ᐊᒡᓚᕕᖓᓂᒃ ᐳᕋᐃᒻ ᒥᓐᓂᔅᑕᐅᑉ

ᐋᑐᕚ ᑲᓇᑕᒥ
ᑐᓴᒐᒃᓴᖅ
ᐋᒐᓯ 18, 2009
ᑐᓴᒐᒃᓴᐅᑲᐅᑎᒋᔪᖅ

ᑲᓇᑕᒥ ᐅᒃᑭᐅᖅᑕᖅᑐᒥ ᑮᓇᐅᔭᓕᐅᕋᓱᐊᓂᖕᒧᑦ ᐸᖕᓇᑕᐅᓯᒪᔪᑦ ᐃᑲᔪᖅᑐᖕᓂᐊᕐᑐᖅ ᓄᑦᑕᖕᓂᒃ ᐃᖅᑲᓇᐃᔮᒃᓴᓂᒃ ᐊᒪ ᑮᓇᐅᔭᓕᐅᕋᓱᐊᓂᖕᒧᑦ ᐊᑦᑐᐃᓇᐅᓗᑎᒃ ᐅᒃᑭᐅᖅᑕᖅᑐᒥ ᐃᓚᐅᖃᑦᑕᐅᓗᓂ ᕼᐋᐳᓪ ᒐᕙᒪᒃᑯᖏᑦ ᐅᒃᑭᐅᖅᑕᖅᑐᒥ ᐸᖕᓇᑕᐅᓯᒪᔪᑦ.

ᐃᖃᓗᐃᑦ, ᓄᓇᕗᑦ - ᐅᒃᑭᐅᖅᑕᖅᑐᒥᐅᑕᐃᑦ ᐃᑲᔪᖅᑐᖅᑕᐅᓂᐊᓕᖅᑐᑦ ᓄᑦᑕᖕᒧᑦ ᐊᕕᒃᑐᖅᓯᒪᔪᓂ ᓴᕿᑕᐅᕙᓪᓕᐊᔪᓂ ᑎᒥᖁᑎᐅᔪᖕᒥᒃ ᐊᒃᑭᑦᓯᒪᑦᓯᐊᕐᑐᒥᒃ ᐱᓪᓕᕆᐊᒃᓴᓕᖕᒥ ᒐᕙᒪᒃᑯᑦ ᐱᓪᓕᕆᐊᕆᔪᒪᔭᖏᓐᓂ ᐊᒃᑭᐅᒪᑦᓯᐊᖅᑐᒥ ᐅᒃᑭᐅᖅᑕᖅᑐᒥᐅᑕᐃᑦ ᐃᑲᔪᕋᓱᐊᕐᓗᒋᑦ ᑲᓇᑕᒥ. ᐳᕋᐃᒻ ᒥᓐᓂᔅᑕ ᓯᑏᕙᓐ ᕼᐋᐳᓪ ᐅᓪᓗᒥ ᐅᖃᐅᓯᖃᖕᓂᐊᖅᑐᖅ ᓴᕿᑦᑕᐅᓂᖓᓂ ᑲᓇᑕᒥ ᐅᒃᑭᐅᖅᑕᖅᑐᒥ ᑮᓇᐅᔭᓕᐅᕋᓱᐊᓂᖕᒧᑦ ᐸᖕᓇᑕᐅᓯᒪᔪᑦ ᓯᕗᒧᑦᑎᑦᓯᓗᓂ ᐱᓪᓕᕆᐊᕆᔭᐅᓂᐊᓚᐅᖅᑐᓂᒃ ᐃᓗᐊᓂ ᑲᓇᑕᐅᑉ ᑮᓇᐅᔭᓕᐅᕋᓱᐊᓂᖕᒧᑦ ᐸᖕᓇᑕᐅᓯᒪᔪᑦ.

“ᐊᑕᐅᓯᖅ ᐱᒻᒪᕆᐅᔪᖅ ᐱᓪᓕᕆᐊᒃᓴᒪᕆᒃ ᒐᕙᒪᒋᔭᖅᑎᓐᓄᑦ ᐅᒃᑭᐅᖅᑕᖅᑐᒥ ᐸᖕᓇᑕᐅᓯᒪᔪᑦ ᓴᖏᓂᖅᓴᐅᖁᓗᒍ, ᖃᓄᐃᑦᑐᑦᑐᐃᓇᖕᓂ ᑮᓇᐅᔭᓕᐅᕈᓇᖁᓗᒍ ᐅᒃᑭᐅᖅᑕᖅᑐᒥᐅᓄᑦ ᐊᒪ ᐱᔅᓇᓯᒋᔭᐅᔪᓄᑦ,” ᐅᖃᓚᐅᖅᑐᖅ ᐳᕋᐃᒻ ᒥᓐᓂᔅᑕ.
“ᐊᓯᖃᖏᒪᑦ ᓯᕗᓕᕆᓂᐊᖅᑕᕗᑦ ᐃᓅᓯᖃᑦᑎᖁᓪᓗᒋᑦ ᐅᒃᑭᐅᖅᑕᖅᑐᒥᐅᑕᐃᑦ ᓯᕗᓕᕆᓂᐊᖅᑕᑦᑎᓐᓂ ᓴᖏᓕᖅᐸᓪᓕᖁᓗᒋᑦ ᐅᒃᑭᐅᖅᑕᖅᑐᒥ ᐃᖅᑲᓇᐃᔭᖅᑎᖏᑦ ᐊᒪ ᐱᔅᓇᓯᐅᔪᑦ ᐊᑦᑐᕈᓇᑎᓪᓗᒋᑦ ᑮᓇᐅᔭᐃᑦ ᐊᑦᑐᐃᓇᐅᑎᑦᑕᐅᔪᓂᒃ ᐊᒪ ᑲᔪᓯᕙᓪᓕᕈᑎᑦᓴᐃᑦ ᓴᒃᑭᐅᒪᓂᑦᑐᑦ ᑕᒪᓂ ᓄᓇᒃᑎᓐᓂ.”

