ᐊᑐᕚ - ᓄᓇᕗᒥ ᐊᑐᕚᒥ ᑲᑎᒪᔨᕐᔪᐊᖑᖃᑕᐅᔪᖅ, ᒥᓂᔅᑕ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ, ᐊᒻᒪ ᒥᓂᔅᑕ ᐱᓕᕆᐊᖃᖅᑐᖅ ᓄᓇᕗᒥᐅᓄᑦ ᓄᓇᑦᓯᐊᒧᑦ ᔪᑳᓐᒧᓪᓗ ᖁᕕᐊᓱᒍᑎᖃᖅᐳᖅ ᐱᒋᐊᖅᑎᑕᐅᓚᐅᖅᑎᓪᓗᒋᑦ ᑲᓐᓱᕕᑎᒃᑦ ᓄᓇᖃᖅᑳᖅᓯᒪᔪᑦ ᑲᑎᒪᔨᖏᑦ ᐅᓪᓗᒥ. ᑖᒃᑯᐊ ᑲᑎᒪᔨᑦ ᓯᕗᓪᓕᕐᒥ ᑭᒃᑯᑐᐃᓐᓇᕐᓂᒃ ᐃᓚᐅᑎᑎᑉᓗᑎᒃ ᖃᓄᐃᓕᐅᖅᑎᑎᓚᐅᖅᐳᑦ ᖁᕕᐊᓱᒍᑎᖃᖅᖢᑎᒃ ᐱᒋᐊᖅᑎᑕᐅᓚᐅᕐᓂᖏᓐᓄᑦ ᑲᑎᒪᔨᖑᖅᑎᑕᐅᓪᓗᑎᒃ.

ᓄᓇᖃᖅᑳᖅᓯᒪᔪᑦ ᐃᓚᐅᔪᑦ ᐱᖓᓲᔪᖅᑑᓪᓗᑎᒃ ᑲᓐᓱᕕᑎᒃᑯᓐᓄᑦ ᑲᑎᒪᔨᐅᖃᑕᐅᓪᓗᑎᒃ. ᕌᑦ ᐳᕈᐃᓄᒋ, ᑲᑎᒪᔨᐅᖃᑕᐅᔪᖅ ᐊᑐᕚᒥ ᕙᓂᐸᒃ ᓂᒡᒋᐊᓄᑦ, ᐃᒃᓯᕙᐅᑕᕆᔭᐅᓪᓗᓂ.

"ᖁᕕᐊᓱᒃᐳᖓ ᑲᑎᒪᔨᒋᔭᐅᖃᑕᐅᒐᒪ," ᐅᖃᓚᐅᖅᐳᖅ ᒥᓂᔅᑕ ᐊᒡᓘᒃᑲᖅ. "ᑲᑎᒪᔨᕗᑦ ᓴᓐᖏᔪᒥᒃ ᓂᐱᒋᔭᐅᓂᐊᖅᐳᑦ ᐃᓄᖕᓄᑦ, ᐃᖅᑭᓕᕐᓄᑦ ᐊᒻᒪᓗ ᐃᖅᑭᓕᕐᓚᖕᓄᑦ ᑎᓕᐅᖅᑕᐅᕙᓪᓕᐊᖁᓪᓗᒋᓪᓗ ᓄᓇᖃᖅᑳᖅᓯᒪᔪᑦ ᐃᓄᐃᑦ ᐱᓕᕆᕙᓪᓕᐊᓂᕐᒧᑦ ᖃᓄᐃᓕᐅᖃᑕᐅᓂᕐᒧᓪᓗ ᒐᕙᒪᒃᑯᓐᓂ."

ᑎᑎᕋᖅᓯᒪᔪᑦ ᐊᑐᕚᒥ ᑲᑎᒪᔨᕐᔪᐊᒃᑯᑦ ᐅᖃᓕᒫᒐᖃᕐᕕᖓᓃᑦᑐᑦ, ᐅᖃᖅᓯᒪᕗᖅ ᒫᓐᓇ ᑲᓐᓱᕕᑎᒃᑯᑦ ᒐᕙᒪᒃᑯᖏᑦ ᐅᐱᒋᔭᖃᑦᓯᐊᖅᐳᑦ ᓂᕈᐊᖅᑕᐅᓯᒪᔪᑦ ᓄᓇᖃᖅᑳᖅᓯᒪᔪᑦ ᒐᕙᒪᒃᑯᖏᓐᓂ ᐊᒥᓲᓛᖑᖕᒪᑕ ᑕᐃᒪᐃᓚᐅᖅᓯᒪᖏᑦᖢᑎᒃ ᐊᓯᖏᓐᓂ ᒐᕙᒪᐅᔪᓂ. ᑖᒃᑯᐊ ᑲᔪᓯᑦᓯᐊᖅᑎᑎᒋᐊᕈᒪᕗᑦ ᓄᓇᖃᖅᑳᖅᓯᒪᔪᑦ ᐊᒻᒪᓗ ᑲᓐᓱᕕᑎᒃᑯᑦ ᐱᒍᒪᓯᒪᔭᖏᑦ ᐋᖅᑭᒃᓱᖅᑕᐅᓗᒃ ᑲᒪᒋᔭᖃᕐᓗᑎᒃ ᐱᓕᕆᐊᕆᔭᐅᓯᒪᓗᐊᖏᑦᑐᓂᒃ ᓄᓇᖃᖅᑳᖅᓯᒪᔪᑦ ᐃᓱᒫᓗᒍᑎᒋᔭᖏᓐᓂᒃ.

"ᐱᐅᔪᒻᒪᕆᐅᕗᖅ ᒐᕙᒪᒋᔭᖅᐳᑦ ᓄᓇᖃᖅᑳᖅᓯᒪᔪᓂᒃ ᓂᕈᐊᖅᑕᐅᓯᒪᔪᖅᑕᖃᓂᖅᓴᐅᖕᒪᑦ ᓕᐳᕈᒃᑯᓐᓂᑦ ᐊᒻᒪ 6-ᖏᖅᑕᖅᖢᓂ ᐊᒥᓲᓂᖅᓴᐅᓪᓗᓂ ᐃᐊᑦᑏᐲᒃᑯᓐᓂᑦ," ᐊᒡᓘᒃᑲᖅ ᐅᖃᓚᐅᖅᐳᖅ. "ᒐᕙᒪᒋᔭᖅᐳᑦ ᐱᓕᕆᐊᖃᓪᓚᕆᖕᒪᑕ ᓄᓇᖃᖅᑳᖅᓯᒪᔪᑦ ᐱᓕᕆᐊᕆᔭᐅᒋᐊᖃᕐᓂᖏᓐᓄᑦ ᓂᑯᕕᖓᒍᑎᖏᓐᓇᕐᓂᐊᖅᖢᓂᒋᓪᓗ."

ᒥᓂᔅᑕ ᐊᒡᓘᒃᑲᖅ ᓯᕗᓂᒃᓴᐅᓂᐊᖅᑐᒥ ᑭᒡᒐᖅᑐᐃᑦᓯᐊᕈᒪᕗᖅ ᑕᒪᐃᓐᓂᒃ ᓄᓇᖃᖅᑳᖅᓯᒪᔪᓂᒃ ᐱᒻᒪᕆᐅᔪᑎᒍᑦ ᑲᑎᒪᔨᑖᕆᔭᐅᓚᐅᖅᑐᓂ ᓄᓇᖃᖅᑳᖅᓯᒪᔪᑦ ᑲᓐᓱᕕᑎᒃᑯᑦ ᑲᑎᒪᔨᖏᑦ.