖅ ᑐᒃᓯᕋᐅᑎᓂᒃ ᑕᑕᑎᕆᔪᓐᓇᕐᒪᖔᑦᓯ, ᐃᓄᓕᕆᔨᑐᖃᒃᑯᑦ ᖃᕆᑕᐅᔭᒃᑯᑦ ᑐᑭᓯᒋᐊᕐᕕᐊᓄᑦ ᐅᕗᖓ ᖃᐅᔨᒋᐊᕐᓗᓯ: www.ainc-inac.gc.ca