ᑲᓇᑕᒥ ᐅᒃᑭᐅᖅᑕᖅᑐᒥ ᑮᓇᐅᔭᓕᐅᕋᓱᐊᓂᖕᒧᑦ ᐸᖕᓇᑕᐅᓯᒪᔪᑦ ᐊᒡᓚᕕᖃᖕᓂᐊᕐᑐᑦ ᐅᐃᑦ ᕼᐅᐊᔅᒥ ᐊᒪ ᔭᓪᓗᓇᐃᒥ. (ᑎᒥᖁᑎᐅᔪᖅ) ᐱᓪᓕᕆᐊᒃᓴᖃᖕᓂᐊᕐᑐᖅ ᐊᒡᔨᖏᓐᓂ ᑕᒃᑯᐊ ᑲᓇᑕᐅᑉ ᓴᒃᑭᐅᒫᓂᑦᑐᓂᒃ ᐊᕕᒃᑐᖅᓯᒪᔪᓂᒃ ᑎᒥᖁᑦᑎᒋᔭᖏᓐᓂᒃ, ᐃᓚᐅᖃᑦᑕᐅᓗᒋᑦ ᐊᐅᓚᑕᐅᓂᖓᓂ ᐊᒪ ᓯᕗᒧᑦᑎᑦᓯᓗᓂ ᒐᕙᒪᒃᑯᑦ ᑮᓇᐅᔭᓕᐅᕋᓱᐊᓂᖕᒧᑦ ᓴᕿᑦᑕᐅᕙᓪᓕᐊᔪᑦ ᐱᓪᓕᕆᐊᕈᔭᖏᑦ ᐊᕕᒃᑯᖅᓯᒪᔪᓂ ᐊᒪ ᐊᑐᐊᒐᓕᐊᖑᔪᑦ, ᑲᐅᔨᓴᖅᑕᐅᓂᖅ ᐊᒪ ᐃᑲᔪᖅᑐᕋᓱᐊᓂᖕᒧᑦ.

ᑕᓐᓇ ᑲᒪᒋᔨᐅᓂᐊᕐᑐᑦ ᐊᐅᓚᑦᓯᔨᐅᓗᓂ ᒐᕙᒪᒃᑯᑦ ᐱᓪᓕᕆᐊᕆᓇᓱᐊᕐᑕᖏᓐᓂ ᐊᒪᓗ, ᑭᓯᐊᓂ ᑕᑦᓱᒧᖓᑐᐊᖅ ᐱᓪᓕᕆᐊᕆᔭᐅᓇᓱᐊᖅᑐᓂ ᑮᓇᐅᔭᓕᐅᕋᓱᐊᖕᓂᖅ ᐅᒃᑭᐅᖅᑕᖅᑐᒥ ᑮᓇᐅᔭᓕᐅᕋᓱᐊᓂᖕᒧᑦ ᐱᕙᓪᓕᐊᓂᖅ, ᓄᓇᓪᓕᓐᓄᑦ ᐊᒃᑭᒋᐊᕈᑎᑦᓴᐃᑦ ᑮᓇᐅᔭᐃᑦ, ᐊᒪᓗ ᓄᓇᓖᑦ ᐊᑦᑐᖅᐸᑦᑕᖏᑦ ᑮᓇᐅᔭᓕᐅᕋᓱᐊᓂᖕᒧᑦ ᐱᓪᓕᕆᐊᖑᔪᑦ ᐃᓚᐅᖃᑦᑕᐅᓗᑎ RlnC-ᑯᑦ, ᐊᒪ ᓄᓇᖃᖅᑲᓯᒪᔪᑦ ᓇᒻᒥᓂᖃᑏᑦ ᐊᒪ ᑮᓇᐅᔭᓕᐅᕋᓱᐊᓂᖕᒧᑦ ᐱᕙᓪᓕᐊᓂᖅ ᐱᓕᕆᐊᒃᓴᑦ.

“ᐅᖃᐅᓯᖃᕋᓗᐊᕈᑦᑕ ᐊᒥᒐᖏᑦᑐᓂ ᓄᓇᒥᖔᖅᓯᒪᔪᑦ ᑮᓇᐅᔾᔭᒃᓴᓇᓱᐊᕈᑏᑦ ᐅᒡᕙᓗᓐᓃᑦ ᐊᔪᖏᓐᓂᕆᔭᖏᑦ ᐅᒃᑭᐅᖅᑕᖅᑐᒥᐅᑕᐃᑦ,” ᐅᖃᓚᐅᐳᖅ ᐳᕋᐃᒻ ᒥᓂᔅᑕ, “ ᐅᓪᓗᒥ ᑕᒫᓂᒃᐳᒍᑦ ᑲᔪᓯᑦᓯᐊᕈᓇᖁᓗᒍ ᐅᒃᑭᐅᑕᖅᑑᑉ ᐊᔪᖏᓐᓂᕆᔪᓇᖅᑕᖓᓂᒃ.”
ᐊᒡᓚᕕᖓᓂᒃ
ᐳᕋᐃᒻ ᒥᓐᓂᔅᑕᐅᑉ

ᐋᑐᕚ, ᑲᓇᑕᒥ K1A 0A2

ᑐᒃᑭᓯᐅᒪᒡᔪᑎᒃᓴᖅ

ᑲᓇᑕᐅᑉ ᑮᓇᐅᔭᓕᐅᕋᓱᐊᓂᖕᒧᑦ ᐸᖕᓇᑕᐅᓯᒪᔪᑦ

ᐊᕕᒃᑐᖅᓯᒪᔪᓂ ᐱᕙᓪᓕᐊᓂᖅᒧᑦ ᑎᒥᖁᑎᖓ ᐅᒃᑭᐅᖅᑕᖅᑐᒧᑦ

ᑲᓇᑕ ᐊᖏᖅᓯᒪᓂᖓ 2008-ᖑᑎᓪᓗᒍ ᐅᖃᕐᕈᓯᖅ ᐃᒃᓯᕙᐅᑕᖅᔪᐊᖓᓂ ᓴᕿᑦᑎᑦᑎᓯᓂᐊᓚᐅᓂᖏᓐᓂ ᓇᒻᒥᓂᖅ ᓇᖏᕈᓇᖅᑐᒥ ᐊᕕᒃᑐᖅᓯᒪᔪᓂ ᓯᕗᒧᑦᑎᓯᔨᐅᓂᐊᕐᑐᖅ ᑎᒥᖁᑎᖓ ᑲᓇᑕᐅᑉ ᐅᒃᑭᐅᖅᑕᖅᑐᖓᓄᑦ. ᑲᓇᑕᐅᑉ ᑮᓇᐅᔭᓕᐅᕋᓱᐊᓂᖕᒧᑦ ᐸᖕᓇᑕᐅᓯᒪᔪᑦ ᑲᔪᓯᑎᑦᑎᓯᐊᕐᓂᐊᕐᑐ ᑕᒻᒪᒃᓱᒥᖓ ᐊᖏᖅᓯᒪᓂᖅ, ᐊᑦᑐᐃᓇᐅᑎᑦᓯᓂᐊᕐᑐᑦ 50 ᒥᓪᓕᔮᓐᓂᒃ ᐊᕐᕋᒍᓂ ᑕᓪᓕᒪᓂᒃ ᓴᖅᑭᑕᐅᒐᓱᐊᓂᖓᓂ.

