ᕼᐊᓘ ᐃᓄᐃᑦ

ᖁᕕᐊᓇᖅᐳᖅ ᐅᑎᖅᓯᒪᓕᖅᖢᓂ ᓄᓇᕗᒧᑦ ᖁᕕᐊᓱᖃᑎᒋᓪᓗᑎᓯᓗ ᐱᒻᒪᕆᐅᔪᒥ ᐅᓪᓗᒥ ᐃᓕᑕᕐᓇᖅᓱᓯᓗ. ᓯᓚᑦᓯᐊᒻᒪᕆᐅᕗᖅ.

ᑕᒪᕐᒥᒃ ᐃᓄᐃᑦ ᖁᕕᐊᓱᖁᕙᒃᑲ ᓄᓇᕗᑦ ᐅᓪᓗᖓᓂ.

ᐅᓪᓗᒥ ᖃᐅᔨᓐᓇᕈᑕᐅᕗᖅ ᐊᒃᓱᕈᓚᐅᕐᓂᖏᓐᓄᑦ ᐊᖑᑎᑦ ᐊᕐᓇᐃᓪᓗ ᓄᓇᕗᒥᒃ ᐱᕙᓪᓕᐊᑎᑎᖃᑕᐅᓚᐅᖅᑐᑦ.

ᐊᖏᕈᑕᐅᓚᐅᖅᓯᒪᑎᓪᓗᒍ ᓄᓇᕗᑖᕐᓂᕐᒧᑦ ᐊᖏᕈᑕᐅᔪᖅ ᓄᓇᕗᒧᑦ ᒪᓕᒐᕐᔪᐊᖅ ᓄᓇᕗᑖᕈᑕᐅᓚᐅᖅᐳᖅ ᐄᐳᕈ 1, 1999-ᒥ.  ᐃᓄᐃᑦ ᓇᖕᒥᓂᖅ ᐱᕙᓪᓕᐊᓕᓚᐅᖅᐳᑦ ᒐᕙᒪᒃᑯᓐᓂᒡᓗ ᓇᖕᒥᓂᖅᓱᖅᐸᓪᓕᐊᑎᑎᓕᖅᖢᑎᒃ. ᐊᕐᕌᒍᓂ ᐊᒥᓱᓂ ᑐᒃᓯᕋᐅᑎᖃᖅᓯᒪᓪᓗᑎᒃ ᐊᑐᕚᒥᑦ ᐊᒥᓱᐃᖅᑕᖅᖢᑎᒡᓗ ᐊᑎᓕᐅᖅᓯᒪᔪᓂᒃ ᑐᒃᓯᕋᐅᑎᖃᖃᑦᑕᓚᐅᖅᖢᑎᒃ ᓇᖕᒥᓂᖅᓱᕈᒪᓂᕐᒧᑦ.

ᑭᓯᐊᓂ ᑕᐃᒪᓐᓇ ᐱᒍᒪᔭᐅᔪᖅ ᐱᒋᐊᓚᐅᖏᑉᐳᖅ ᑕᒡᕙᖓᑦ. ᐊᕐᕌᒍᑦ 30-ᖑᓚᐅᖅᑐᓂ ᐃᓄᐃᑦ ᓯᕗᓕᖅᑎᖏᑦ ᖃᐅᔨᒐᒥᒃ ᑕᒪᓐᓇ ᐊᖏᖃᑎᒌᒍᑕᐅᒋᐊᖃᕐᓂᖓᓄᑦ ᓇᖕᒥᓂᖅ ᓄᓇᑖᕐᓂᖅ. ᒥᑭᔪᒥᒃ ᐃᓚᐅᓂᖃᓚᐅᖅᓯᒪᕗᖓ. ᐊᒥᓱᑦ ᑕᐃᒪᖓᐅᓚᐅᖅᑐᒥᑦ ᐊᓯᔾᔨᖅᓯᒪᓕᖅᐳᑦ. ᓴᕆᒪᓱᒋᐊᖃᖅᐳᒍᑦ ᐅᐱᒋᐊᖃᖅᐳᒍᑦ ᑲᒥᓯᓚᐅᓚᐅᐱᓪᓚᓚᐅᖅᓯᒪᔪᒥᒃ ᑕᒪᒃᑯᐊ ᐱᖁᑎᑖᕆᔭᐅᒋᐊᖃᖅᑐᑦ ᐱᓕᕆᔨᐅᒋᐊᖃᖅᑐᓪᓗ ᐱᕙᓪᓕᐊᑎᓚᐅᖅᓯᒪᖕᒪᒋᑦ. ᑕᒪᑦᑕ ᓴᕆᒪᒋᒋᐊᖃᖅᐸᕗᑦ ᓴᓐᖏᔪᒥᒃ ᓄᓇᑖᕈᑕᐅᓯᒪᔪᑦ.

ᐃᓕᑕᕆᓪᓗᒍ ᐊᒃᓱᕈᕈᑕᐅᓯᒪᔪᖅ ᐱᕙᓪᓕᐊᑎᑎᓂᕐᒥᒃ ᓄᓇᕗᒥᒃ. ᑎᓕᐅᕈᒪᕙᒃᑲ ᑭᒃᑯᑐᐃᓐᓇᐃᑦ ᐅᓪᓗᒥ ᖁᕕᐊᓱᖁᓪᓗᒋᑦ. ᑕᒪᓐᓇ ᓄᖅᑲᖓᓐᓇᐅᓂᐊᖅᑐᖅ ᐃᖅᑲᓇᐃᔭᕐᕕᖕᓂᑦ ᐱᖃᑎᒋᓂᐊᖅᐸᓯ ᐃᓚᓯ ᐱᖃᓐᓇᕆᔭᓯᓗ, ᑕᑯᓐᓇᕆᐊᕐᓗᒋᑦ ᐃᓄᐃᑦ ᐱᓐᖑᐊᕈᓯᖏᓐᓂᒃ ᐱᓐᖑᐊᕈᑎᖃᖅᑐᑦ, ᒧᒥᖅᑐᑦ ᐊᒻᒪᓗ ᓂᕆᕕᒡᔪᐊᖃᑕᐅᔪᑦ ᐃᓚᐅᕕᒋᓂᐊᖅᐸᓯ.