ᒥᓂᔅᑕᐅᓪᓗᖓ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ, ᒥᓂᔅᑕᐅᓪᓗᖓᓗ ᑲᒪᒋᔭᖃᖅᖢᖓ ᐅᑭᐅᖅᑕᖅᑐᒥ ᑲᑎᒪᔨᐅᖃᑕᐅᓪᓗᖓ ᐊᑐᕚᒥ ᓄᓇᕗᒥᐅᓄᑦ, ᐅᐱᑦᓯᐊᖅᐳᖓ ᐱᔨᑦᓯᕋᕆᐊᒃᓴᖅ ᓄᓇᕗᒥᐅᓄᑦ. ᐅᓪᓗᑕᒫᑦ, ᐅᐱᑉᐳᖓ ᐱᓕᕆᒍᔾᔨᔪᓐᓇᕋᒪ ᓄᓇᕗᒥᐅᓄᑦ ᑕᒪᐃᓐᓄᑦ ᐱᕚᓪᓕᕈᑎᒃᓴᖏᓐᓄᑦ.

ᐃᑲᔪᕋᓱᐊᖅᖢᖓ ᑕᒪᐃᓐᓂᒃ ᓄᓇᕗᒥᐅᓂᒃ ᐱᔨᑦᓯᕋᖅᑕᐅᑦᓯᐊᕈᓐᓇᖁᓪᓗᒋᑦ ᐊᓪᓚᕕᒐᓂᑦ, ᐃᖅᑲᓇᐃᔭᖅᑎᑖᕐᓂᐊᓕᖅᐳᖓ ᓘᑲᔅ ᐊᒪᕈᐊᓕᖕᒥᒃ. ᓘᑲᔅ ᐊᒃᓱᕈᒃᑲᐅᕗᖅ ᐱᓕᕆᓪᓗᓂ ᐱᕈᖅᓯᒪᓪᓗᓂᓗ ᓄᓇᕗᒥ. ᖁᕕᐊᓱᒃᐳᖓᓗ ᐃᖅᑲᓇᐃᔭᕐᓂᐊᓕᕐᒪᑦ ᐃᖃᓗᖕᓂ ᐊᓪᓚᕕᒐᓂ.

ᓘᑲᔅ ᐃᖅᑲᓇᐃᔭᖃᑎᖃᕐᓂᐊᖅᐳᖅ ᐱᓕᕆᔨᒐᓂᒃ, ᑖᓐᓇᓗ ᖃᐅᔨᒪᔭᐅᓪᓗᓂ ᓈᓐᓯ ᓇᐅᓪᓚᒃ ᐊᒥᓱᓄᑦ ᓄᓇᕗᒥᐅᓄᑦ ᑕᐃᒪᖓᓂᑦ ᑕᒡᕙᓂ ᐃᖅᑲᓇᐃᔭᕆᐊᒃᓯᒪᓕᖅᑎᓪᓗᒍ.

ᑕᐃᒪ ᖃᖓᑐᐃᓐᓇᖅ ᑐᓴᕈᒪᑐᐃᓐᓇᖅᐳᖓ ᐃᓕᑦᓯᖕᓂᑦ ᐱᓕᕆᒍᔾᔨᒍᒪᓪᓗᖓᓗ ᓄᓇᕗᒥᐅᓂᒃ. ᖃᖓᑐᐃᓐᓇᖅ ᐅᖃᓗᕕᐅᖃᑦᑕᕐᓂᐊᖅᐳᖓ ᓘᑲᔅᓘᓐᓃᑦ ᐃᖃᓗᖕᓂ ᐊᓪᓚᕕᖓᓂ ᐊᑭᖃᖏᑦᑐᑦ ᐅᖃᓗᕕᒋᓗᒍ  866.267.7701 ᐅᕙᓘᓐᓃᑦ ᐅᖃᓗᒍᑎᒐ ᐊᑐᕚᒥ  613.992.2848. 

ᑎᑎᕋᕐᕕᐅᔪᓐᓇᖅᐳᖓᓗ ᐊᑭᖃᖏᑦᑐᖅ ᐅᕙᓂ:
Leona Aglukkaq
458 Confederation Building
House of Commons
Ottawa, ON
K1A 0A6

ᖃᕆᑕᐅᔭᒃᑯᑦ ᑎᑎᕋᕐᕕᐅᒍᒪᒍᒪ, ᐅᕗᖓ ᑎᑎᕋᕈᓐᓇᖅᐳᓯ  Aglukkaq.L@parl.gc.ca.

ᓕᐅᓇ ᐊᒡᓗᒃᑲᖅ, P.C., M.P.
ᓄᓇᕗᒥᐅᓕᒫᓄᑦ ᐱᓕᕆᔪᖅ