ᑕᓐᓇ ᓄᑦᑕᖅ ᑎᒥᖁᑎᐅᔪᖅ, ᐊᑦᑎᖃᖅᑐᖅ ᑲᓇᑕᒥ ᐅᒃᑭᐅᖅᑕᖅᑐᒥ ᑮᓇᐅᔭᓪᓕᐅᕋᓱᐊᕐᓂᖕᒧᑦ ᐱᕙᓪᓕᐊᔨ ᑎᒥᖁᑦᑎᖓ ᐅᒡᕙᓗᓐᓃᑦ CanNor, ᐊᒡᓚᕕᖃᖕᓂᐊᖅᑐᒃ ᐃᖃᓗᓐᓂ, ᓄᓇᕗᑦ, ᐊᒡᓚᕕᖃᕐᓗᑎ ᓄᓇᑦᓯᐊᖕᒥ ᐊᒪ ᔫᒃᑳᓐᒥ, ᐊᒪᓗ ᐊᑦᑐᐊᒐᓕᐅᕐᓂᖅ/ᐊᐅᓚᑦᔩᑦ ᐊᒡᓚᕕᒃ ᐋᑐᕚᒥ. ᑕᓐᓇ ᑎᒥᖁᑎᐅᔪᖅ ᐊᑦᑐᓪᓕᖅᑎᑦᑎᓇᔭᖅᑐᖅ ᓄᑖᖑᖅᐸᓪᓕᐊᔪᑦ ᐊᑐᖅᑕᐅᓯᒪᔪᓐᓇᖅᑐᓂᒃ, ᐊᖅᑭᐅᒪᔪᓇᖅᑐᒥ ᐊᔾᔨᒋᔭᐅᖏᑦᑐᓂᒃ ᑲᔪᓯᒋᐊᕐᕕᐅᔪᓇᖅᑐᓂᒃ ᐊᒪ ᐊᒃᓱᕈᕈᑕᐅᕙᑦᑐᓂ ᐅᒃᑭᐅᖅᑕᖅᑐᒥ ᐊᒪ ᐊᐅᓚᑦᓯᔨᐅᓗᑎ ᐊᒪ ᑲᔪᓯᑎᑦᑎᓪᓗᑎ ᐱᓪᓕᕆᐊᖑᔪᓂᒃ ᐊᒪ ᐊᑦᑐᐊᒐᓪᓕᐊᖑᕙᓪᓕᐊᔪᓂᒃ ᐱᖓᓱᓂ ᐊᕕᒃᑐᖅᓯᒪᔪᓂ.

ᑕᓐᓇ ᓂᕐᕈᐊᒻᑕᐅᓯᒪᔪᖅ ᓴᒃ ᓯᑦᑐᕌ, ᒥᓂᔅᑕ ᐃᓄᓕᕆᔨᑐᖃᒃᑯᓐᓂ ᐊᒪ ᐅᒃᑭᐅᖅᑕᖅᑐᒥ ᐱᕙᓪᓕᐊᓂᖅ ᐊᒪ ᑲᓇᑕᐅᑉ ᒐᕙᒪᖏᑦ ᐊᓪᓚᖓᔪᓄᑦ ᐊᒪ ᐃᓪᓕᑕᕆᔭᐅᖏᑦᑐᑦ ᐊᓪᓚᐃᑦ ᐊᐅᓚᑦᓯᔨᐅᓂᐊᕐᑐᖅ ᑎᒥᖁᑦᑎᐅᔪᒥ.

CanNor ᐃᒪᓐᓇᐃᓕᖓᔾᔪᑕᐅᔪᖅ ᐃᓚᒋᔭᐅᔪᖅ ᒐᕙᒪᒃᑯᑦ ᐅᒃᑭᐅᖅᑕᖅᑐᒥ ᐸᖕᓇᒍᑦᑎᑦ, CanNor ᖃᐅᔨᒪᔭᐅᔪᓇᖕᓂᐊᖅᐳᖅ ᑕᒃᑯᐊ ᒐᕙᒪᒃᑯᑦ ᐱᒻᒪᕆᐅᑎᑦᓯᒪᑕ ᐅᒃᑭᐅᖅᑕᖅᑐᒥ ᖁᕙᓯᑦᑎᑦᓯᒪᕆᒪᑕ ᓯᕗᓪᓕᕆᓯᒪᔭᑦᑎᓐᓂ.

ᑕᓐᓇ ᐱᓪᓕᕆᐊᕆᓂᐊᕐᑕᖓ CanNor-ᑯᑦ ᐃᑲᔪᖕᓂᐊᖅᑐᖅ ᑐᖓᕕᐅᓗᓂ ᖃᒃᑭᔫᒪᖁᓪᓗᒋᑦ ᑮᓇᐅᔭᓪᓕᐅᕋᓱᐊᓂᖕᒧᑦ ᓯᕗᓂᕆᓂᐊᖅᑕᖏᓐᓂ ᑕᒃᑯᐊ ᐃᓅᓯᖃᖅᑐᐃᑦ, ᐱᓪᓕᕆᕕᖏᑦ ᐊᒪ ᐃᑲᔪᖅᐸᓪᓕᕈᓇᖁᓪᓗᒋᑦ ᖃᑦᑕᖑᑦᑎᖏᓐᓂ ᐅᒃᑭᐅᖅᑕᖅᑐᒥ ᐊᒪᓗ ᐃᑲᔪᖅᐸᓪᓕᕐᓗᑎ ᑲᓇᑕᒥᐅᑕᓪᓕᒫᓄᑦ. ᓯᕗᒧᑦᑎᑦᓯᓂᐊᕐᑐᖅ ᐊᔾᔨᖓᓂ ᐊᓯᖏᓐᓂᒃ ᑮᓇᐅᔭᓕᐅᕋᓱᐊᓂᖕᒧᑦ ᑎᒥᖁᑎᐅᔪᓂᒃ, ᐊᐅᓚᑦᑕᐅᓂᖏᑦ ᐊᒪ ᑲᔪᓯᑎᑦᑕᐅᓂᖏᑦ ᒐᕙᒪᒃᑯᑦ ᑮᓇᐅᔭᓕᐅᕋᓱᐊᓂᖕᒧᑦ ᐸᖕᓇᑕᐅᓯᒪᔪᑦ ᐱᓪᓕᕆᐊᕆᔭᖏᑦ ᐊᕕᑦᑐᖅᓯᒪᔪᐃᑦ ᓇᓪᓛᓂᑦᑐᓂ, ᐊᒪᓗ ᐊᑦᑐᐊᒐᓪᓕᐊᖑᕙᑦᑐᑦ, ᖃᐅᔨᓴᖕᓂᖅ ᐊᒪ ᐃᑲᔪᖅᑐᐃᓇᓱᐊᓂᖕᒧᑦ.

