ᐅᐱᑉᐳᖓ ᐋᓐᓂᐊᖃᕐᓇᖏᑦᑐᓕᕆᔨᒃᑯᓐᓄᑦ ᒥᓂᔅᑕᐅᓪᓗᖓ, ᒥᓂᔅᑕᐅᓪᓗᖓ ᐱᓕᕆᐊᖃᖅᖢᖓ ᓄᓇᑦᓯᐊᒧᑦ ᓄᓇᕗᒧᓪᓗ ᐊᒻᒪᓗ ᑲᑎᒪᔨᐅᖃᑕᐅᓪᓗᖓ ᐊᑐᕚᒥ ᑲᑎᒪᕐᔪᐊᕐᕕᖕᒥ ᑲᓇᑕᐅᑉ ᒐᕙᒪᒃᑯᖏᓐᓄᑦ ᓄᓇᕗᒥᐅᓄᑦ ᖁᕕᐊᓱᖁᔨᓪᓗᖓ ᑲᓇᑕᐅᑉ ᓇᓪᓕᐅᕐᓂᖅᓯᐅᕐᕕᖓᓂ.

ᑲᓇᑕ ᓇᓪᓕᐅᕐᓂᖅᓯᐅᖅᖢᓂ ᐊᕐᕌᒍᖃᓕᖅᐳᖅ 142-ᓂᒃ, ᑕᒪᕐᒥᒃ ᑲᓇᑕᒥᐅᑦ ᓇᓂᑐᐃᓐᓇᖅ ᓄᓇᖃᖅᑐᑦ ᑲᑎᒍᓐᓇᓕᖅᐳᑦ ᖁᕕᐊᓱᖃᑎᒌᒡᓗᑎᒃ ᐊᖏᕐᕋᒥᖕᓂ.

ᑲᓇᑕᒥ ᐊᖏᔪᒻᒪᕆᐅᕗᖅ ᑲᔾᔮᕐᓇᖅᖢᓂᓗ ᖃᓄᑐᐃᓐᓇᖅ ᐊᑐᖅᓯᒪᓪᓗᓂᓗ. ᐱᕙᓪᓕᐊᓂᕆᓯᒪᔭᖅᐳᑦ ᑕᑯᓐᓇᕆᐊᖃᖅᐸᕗᑦ ᐊᔾᔨᒌᖏᑦᑐᓂᒃ ᐃᓕᖁᓯᖃᐅᕐᒪᑦ ᑲᓇᑕᒥ ᐅᐱᒋᒋᐊᖃᖅᐸᕗᑦ.

ᐅᐱᒋᔭᖃᕆᐊᖃᖅᐳᒍᑦ ᐃᓕᖁᓯᑦᑎᓐᓂᒃ, ᐱᖅᑯᓯᑐᖃᑦᑎᓐᓂᒡᓗ ᐊᒻᒪᓗ ᖃᓄᐃᓕᐅᕈᑎᒋᓯᒪᔭᑦᑎᓐᓂᒃ ᓄᓇᕗᒥ.

ᐅᖃᐅᓯᕗᑦ ᐃᓅᓯᕗᓪᓗ ᐱᕙᓪᓕᐊᓂᖃᑦᓯᐊᖅᐳᖅ ᓱᓕ.  ᑕᐃᒪᓐᓇᐃᑉᐳᖅ ᐊᒃᓱᕈᕈᑎᖃᕐᓂᑦᑎᓐᓄᑦ ᐃᓕᖁᓯᑐᖃᑦᑎᓐᓂᒃ, ᓴᐳᔾᔭᐅᒋᐊᖃᖅᖢᓂᓗ ᐱᖅᑯᓯᑐᖃᕗᑦ ᐃᓕᓐᓂᐊᖃᑦᑕᕐᓗᑕᓗ ᖃᐅᔨᒪᓇᓱᐊᕐᓗᑕᓗ ᐊᓯᑦᑕ ᐃᓅᓯᖏᓐᓂᒃ ᐱᖅᑯᓯᖏᓐᓂᒃ.

ᔪᓚᐃ 1-ᖑᑎᓪᓗᒍ ᖁᕕᐊᒋᔭᖃᕆᐊᖃᖅᐳᒍᑦ ᐊᐅᓪᓛᑦᓯᐊᖅᓯᒪᒐᑦᑕ ᐃᓱᒪᖅᓱᖅᖢᑕᓗ ᐱᔪᓐᓇᕐᓂᖃᖅᑎᑕᐅᑦᓯᐊᕋᑦᑕ ᓴᐃᒪᔪᒥ ᓄᓇᖃᖅᖢᑕ. ᑲᓇᑕᐅᑉ ᐅᓪᓗᖓᓂ, ᑎᓕᐅᕆᕗᖓ ᖃᓄᐃᓕᐅᕈᑕᐅᓯᒪᔪᑦ ᐱᐅᔪᑦ ᓴᖅᑭᔮᖅᓯᒪᓂᖏᓐᓄᑦ ᑲᓇᑕᒥ, ᑕᐃᒪᓐᓇᓗ ᑭᖑᕚᕗᑦ ᐱᕙᓪᓕᐊᑎᑎᓯᒪᖕᒪᑕ 142-ᓂ ᐊᕐᕌᒍᓂ ᓇᓪᓕᐅᕐᓂᖅᓯᐅᖅᑎᑕᐅᓕᖅᖢᑕ.

ᓕᐅᓇ ᐊᒡᓘᒃᑲᖅ
ᒥᓂᔅᑕ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ
ᒥᓂᔅᑕ ᐱᓕᕆᐊᖃᖅᑐᖅ ᓄᓇᑦᓯᐊᒥ ᓄᓇᕗᒥᓗ
ᑲᑎᒪᔨᕐᔪᐊᖑᖃᑕᐅᔪᖅ ᐊᑐᕚᒥ ᓄᓇᕗᒥᐅᓄᑦ