CanNor-ᑯᑦ ᓯᕗᓪᓕᖕᒥ ᐊᐅᓚᑦᓯᓂᐊᕐᑐᑦ ᓴᖅᑭᐅᒫᓂᑦᑐᓂᒃ ᐱᓪᓕᕆᐊᒃᓴᓂᒃ ᐊᒪ ᓴᓇᒃᑯᑖᓕᕆᔨᒃᑯᑦ, ᐊᒪ ᑭᖑᓐᓂᐊᒍᑦ ᓴᕿᑦᑎᑦᓯᓗᑎ ᐊᒃᑯᓐᓂᐅᓂᐊᖅᑐ ᖃᓄᖅ ᐊᒃᑭᓯᒪᓇᔭᖕᒪᖓᒥᓂᒃ ᐊᒪ ᐊᐅᓚᑕᖏᑦ. ᑕᒃᓱᒥᖓ ᑐᒡᓕᕆᓂᐊᖅᑕᖓ, ᑕᓐᓇ ᑎᒥᖁᑎᐅᔪᖅ ᐊᖅᑭᐅᒪᓇᓱᐊᓂᐊᕆᕗᖅ ᐱᓪᓕᕆᐊᕆᓇᓱᐊᖅᑕᖏᑦ ᐊᒪ ᐱᓪᓕᕆᐊᖑᔪᑦ ᐅᒃᑭᐅᖅᑕᖅᑐᒧᑦ ᑐᕐᕌᖓᓇᓱᐊᕐᓗᑎ ᐊᒪ ᐊᔾᔨᒌᖏᓐᓂᖏᑦ ᑕᒃᑯᐊ ᐱᖓᓱᑦ ᐊᕕᒃᑐᖅᓯᒪᔪᑦ - ᑐᓴᕐᕕᒋᓯᒪᔭᖅᑎᓐᓂᒃ ᐊᕕᒃᑐᖅᓯᒪᔪᓂ ᒐᕙᒪᒋᔭᐅᔪᑦ ᐊᒪ ᑮᓇᐅᔭᖃᕐᕕᐅᕙᒃᑐᑦ.

ᐊᖏᕈᑕᐅᓯᒪᔪᑦ ᐅᓪᓗᒥᒧᑦ ᑎᒥᖁᑦᑎᐅᔫᑉ ᐱᓪᓕᕆᐊᕆᓯᒪᔭᖏᑦ ᐅᒡᔨᕈᓱᒃᐳᑦ ᐊᒻᒥᓱᓂ ᑐᓴᖅᓯᒪᔭᑦᑎᓐᓂ ᑕᒃᑯᓂᖓ ᑐᒃᑭᓯᒋᐊᕐᕕᒋᓯᒪᔭᑦᑎᓐᓂᒃ  ᑮᓇᐅᔭᖃᕐᕕᐅᕙᒃᑐᑦ, ᐊᕕᒃᑐᖅᓯᒪᔪᑦ ᒐᕙᒪᖏᑦ ᐊᒪ ᐊᓯᖏᑦ ᓇᖕᒥᓂᖃᖃᑦᑎᒌᑦ, ᐊᕕᒃᓯᒪᔪᑎᒍᑦ ᒐᕙᒪᖏᑦᑕ ᐊᒪ ᐊᓯᖏᑦ ᐃᓚᒋᔭᐅᔪᑦ. ᔮᓄᕕᐅᕆ 2009-ᖑᑎᓪᓗᒍ, ᒐᕙᒪᒃᑯᑦ ᐊᐅᓚᑦᓯᔨᖏᑦ ᑐᓐᓂᓯᓚᐅᕐᓯᒪᕗᑦ ᓇᐃᓕᒋᐊᖅᓯᒪᔪᓂᒃ ᑐᓴᒐᒃᓴᓂᒃ ᒐᕙᒪᒃᑯᑦ ᐱᓪᓕᕆᐊᕆᔪᒪᔭᖏᓐᓂᒃ ᓴᖅᑭᑦᑎᓯᒐᓱᐊᕈᒪᓗᑎᒃ ᐅᒃᑭᐅᖅᑕᖅᑐᒥ ᐱᕙᓪᓕᐊᓂᖅ ᑎᒥᖁᑦᑎᐅᔪᖅ ᐅᖓᑦᑖᓄᑦ 200 ᑲᑐᔾᔨᖃᑎᒌᖏᑦ ᐅᒃᑭᐅᖅᑕᖅᑐᓪᓕᒪᖅ ᑕᒪᒃᑭᖅᓗᒍ ᐊᒪ ᑐᓴᕈᒪᓪᓗᑎ ᐊᑉᐱᖅᑯᖅᑕᐅᓇᔭᖅᑐᓂᒃ ᐱᓕᕆᐊᒃᓴᕈᔭᐅᔪᓂᑦ, ᑲᑐᔾᔨᑲᑎᒋᖏᑦ ᐊᒪ ᓯᕗᓪᓕᖅᐸᐅᔭᐅᔭᕆᐊᓕᒃ ᑎᒥᖁᒃᑎᐅᔪᖕᒧᑦ. ᐊᒻᒪᓗ, ᔮᓐᓄᕕᐅᕆᒥᒃ ᔫᓐᓂᒧᑦ 2009, ᒐᕙᒪᒃᑯᑦ ᐃᖅᑲᓇᐃᔭᖅᑎᖏᑦ ᑲᑎᑲᑎᖃᓚᐅᕐᓯᒪᕗᑦ ᐊᕕᒃᑐᒪᔪᑎᒍᑦ ᒐᕙᒪᖏᑦ, ᓄᓇᖃᖅᑲᖅᓯᒪᔪᑦ ᑎᒥᖁᑎᖏᑦ, ᓴᓇᔭᐅᓯᒪᔪᑦ ᑕᐅᒃᓯᑲᑦᑕᖕᓂᕐᒧᑦ ᐊᒪ ᐃᓄᓕᕆᔨᑐᖅᑲᒃᑯᑦ ᐊᕕᒃᑐᖅᓯᒪᔪᓂ ᐊᒡᓚᕕᖏᑦ ᐃᖅᑲᓇᐃᔭᖅᑎᖏᑦ ᐅᖃᐅᓯᖃᕆᐊᖅᑐᖅᓗᑎ ᐱᓪᓕᕆᐊᕆᓇᔭᖅᑕᖏᓐᓂ ᑕᓐᓇ ᓄᖅᑖᖅ ᑎᒥᖁᑦᑎᐅᔪᖕᒥ.

ᑕᓐᓇ ᑎᒥᖁᑦᑎᐅᔪᖅ ᐱᓕᕆᖃᑎᑦᑎᑲᑦᓯᐊᖕᓂᐊᕐᑐᖅ ᐅᒃᑭᐅᖅᑕᖅᑐᒥᐅᓂ ᓇᒻᒥᓂᖃᖃᑦᑎᒋᑦ ᐊᒪ ᑮᓇᐅᔭᖃᕐᕕᐅᕙᒃᑐᑦ ᑲᔪᓯᑦᓯᐊᕈᓇᖁᓪᓗᒍ ᐊᒪ ᖃᔪᓯᑦᓯᐊᕐᓯᒪᓗᑎᒃ ᐱᓕᕆᐊᖑᓇᓱᐊᖅᑐᐃᑦ/ᐱᔨᑦᑎᕋᕐᓂᖅ ᑲᔪᓯᑦᑎᐊᓂᖅ ᐊᑦᑐᖅᑕᐅᓗᓂ ᐅᒡᔨᕈᓱᓪᓗᑎ ᐃᓪᓕᑕᐅᖃᑦᑕᖕᓂᒃᑯᓂᒃ ᐊᒪ ᐃᓐᓂᕐᕋᓂᐊᕐᓂᖅᓴᐅᓱᑦ ᐊᑦᑐᖅᑕᐅᓗᑎᒃ, ᐊᒻᒪᓗ ᐊᒡᔨᒋᔭᐅᖏᑦᑐᓂᒃ ᑮᓇᐅᔭᓕᐅᕋᓱᐊᖕᓂᕐᒧᑦ ᐱᕙᓪᓕᐊᓂᖅ ᑭᖑᒪᔭᐅᔪᑦ ᐊᕕᒃᑐᒪᔪᑎᒍᑦ ᒐᕙᒪᖏᑦ.

CanNor-ᑯᑦ ᐊᒡᔨᖓᓂ ᑲᔪᓯᑎᒃᓯᓇᔭᖅᑐᑦ ᐊᓯᖏᓐᓂ ᑮᓇᐅᔭᓕᐅᕋᓱᐊᕐᓂᖕᒧᑦ ᐱᕙᓪᓕᐊᓂᖅ ᑎᒥᖁᑦᑎᐅᔪᖅ, ᐊᒻᒪᓗ ᐊᐅᓚᑦᑕᐅᓂᖓᓂ ᐊᒪ ᐃᑲᔪᕈᑎᑦ ᒐᕙᒪᒃᑯᑦ ᑮᓇᐅᔭᓪᓕᐅᕐᓂᕆᔭᐅᔪᖅ ᐱᓕᕆᐊᕆᔭᖏᑦ ᐊᕕᒃᑐᖅᓯᒪᔪᓂᒃ, ᐊᒻᒪᓗ ᐊᑦᑐᐊᒐᓕᐅᕐᓂᖅ, ᖃᐅᔨᓴᖅᓂᖅ ᐊᒪ ᐃᑲᔪᖅᓱᐃᓂᖅ. ᐱᓪᓗᐊᖅᑐᒥ, ᑕᓐᓇ ᑎᒥᖁᑎᐅᔪᖅ ᐊᐅᓚᑦᓯᕙᓐᓂᐊᖅᑐᖅ ᐅᒃᑯᓐᓂᖓ:

ᑲᓇᑕᐅᑉ ᑮᓇᐅᔭᓕᐅᕐᓂᕆᔭᐅᔪᑦ ᐱᓕᕆᐊᕆᔪᒪᔭᖏᑦ ᐸᖕᓇᑦᑕᐅᓯᒪᔪᑦ ᓄᑖᖑᖅᑎᑦᑕᐅᔪᑦ SINED ᑮᓇᐅᔭᖅᑕᖅᑎᑕᐅᓂᖅ 90 ᒥᓪᓕᔮᓐ ᐊᕐᕋᒍ ᑕᓪᓕᒪᑦ ᐊᕐᕋᒍᓂᒃ, ᐊᕕᒃᑐᖅᓯᒪᑦᓯᐊᕐᓗᓂ ᐊᒡᔨᒋᓂᒃ ᑕᒃᑯᓂᖓ ᐱᖓᓱᓂ ᐊᕕᒃᑐᒪᔪᑐᒍᑦ ᒐᕙᒪᖏᑦ. ᐊᐅᓚᑦᓯᔨᐅᓇᔭᖅᓱᓂ ᑕᒃᓱᒧᖓ SINED ᓅᑦᑕᐅᓇᔭᖅᑐᖅ CanNor-ᑯᓐᓄᑦ ᑕᒃᓇᖓᑦ ᐃᓄᓕᕆᔨᑐᖃᒃᑯᓐᓂᒃ ᑲᓇᑕᒥ.

ᓄᓇᖃᖃᖅᓯᒪᔪᑦ ᓇᒻᒥᓂᖃᖅᑎᑦ ᐊᒪ ᑮᓇᐅᔭᓪᓕᐅᕐᓂᕆᔭᐅᔪᑦ ᐱᕙᓪᓕᐊᓂᖅ ᐱᓕᕆᐊᒃᓴᑦ
CanNor-ᑯᑦ ᓯᕗᒧᑎᑦᑎᓇᔭᖅᑐᑦ 11.8 ᒥᓪᓕᔮᓐᓂᒃ ᐊᕐᕋᒍᑕᒪᖅ ᓄᓇᖃᖃᓯᒪᔪᑦ ᓇᖕᒥᓂᖃᖅᑏᑦ ᐊᒪ ᑮᓇᐅᔭᓕᐅᕐᓂᕆᔭᐅᔪᑦ ᐱᕙᓪᓕᐊᓂᖅ ᐱᓕᕆᐊᒃᓴᖏᑦ ᐊᕕᒃᑐᒪᔪᑎᒍᑦ ᒐᕙᒪᖏᑦ, ᓯᕗᓐᓂᖓᓂ ᐊᐅᓚᑦᑕᐅᕙᓚᐅᕐᓯᒪᔪᑦ ᐃᓄᓕᕆᔨᑐᖃᒃᑯᓐᓄᑦ. ᑕᓐᓇ ᐃᓚᐅᖃᑦᑕᐅᓗᓂ ᓄᓇᖃᖃᓯᒪᔪᑦ ᓇᖕᒥᓂᖃᖅᑏᑦ ᐱᕙᓪᓕᐊᓂᖅ ᐱᓪᓕᕆᐊᒃᓴᑦ, ᐃᑲᔪᖅᑐᓱᑦ ᓄᓇᖃᖃᓯᒪᔪᑦ ᓇᖕᒥᓂᖃᖅᑏᑦ ᓴᕿᑕᐅᓂᖓᓂ ᐊᒪ ᑮᓇᐅᔭᓕᐅᕋᓱᐊᕐᓂᖕᒧᑦ, ᐊᒪ ᓄᓇᖃᖃᖅᓯᒪᔪᑦ ᒐᕙᒪᖏᑦ ᑮᓇᐅᔭᓪᓕᐅᕆᔭᐅᔪᑦ ᐱᕙᓪᓕᐊᓂᖅ ᐱᓕᕆᐊᒃᓴᑦ. ᑕᓐᓇ ᓄᑦᑖᖅ ᑎᒥᖁᑦᑎᐅᔪᖅ ᐱᓕᕆᖃᑦᑎᖃᑦᑎᐊᓚᖓᔪᖅ ᑕᒃᑯᓂᖓ ᓄᓇᖃᖃᖅᓯᒪᔪᑦ ᒐᕙᒪᖏᓐᓂᒃ ᐊᒪ ᑎᒥᖁᑦᑎᐅᔪᓂᒃ ᑐᒃᑭᓯᐅᒪᑦᑎᐊᖁᓪᓗᒍ ᐊᒪ ᑭᐅᖃᑦᑕᖕᓴᔭᖅᓱᓂ ᑮᓇᐅᔭᓕᐅᕐᓂᕆᔭᐅᔪᑦ ᐱᕙᓪᓕᐊᓂᖅ ᐱᔪᒪᔭᖏᓐᓂᒃ ᑕᒃᑯᐊ ᑎᒥᖁᑦᑎᐅᔪᑦ ᒪᓪᓕᑕᐅᓗᓂ ᓄᑦᑖᖅ ᓄᓇᖃᖃᖅᓯᒪᔪᑦ ᑮᓇᐅᔭᓕᐅᓂᕆᔭᐅᔪᑦ ᐱᕙᓪᓕᐊᓂᖅ ᐊᑦᑐᖅᑐᒃᓴᑦ.

ᓄᓇᓖᑦ ᐊᑦᑐᖅᐸᑦᑕᖏᑦ ᐱᓪᓕᕆᐊᒃᓴᑦ
CanNor-ᑯᑦ ᐊᐅᓚᑦᓯᔨᐅᕙᓐᓂᐊᕐᑐᑦ ᑕᒃᑯᓄᖓ ᓄᓇᓖᑦ ᒐᕙᒪᖏᓐᓄᑦ ᓄᓇᓪᓖᑦ ᐊᑦᑐᖅᐸᖅᑕᖏᑦ ᑮᓇᐅᔭᐃᑦ ᑐᖅᑯᑕᐅᓯᒪᔪᑦ (MRIF) ᐊᒪ ᑕᒃᑯᐊ ᑲᓇᑕᒥ ᐱᓕᕆᔾᔪᑎᒃᓴᓂᒃ ᐸᕐᓇᐃᓂᖅ ᓄᓇᓖᑦ ᐊᑦᑐᖅᐸᑦᑕᖏᑦ ᑮᓇᐅᔭᑦ ᑐᖅᑯᑕᐅᓯᒪᔪᑦ (CSIF), ᑕᒃᑯᐊ ᑕᒪᕐᒥᒃ ᐊᐅᓚᑦᑕᐅᔫᒃ ᐃᓄᓕᕆᔨᑐᖃᒃᑯᓐᓄᑦ. ᐃᑲᔪᖅᑐᖕᓂᐊᕆᕗᖅ ᑕᒃᓱᒥᖓ ᑭᑉᐱᖑᐃᔭᕐᕕᒃ ᓄᓇᓪᓖᑦ ᐊᑐᖅᐸᑦᑕᖏᑦ ᑲᓇᑕᒥ RlnC-ᑯᑦ ᐱᓕᕆᐊᒃᓴᑦ, ᓴᖅᑭᑕᐅᒋᐊᖓᓚᐅᖅᓯᒪᔪᖅ ᑲᓇᑕᐅᑉ ᑮᓇᐅᔭᓕᐅᕐᓂᕆᔭᐅᔪᑦ ᐸᖕᓇᑕᐅᓯᒪᔪᑦ. RlnC-ᑯᑦ ᐊᕐᕋᒍᓐᓂᒃ ᒪᕐᕈᓂ ᐱᓕᕆᐊᒃᓴᑦ ᐃᑲᔪᖅᑐᓲᖅ ᐃᓅᓯᖃᖅᑎᑦᑕᐅᓇᓱᐊᖅᑎᐊᖅᑐᖅ ᐊᒪ ᐊᖅᑭᒋᐊᖅᑕᐅᑎᓪᓗᒍ ᐃᓅᓯᖃᖅᑎᑕᐅᓴᓱᐊᖅᑎᐊᖅᑐᖅ ᓄᓇᓖᑦ ᒐᕙᒪᖏᓐᓄᑦ. ᐊᑦᑐᐃᓇᐅᑎᑦᑎᓂᐊᕐᑐᖅ 567,000-ᓂᒃ ᑮᓇᐅᔭᓂᒃ ᑕᒃᑯᓄᖓ ᐱᖓᓱᓄᑦ ᐊᕕᒃᑐᒪᑦᑎᒍᑦ ᒐᕙᒪᖏᑦ ᐊᕐᕋᒍᓄᑦ ᒪᕐᕈᓄᑦ, ᐃᓚᒋᐊᖅᑕᐅᓗᑎ 325 ᒥᓪᓕᔮᓐᓂᒃ ᐊᑦᑐᐃᓇᐅᔪᑦ ᑲᓇᑕᐅᓕᒪᕐᒧᑦ ᑐᖓᕕᒋᓇᔭᖅᑕᖓ ᑐᒃᓯᕋᐅᑏᑦ ᖃᐅᔨᓴᖅᑕᐅᓚᐅᕐᑎᓪᓗᒋᑦ ᒦᓂᔅᑕᓄᑦ.

ᓄᓇᓪᓕᓐᓂ ᐊᖅᑭᒋᐊᕈᑎᒃᓴᓄᖓᔪᖅ ᑮᓇᐅᔭᐃᑦ ᑐᖅᑯᑕᐅᓯᒪᔪᑦ
Community Adjustment Fund (CAF) ᓄᑦᑖᖑᔪᑦ, ᐱᓕᕆᐊᒃᓴᖅ ᓴᕿᑦᑎᑕᐅᓚᐅᕐᓯᒪᔪᖅ ᑕᒃᑯᓅᖓ ᑲᓇᑕᐅᑉ ᑮᓇᐅᔭᓕᐅᕐᓂᕆᔭᐅᔪᑦ ᐸᖕᓇᑦᑕᐅᓯᒪᔪᑦ. CAF-ᑯᑦ ᐊᖅᑭᑕᐅᓯᒪᕗᖅ ᑮᓇᐅᔭᓕᐅᕐᓂᕆᔭᐅᔪᑦ ᖃᒃᑭᒌᐊᕈᑦᑎᒃᓴᓂᒃ ᐃᖅᑲᓇᐅᔮᒃᓴᓕᐅᕐᓗᓂ ᐃᑲᔪᕋᓱᐊᕐᓗᓂ ᐊᓯᒡᔨᖅᐸᓪᓕᐊᓇᔭᖅᑎᓪᓗᒍ ᐊᒪ ᐊᖅᑭᒋᐊᕈᑎᒃᓴᓄᖓᔪᖅ ᐊᒃᓱᕈᕈᑎᒋᓇᔭᖅᑕᖏᑦ ᐊᓯᒡᔨᖅᑕᐅᓕᖅᑎᓪᓗᒋᑦ ᓄᓇᓪᓕᓐᓂ. CAF-ᑯᑦ ᐊᑦᑐᐃᓇᐅᑎᑦᑎᓂᐊᕐᑐᑦ 32.8 ᒥᓕᔮᓐᓂᒃ ᐊᕕᒃᑐᒪᔪᑎᒍᑦ ᒐᕙᒪᖏᓐᓂᒃ ᐅᒡᕙᓘᓂᑦ 16.4 ᒥᓕᔮᓐ ᐊᕐᕋᒍᑕᒪᖅ.

ᐃᖃᓇᐃᔭᖅᑎᖁᑎᑦ ᐊᒪ ᐊᔪᖏᔾᔪᑏᑦ ᐱᕙᓪᓕᐊᓂᖅ ᑲᓇᑕᒥ (HRSDC) ᐊᔪᖏᔾᔪᑏᑦ ᐃᓕᓐᓂᐊᕐᓂᖅ
CanNor-ᑯᑦ ᐃᑲᔪᖅᑐᐃᓚᖅᑐᖅ ᐊᐅᓚᑦᑕᐅᓂᖓᓂ ᐃᖃᓇᐃᔭᖅᑎᑯᑎᑦ ᐊᒪ ᐃᓕᓐᓂᐊᕈᑎᐅᓇᔭᖅᑐᓂᒃ ᐊᔪᖏᔾᔪᑏᑦ ᐱᕙᓪᓕᐊᓂᖅ ᑲᓇᑕᒥ (HRSDC) ᐊᔪᖏᔾᔪᑏᑦ ᐃᓕᓐᓂᐊᕐᓂᖅ ᐱᓕᕆᐊᒃᓴᑦ ᐅᒃᑭᐅᖅᑕᖅᑐᒥ. ᑕᒃᑯᐊ ᐃᓚᐅᖃᑦᑕᐅᓇᔭᖅᑐᑦ ᓇᒻᒥᓂᖃᖃᑎᒌᑦ ᐊᒪ ᓴᓇᔭᐅᓚᖓᔪᑦ ᐊᑦᑖᓂ HRSDC-ᑯ ᐊᐅᓚᑦᑕᖏᑦ ᑮᓇᐅᔭᑦ ᑐᖅᑯᑕᐅᓯᒪᔪᑦ ᐅᒃᑑᑎᒋᓗᒍ ᓄᓇᖃᖃᖅᓯᒪᔪᑦ ᐊᔪᖏᓐᓂᖏᑦ ᐱᓕᕆᔾᔪᑎᒃᓴᓂᒃ ᐸᕐᓇᐃᓂᖅ ᑮᓇᐅᔭᓂᒃ ᐱᕐᕈᖅᑎᑦᑎᓇᓱᐊᖕᓂᕐᒧᑦ ᑐᖅᑯᖅᓯᓂᖅ ᐊᒪ ᑕᒃᑯᐊ ᓄᓇᖃᖃᖅᓯᒪᔪᑦ ᐊᔪᖏᓐᓂᖏᑦ ᐊᒪ ᐃᖃᓈᐃᔭᒃᓴᑦ ᓇᒥᓂᖃᖃᑦᑎᒋᑦ(ASEP) ᐱᓕᕆᐊᒃᓴᑦ. ᑕᒃᐊ ᐱᒋᐊᖅᑎᑦᑕᐅᓯᒪᔪᑦ ᐃᓪᓗᓕᖃᕋᔭᖕᒥᔪᑦ ᖃᐅᔨᓴᖕᓂᕐᒧᑦ ᐊᒪ ᖃᐅᔨᓴᖕᓂᖅ ᐊᔪᖏᓐᓂᕆᔭᖏᓐᓂ ᓇᐃᓈᖅᓯᒪᓂᖏᑦ ᐊᒪ ᒪᒃᑭᒋᐊᕈᑦᑎᒃᓴᓄᑦ.

ᐅᒃᑭᐅᖅᑕᖅᑐᒥ ᐱᒋᐊᖅᑎᑦᑕᐅᓯᒪᔪᑦ ᑲᒪᒋᔭᖃᕐᓂᖅ ᐊᒡᓚᕕᖓ (NPMO)
CanNor-ᑯᑦ ᑕᒃᑯᓇᓐᓃᓚᖓᔪᖅ ᑕᓐᓇ ᓄᑦᑕᖅ NPMO. ᑕᓐᓇ NPMO ᐊᐅᓚᑦᓯᔨᐅᓇᔭᖅᑐᖅ ᑲᒪᔨᔭᖃᖕᓇᔭᖅᑐᖅ ᐱᓕᕆᐊᖏᓐᓂ ᒐᕙᒪᒃᑯᑦ ᑎᒥᖁᑎᖏᓐᓂ ᐊᕕᒃᑯᖅᓯᒪᐅᖅᑐᓂ ᐊᒪ ᑎᒥᖁᑎᐅᔪᖅ ᖃᐅᔨᓴᖅᑕᐅᑎᓪᓗᒍ ᓱᓇᒃᑯᖅᑖᓕᒪᖏᓐᓂᒃ ᐊᒪ ᑐᓐᓂᐅᖃᐃᓕᖅᑎᓪᓗᒍ ᐅᒃᑭᐅᖅᑕᖅᑐᒥ ᐱᒋᐊᖅᑎᑦᑕᐅᓯᒪᔪᑦ ᐱᕙᓪᓕᐊᓂᖅ, ᐊᒪ ᐊᐅᓚᑦᑕᐅᓂᖓᓂ ᐊᑦᑐᖅᑕᐅᓇᔭᖅᑐᒥ ᑐᓴᕕᒋᒋᐊᖓᖅᑎᓪᓗᒋᑦ ᐊᒪ ᑐᓴᐅᒪᑦᑎᑦᑎᓇᓱᐊᓕᖅᑎᓪᓗᒋᑦ ᓄᓇᖃᖃᖅᓯᒪᔪᑦ ᐊᒪ ᓄᓇᓪᓕᖏᑦ. ᑕᒃᑯᐊ NPMO-ᑯᑦ ᐊᐅᓚᑦᑎᓚᖓᒋᕗᑦ ᐃᓕᑕᕆᔭᐅᓂᖏᑦ ᓂᐊᖁᑏᑦ ᑲᐅᔨᓴᖅᑎᓪᓗᒋᑦ ᒐᕙᒪᒃᑯᑦ ᑲᓇᑕᒥ ᑕᒃᑯᓄᖓᓕᒪᖅ ᐅᒃᑭᐅᖅᑕᖅᑐᒥ ᐱᒋᐊᖅᑎᑦᑕᐅᓯᒪᔪᑦ. ᑕᒃᑯᐊ NPMO-ᑯᑦ ᐃᖅᑲᓇᐃᔭᖅᑎᖃᓚᖓᕗᑦ ᑕᒃᑯᓇᓂ ᐱᖓᓱᓂ ᐊᕕᒃᑐᒪᔪᑎᒍᑦ ᒐᕙᒪᖏᑦ ᐊᒪ ᐋᑐᕚᒥ.

ᐊᖓᔪᖅᖄᖑᖃᖅᑕᐅᔪᖅ ᐅᖃᐅᓯᖕᓄᑦ ᒥᒃᑭᓂᖅᓴᐃᑦ ᓄᓇᓖᑦ (OLMCs)
CanNor-ᑯᑦ ᐊᐅᓚᑦᓯᔨᐅᓇᔭᖅᑐᑦ ᑕᒃᓱᒪ ᒥᓂᔅᑕᐅᑉ ᐃᓄᓕᕆᔨᑐᖃᒃᑯᓐᓂ ᐊᒪ ᐅᒃᑭᐅᖅᑕᖅᑐᒥ ᐱᕙᓪᓕᐊᓂᖅ ᐊᑦᑖᓂ ᐊᒃᑭᑦᑕᐅᓯᒪᔫᑉ 41 ᑕᒃᑯᓇᓂ ᐊᖓᔪᖅᖄᖑᖃᖅᑕᐅᔪᖅ ᐅᖃᐅᓯᖕᓄᑦ ᒪᓪᓕᒐᓕᐊᖑᓯᒪᔪᑦ ᐃᑲᔪᖅᑐᖅᓗᓂᐅᒃ OLMC-ᑯᑦ ᐊᕕᒃᑐᖅᓯᒪᔪᐃᑦ ᒐᕙᒪᖏᑦ. ᑕᒃᑯᐊ ᐃᓚᐅᖃᑦᑕᐅᓇᔭᖅᑐᑦ ᑮᓇᐅᔭᓕᐅᕋᓱᐊᖕᓂᕐᒧᑦ ᐱᕙᓪᓕᐊᓂᖅ ᐱᒋᐊᖅᑎᑦᑕᐅᓯᒪᔪᑦ: 2008-2013 ᒐᕙᒪᒃᑯᑦ ᐱᓪᓕᕆᔾᔪᑎᒃᓴᓂᒃ ᐸᕐᓇᐃᓂᖅ ᐅᖃᐅᓰᑦ ᐃᓕᑕᕆᔭᐅᓯᒪᔪᑦ, ᑲᓇᑕᓕᒪᕐᒧᑦ ᑐᕐᕋᖓᓇᔭᖅᑐᖅ ᑕᒡᕗᓇ ᐊᕕᒃᑐᒪᔪᑎᒍᑦ ᒐᕙᒪᖏᑦᑎᒍᑦ. ᑕᓐᓇ ᑎᒥᖁᑎᐅᔪᖅ ᐃᑲᔪᖅᑐᖕᓇᔭᕆᕗᖅ OLMC-ᑯᓐᓂ ᑕᒃᕘᓇ ᐊᓯᖏᑦᑎᒍᑦ ᑮᓇᐅᔭᓕᐅᕐᓂᕆᔭᐅᔪᑦ ᐱᕙᓪᓕᐊᓂᖅ ᐱᓕᕆᐊᒃᓴᑎᒍᑦ, ᐅᒃᑑᑎᒋᓗᒍ SINED-ᑯᑦ.

ᒐᕙᒪᒃᑯᑦ ᑲᑎᒪᔨᖏᑦ
CanNor-ᑯᑦ ᐃᓇᖏᖅᓯᓚᖓᔪᑦ ᐃᓄᓕᕆᔨᑐᖃᒃᑯᓐᓂ ᑲᒪᔨᐅᓂᖏᓐᓂᒃ ᐃᒡᓗᖃᑦᑎᑦᑎᓗᑎᒃ ᑕᒃᓱᒥᖓ ᐃᑲᔪᖅᑎᖓᓂ ᑕᒃᑯᓄᖓ ᐊᕕᒃᑐᒪᔪᑎᖏᑦ ᒐᕙᒪᒃᑯᑦ ᑲᑎᒪᔨᖏᑦ. ᒐᕙᒪᒃᑯᑦ ᑲᑎᒪᔨᖏᑦ ᑲᑎᒪᒡᕕᓲᑦ ᑕᒃᑯᓄᖓ ᑲᑎᒪᔨᐅᓱᓄᑦ ᑲᑦᑎᑦᑎᓯᓪᓗᑎ ᖁᕙᓯᖕᓂᕐᓴᓂ ᐊᖏᔪᖅᑲᖑᔪᓂᒃ ᑕᒃᑯᓂᖓᓕᒪᖅ ᒐᕙᒪᒃᑯᑦ ᑎᒥᖁᑦᑎᖏᓐᓂ ᐊᒪ ᑎᒥᖁᑎᐅᔪᑦ ᐳᕌᕙᔅᓯᓐᓂ ᐊᒪ ᐊᕕᒃᑐᖅᓯᒪᔪᐃᑦ ᒐᕙᒪᖏᑦ.